صيانة اكسيل مانيوال 1500 cc

[wael6]

السلام عليكم
الحمد لله تم شراء اكسيل 95 كامله مانيوال 1500
ومحتاجه طقم شمبر بتطلع دخانه من عند سير الكاتينه وخرطوم الفايص اللى رايح للعمه
وصاحبها اقسملي انها مبتكلش زيت ؟؟؟؟؟ للاسف الشديد
ولسه بفحص مقاس الزيت بعد ما استملت السيارة بفضل الله لقيته ناقص وزودته نص كيلو زيت متور
والفتيس عندى نقلاته خشنه شوية الميكانيكي قالى احتمالين
1- زيت الفتيس ناقص (( كشفت عليه لقيته مظبوط ))
2- بلية الدبرياج خشنه (( معرفهاش اساسا الله اعلم ))
هل ممكن اصبر ع المكنه كده لحد الصيف ولا الافضل اعمل طقم الشمبر دلوقتى
وايه حكاية الفتيس
المكنه بتدور علطول حتى وهى بارده الحمد لله
فى صوت خانق السحب بتاع العربيه برده (( شبه مثلا حكة الكاوتش بس ده صوت جاى من المكنه مع التزويد او لما بشيل رجلى من ع البنزين ))
نرجو الافاده ولكم جزيل الشكر والامتنان

[wael6]

العربيه مبتكلش زيت
حاطط زيت شنبر على زيت شل الاحمر
لكن فى دخنه زرقا خفيفه فى الشكمان وبخار خفيف بيطلع من مكان خرطوم الفايص وانا سايق بلاقيه ع الازاز وبشوف دخنه ع الكبود من الفايص
الأراء متجمعه انها طقم شنبر لكنها مبتكلش زيت الحمد لله
الغريب بقا النهارده عرضتها على ميكانيكي رابع مختلف عن الاخرين قالى عندك بستم مكسور
قلتله ازاى عرفت قبل ما تحل المكنه ؟؟ قالى باينه انها بتنفج من كل حته؟؟ وقالى هتحتاج يا نص عمره او عمره كامله من 1000 الى 1500 ج تكلفه ؟؟
نيجي بقا للفتيس
الفتيس خشن لكنه مبيعضش بمعنى انى بحس ببطئ بسيط فى حركته بحس بصوت تعشيقة التروس
وفى صوت نحره بيروح لما بدوس دبرياج ساواء والعربيه ماشيه او واقف وبيروح لما امور العربيه وهى ماشيه
يارب اكون قدرت اوضحلكم الصورة واسف للاطاله
ولكم جزيل الشكر والامتنان

[wael6]

السلام عليكم
بالصدفه البحته
كنت رايح اعرض الفتيس على عفشجي اخير غير العشره اللى شافوه وقالولى لازم يتغير
لقيت ده بيقولى هغيرلك البلي وباذن الله مش هيرجع تانى واخليهولك حرير
ولقيتني بقوله اعمله بس طبعا ما كررت عليه
ان مصنعيتك محفوظه ونغيره وخلاص افضل وأأمن
قالى لا
وهتتكلف 250 بالمصنعيه
وقد كان
....*والحمد لله عمله والاصوات والخشونه راحت ويبقي صوت فوووووو خفيف جدا جدا لما العربيه بتهدا اوى
قالى ده طبيعي ( وده كنة الفتيس مع المكنه ) هل هذا حقيقي ؟؟؟؟؟؟
وكشفلى ع الديسك والاسطوانه والبليه وقالى كويسين الحمد لله وجداد متغيرين قريب
وغيرت سلك الدبرياج والدبرياج الحمد لله بقا خفيف
بالنسبة لتقل العصايا بقا
فك القنصوه وزيتها وزيت السست اللى فى الفتيس من بره والعصايا ار تاحت شويه
وقولتله الوايرات اللى راحه للفتيس من العصايا متتغيرش عشان تخف شويه
قالى ب 150 ج ومش هتحس بفرق برده وصوت العصايا ده طبيعي صوت الترابيس والصواميل ان تحس بتعشيقة النقله تحت ايدك
ايه رايكم
ولكم جزيل الشكر

[wael6]

الحمد لله على كل حال
اشتريت مشط للاسبراتير استيراد ب 300 ج
وكان فيه تايوانى ب 90 ج بس بيقولوا وحش
وفى نوع ب 190 مكتوب عليه متسوبيشي برده قالوا مش مضموت
ربنا يستر ع اللى جبته ده
ومصنعيه 70 ج
هل فيه جهاز يكشف مدى صلاحية المشط والموبينه ولا مفيش اصلا
1- وهل زرار فصل الكهربا عن الموبينه للامان بيضر الموبينه ولا لا ؟
2- عطل لما بتكون سخنه وتفصل واجى ادورها بتغيب فى الدوارة
3-عندى عيب فى كتاوت الدينامو ورعشه فى النور وضعف ولما بدوس بنزين بيزيد ويثبت// هل كده وضع الدينامو يسبب مشكله غير كده ؟؟
4- انا لما اجيت اعمل نص عمره لقيت الشمايز ناعمه ومخرطتش قبل كده والكرنك سليم وركبت طقم شنبر وغيرت بساتم فقط استاندرد
فوجئت النهارده بميكانيكي اخر اللى عملت مشط الاسبراتير
بيقولى كان الافضل تجيب بساتم اكبر من الاستاندر وتخرط الشميز والكرنك وتغير سبيكه
عشان المكنه عندك جرشه وخشنه
عشان يبقي الشغل نظيف
هل كان لازم حتى مع سلامة الشمايز والكرنك ان اخرطهم واغير السبيكه
ولا المطلوب اتعمل وخلاص
5- فبرة تقليب النقلات بتاعة الفيرنا تركب ع الاكسيل ولا لا
وهل رجلشة عصايا الفتيس خلاف الفبره ولا تغيير الفبره يكفي لزوال الدقره اللى فى النقلات
خصوصا ان دلوقت اللى تاعبنى فى العصايا النقله ع التالت فقط الدقره بتبان اكتر
وما الطريقة المناسبه لرجلشة العصايا
ارجو الاجابة المستفيضه للخمس نقاط ارجوكم
ولكم جزيل الشكر والامتنان