تغيير سير الكاتينة

[fighter_ss11v]

هلا شباب نايل موتورز

استكمالا لبرنامجي الانتخابي وحرصا مني على الصالح العام قررت استكمال اعمال الصيانة للعربية احسن ما يعملو ثورة في البيت وتبقى مشكلة والعيال تعتصم في الصالة


المهم
سير الكاتينة اعرف انه بيتغير كل فترة معينة العربية كورولا 99 ولكن هنا الفاجعة
السيد الوالد ماشي بالسير 110 الف كيلو لمدة 10 سنوات دون تغيير السير

اولا اعمل ايه علشان اقنعه

ثانيا المفروض يتغير كل قد ايه واللي يجاوب بعد اذنه يقولي عرف ازاي

ثالثا اعرف ازاي ان السير خامته حلوة وانه الاصلي ؟


والله المستعان :]

[fighter_ss11v]

??

انا مستقل على فكرة مش حزب او جماعة :]

[HotRide]

متعملش حاجه سيبها لحد ما اجيب طقم صباب و هيقتنع انه لازم يتغير

او روح تطووع من نفسك و هاتو و ركبه عند اي حد


يتغير قد ايه علي حسب الاصلي انا اسمع انه ممكن يقعد 40 الف بس عامه انا برأيي يتغير كل 20 الف كويس
و السير مش بيضرب متخفش اصل ده شيء مهم جدا محدش بينزلو خامه و خشه و حاول لما تجيب هات الياباني بتعها

[saadelden]

هي مش الكاتينه بتاعها جنزير ؟؟ ولا انهي موديل ؟؟

[migo9898]

سير الكاتينة بيتغير بعد 40 الف

[fighter_ss11v]

شكرا ياشباب اسف على التأخير

غيرته الحمد لله بسير تاني اوريجينال ب180 جنيه

الميكانيكي قالي انه ممكن يقعد لحد 60 الف بس نغيره على 50 الف
يعني على استهلاكنا (بعد خمس سنين ان شاء الله )

فضل التاكيهات وظبطها لو في حد جامد في الموضوع ده في الزقازيق ياريت حد يقولي

[rotanamasoud]

باشا اسمه سير تقسيمه لان الكاتينه مبتتغيرش اصلا(شبه سير البسكلته الحديد)