مشكله فى الزيت skoda octavia 1998

[ggmmgg]

الموتور منشع زيت من بره من فوق الميكانيكى قالى جوان غطا تكيهات
المشكله الثانيه الزيت بيقل حوالى نص كيلو كل 2000 قالى شنبر
مع العلم ان مفيش دخنه فى الشكمان والشكمان بينقط ميه ومعدل مشيى فى اليوم 5 كيلو
ايه رايكم شنبر ولا ايه والتكليف كام

[romieh]

بالنسبة لنشع الزيت اغسل العربية فى بنزينة وخليه يغسل الموتور بالجاز

وبعدين تشوف الزيت بييجى منين - لو على جوان غطا التاكيهات مافيهوش مشكلة غيرة وتبقى كويس

بالنسبة لنقص الزيت هو عموما ده مش معدل كبير قوى بس لازم تشوف هو ايه حله علشان لو بسيط يتصلح

بس الاهم اننا نعرف طبيعة سواقتك ايه هادية ولا بتحرق على الغيار جامد؟؟

هل فيه تبخير زيت من خرطوم الفايظ؟؟

ايه نوع الزيت اللى حضرتك بتحطه فى العربية؟؟

[ggmmgg]

فالاول شكرا على الرد
سواقتى هاديه
بحط موبيل 3000
هوه فين خرطوم الفايظ

[romieh]

خرطوم الفايظ هو الخرطوم الواصل بين العمة وبين المدخل اللى بنحط فيه الزيت

شيل الخرطوم ده والعربية دايرة وشوف بيطلع دخان ابيض ولا لا

بس ممكن يكون العيب من نوع الزيت اللى انت حاطه لان اسمع ان موبيل xhp بيتبخر بسرعة

ممكن المرة الجاية تبقى تغير لزيت شل الاصفر (بيقعد 5000 كيلو) او شل الاحمر (بيقعد 3000 كيلو)

ملحوظة : معدل مشى 5 كيلو فى اليوم ده قليل قوى قوى ، معنى كده انك بتغير الزيت كل سنة او اكتر كمان

وده غلط ، لأن الزيت صلاحيته هو عدد الكيلومترات او 6 شهور ايهم اقرب

[ggmmgg]

الف شكر على الرد والاهتمام
هروح اغير زيت شل واجيب فلتر بالمره
الحمد لله طمنتنى انه ممكن يبقى مفيش شمبر
شكراا جدا

[mado_9999]

السلام عكليم

فعلا لازم تغسل الماتور وتشوف الزيت بيجى منين لو من فوق بيقى جوان غطاء بس نصيحه اوعى تغسل الماتور بالجاز اغسل الماتور بالفوم وبعدين غير الى شيل الاصفر حلو حط الا 5000 وبعدين غير الزيت على 3 الف عشان انت مش بتحرك بالعربيه كترر وان شاء الله خير

[ggmmgg]

الف شكر على الرد