مشكله بعربيه جدييده عامله 1500 كيلو فقط

[reno]

السلا م عليكم

انا اشتريت عربيه جديده تماما ... رينو لوجان 2011
استلمتها من اسبوعين و كانت ماشيه حلو قوي .. و لما عملت بيها 1500 كيلو بدأ صوتها يعلى جدا كأنه عربيه سباق.. لما ادوس بنزين جامد.. يعني لما مؤشر الدوس على البنزين يعدي الاتنين و نص يبدأ الصوت ده و بيزيد مع السرعه .. يعني على الخامس معرفش اعدي ال 90 .. على طول الصوت بيبدأ .. قولولي اعمل ايه.. انا هتجنن العربيه جدييييييييييده ..

فكرته زيت.. اتصلت بالشركه قالو لا هي فيها زيت لعشرة الاف كيلو.. انا مش عامله بيها غير 1500 !!!!

مستنيه ردكو ضروري ساعدوني

[grumby78]

انتي لسه في الضمان
ودي العربيه التوكيل

[ahmedfouad]

هى العربية كدة طبيعة صوتها عالى او لو الموضوع over شوف الشكمان مسدود ولا حاجة

[eng.m7md.ali]

هيا مش المفروض ان فيها زيت تليين؟؟
حضرتك عملتي صيانة ال 1000 ؟؟

[mrastra]

الشكمان دة اتخرم
او الجوان ضرب بتاع المانيفول

[reno]

لا كلمت التوكيل قالولي مفيش صيانة الف .. اول صيانه صيانة 5 الاف .. انا مش فاهمه ازاي على حسب علمي لازم يبقى فيها زيت خفيف يعني للتليين برضو.. بس الراجل قال لا هي فيها زيت لعشره الف كيلو!!

[adamlion]

ممكن يكون مشكلة الشكمان -
ممكن يكون عيب تصنيع فى طرمبة الزيت.
اللوجان صوت موتورها العادى عالى.