عايز اظبط كهربة العربية ومعرفش ميكانيكي قريب ليا!!

[dr.hazem]

السلام عليكم ورحمة الله
باختصار عايز اظبط كهربة العربية بس عايز اللي يظبطهالي يكون واحد فاهم وكويس وامين
لان انا بخاف من الميكانيكيه وخايف اروح لحد يعملي من البحر طحينه وفي الاخير يعكلي حاجه تانيه مفهاش مشكله من الاساس

انا ساكن في النزهة الجديده
ياترى في حد سمعته كويسه قريب مني اروحله؟؟؟

تحياتي

[mrastra]

انا مش فاهم عاوز تظبط كهربا العربية يعنى تعلية وتوطية وقت الاشعال ( ودى اللى بيعملها الميكانيكى ) ولا عاوز تعمل شغل كهرباء من لمب واسلاك وخلافة لان اللى بيعملها الكهربائى

[dr.hazem]

انا مش فاهم عاوز تظبط كهربا العربية يعنى تعلية وتوطية وقت الاشعال ( ودى اللى بيعملها الميكانيكى ) ولا عاوز تعمل شغل كهرباء من لمب واسلاك وخلافة لان اللى بيعملها الكهربائى

انا فاهم ياعزيزي
انا عايز ميكانيكي عشان يظبط توقيت الاشعال


ياريت لو تعرف حد تقولي عليه

تحياتي

[mrastra]

النزهة الجديدة
طب ينفع تروح مساكن عين شمس اهى قريبة عليك لو تقدر تروح هاوصفلك الميكانيكى بتاعى

[dr.hazem]

النزهة الجديدة
طب ينفع تروح مساكن عين شمس اهى قريبة عليك لو تقدر تروح هاوصفلك الميكانيكى بتاعى

ياريت توصفلي مكانه لو هروحله من جسر السويس او من عند حديقة بدر واتمنى انه يكون بجد صنايعي امين وشغله كويس


تحياتي

[mrastra]

ياريت توصفلي مكانه لو هروحله من جسر السويس او من عند حديقة بدر واتمنى انه يكون بجد صنايعي امين وشغله كويس


تحياتي

اسف للتاخير ظروف خارجة عن ارادتى
ادخل شاعر 6 اكتوبر من جراج جسر السويس
افضل ماشي اما تعدى محطة النادى ( موقف المكروباص والاتوبيس )
كمل فى نفس الشارع الى ان تصل مكتبة الطفل ( على شمالك )
ادخل الشارع اللى نصيتة مكتبة الطفل وبعد اما تدخل الشارع بـ 50 متر هتلاقى وسعاية كبيرة ومليانة عربيات بتعمل فرامل عند اشهر واحد بتاع فرامل اسمة بكر البلبيسي
اسال اى واحد من اللى شغالين عندة احمد البلبيسي الميكانيكى فين
احمد دة صاحب الورشة ولو تعرف محمد الصنايعى الى عندة هو اللى يشتغلك فيها يكون احسن
هو عندة بهاء وامير ومحمد افضلهم محمد

[mrghost]

فى واحد استاذ بمعنى الكلمه بتعامل معاه بقالى كتير وقريب اوى منك
خلف حديقة بدر شارع الاربعين تفضل ماشى فيه لحد قبل الاخر بشويه وتسأل على ورشه ياسر الميكانيكى
او ابو فرانك
وده راجل ممتاز بصراحه
واى استفسار انا تحت امرك