الكركره هتجننى

[essamenen]

على فكره انا غلبت من موضوع الكرركره دى عملت كل الى يخطر على بال احد
رحت لكزا ميكانيكى وهى زى ماهيا
بوجيهات
ابلاتين
الموبينه تمام
الكربراتير تمام
الاسبراتير ( معايا مفتاح 13 جمبى باخر واقدم الكهرباء بنفسى)
كل ده ومش جايب نتيجه
اننا بحط بنزين 80 ومحدش يقلى حط 90 لان حطيط 90 ونفس النتيجه
العربيه 131 85 cl 1600
لو حد عند راى ثانى ياريت يقلى

[HotRide]

ظبط تاكيهات ؟
ولة ظبط يبقي غير طقم سلوك بوجيهات و ان شاء الله المشكله هتتحل

[ahmed_h_g]

ياريت تفاصيل أكتر ...

[essamenen]

ظبط تاكيهات ؟
ولة ظبط يبقي غير طقم سلوك بوجيهات و ان شاء الله المشكله هتتحل

بيتهيالى لو الموضوع تكهات يبقى الكركره على طول فى اى سرعه او غيار (90% التكهات تمام)
سلوك البوجيها انا جايب نوع انجليزى وبرضه نفس الموضوع

[mrastra]

اخى الكريم الكركرة يعنى عدم ظبط توقيت الاشعال
اوكى انت بتقول ان كل دايرة الكهرباء تمام بما فيهم بنزين 90 جربتة لان كلنا هانؤلك بنزين 80 بيعمل كركرة
لكن انت نسيت حاجة مهمة اوى
ظبط الاشعال لة عامل اخر وهو الكاتينة
لازم لازم تظبط تقسيمة الكاتينة انا معرفش عندك جنزير ولا سير بس لازم تفك وش التقسيمة وتظبط سوا السير او الجنزير على الذنب وبما انك فاهم ومعاك مفتاح 13 وبتقدم وتاخر بنفسك اقف على ايد الميكانيكى وخلية يحرر البستم رقم واحد ( النقطة الميتة العليا ) ويظبط زنبة ترس الكامة على الدليل اللى فى جسم المحرك وبعدين يركب السير تانى ويظبط كهربتة على كدة

[mohamed_e36]

انا عندي العربيه كده برضو بس لاقيت ان العربيه وهي بارده مبتكركرش ولما تسخن بتكركر فهل ده ممكن يكون زي اللي عندك
يعني الموضوع لي علاقه بالسخونيه

[essamenen]

اخى الكريم الكركرة يعنى عدم ظبط توقيت الاشعال
اوكى انت بتقول ان كل دايرة الكهرباء تمام بما فيهم بنزين 90 جربتة لان كلنا هانؤلك بنزين 80 بيعمل كركرة
لكن انت نسيت حاجة مهمة اوى
ظبط الاشعال لة عامل اخر وهو الكاتينة
لازم لازم تظبط تقسيمة الكاتينة انا معرفش عندك جنزير ولا سير بس لازم تفك وش التقسيمة وتظبط سوا السير او الجنزير على الذنب وبما انك فاهم ومعاك مفتاح 13 وبتقدم وتاخر بنفسك اقف على ايد الميكانيكى وخلية يحرر البستم رقم واحد ( النقطة الميتة العليا ) ويظبط زنبة ترس الكامة على الدليل اللى فى جسم المحرك وبعدين يركب السير تانى ويظبط كهربتة على كدة

انا رحت لكذا ميكانيكى بيسلملى العربيه تمام وبعد كام يوم ترجع زى الاول طبعا بيشوف التقسيمه عامة انا فاضلى
5000 ك واغير السير واضبط التقسيمه تانى

انا عندي العربيه كده برضو بس لاقيت ان العربيه وهي بارده مبتكركرش ولما تسخن بتكركر فهل ده ممكن يكون زي اللي عندك
يعني الموضوع لي علاقه بالسخونيه

انا كان عندى الموضع ده بس كانت بترج مش بتكركر فقلت اسطوانه دبرياج فلما رحت للمكانيكى فقلى احتمال يكون مسامير الجيربوكس الى مربوطه مع الماتور مهويه او سطوانه الدبرياج معوجه فعلا لقيناها مهويه وربطه ومبقتشى ترج فى الطلعه
لاكن الى عندى لما اهدى واديها 2 بتكركر سواء سخنه او باردها

[amrelsaqqa]

لو كل حاجة مظبوطة زي ما بتقول كدة يبقى الكركرة هتختفى بمجرد ما تأخر الكهربا من الاسبراتير

ممكن يكون البنزين وحش او الكربراتير مش نضيف ( جرب محسن دورة الوقود او منضف الكربراتير وتغيير الفلتر )

وممكن وش الاسبراتير مشروخ

او سلوك البوجيهات وحشة وبتهرب كهربا

اتأكد ان مفيش ريحة بنزين نى من الشكمان وبص على حرق البوجيهات شوفها مهببة ولا مظبوطة واتأكد من ظبط هوا الكربراتير كويس


ممكن برضه الابلاتين والكوندنسر حتى بعد التغيير لأن اغلب الانواع الجديدة مضروبة


او ممكن الاسبراتير نفسه مبوش ومش بيظبط كهربة


او ممكن بقى في الاخر (عشان ابقى قلت كل حاجة ) تكون الكركرة طبيعية بمعنى انك تكون بتحاول تطلع على التانى وسرعة العربية او مستوى الارض مش مساعدها وبتحمل على الموتور او بتدوس بنزين جامد ( اكيد انت فاهمنى )

اخبار الشد والسحب ايه ؟ هل بتكركر برضه على السرعات العالية او العزم تعبان وكدة ؟


ومفيش مانع برضه تراجع التاكيهات ، مش هتخسر حاجة واكيد هتحس بأي فرق بعدها

[essamenen]

[QUOTE=amrelsaqqa;3873443030]لو كل حاجة مظبوطة زي ما بتقول كدة يبقى الكركرة هتختفى بمجرد ما تأخر الكهربا من الاسبراتير

ممكن يكون البنزين وحش او الكربراتير مش نضيف ( جرب محسن دورة الوقود او منضف الكربراتير وتغيير الفلتر )

وممكن وش الاسبراتير مشروخ

او سلوك البوجيهات وحشة وبتهرب كهربا

اتأكد ان مفيش ريحة بنزين نى من الشكمان وبص على حرق البوجيهات شوفها مهببة ولا مظبوطة واتأكد من ظبط هوا الكربراتير كويس


ممكن برضه الابلاتين والكوندنسر حتى بعد التغيير لأن اغلب الانواع الجديدة مضروبة


او ممكن الاسبراتير نفسه مبوش ومش بيظبط كهربة


او ممكن بقى في الاخر (عشان ابقى قلت كل حاجة ) تكون الكركرة طبيعية بمعنى انك تكون بتحاول تطلع على التانى وسرعة العربية او مستوى الارض مش مساعدها وبتحمل على الموتور او بتدوس بنزين جامد ( اكيد انت فاهمنى )

اخبار الشد والسحب ايه ؟ هل بتكركر برضه على السرعات العالية او العزم تعبان وكدة ؟


ومفيش مانع برضه تراجع التاكيهات ، مش هتخسر حاجة واكيد هتحس بأي فرق بعدها[/QUOTE
الكركره مابتبنشى الا على الثانى ولو طالع مطلع عالى بطلع على الاول ومفيش اى صوت او اى غيار ثانى
والسحب تمام من الواضح ان هتعايش مع المشكله هاعمل اخر محاوله بنفسى بكره انشاء الله

[amrelsaqqa]

الكركره مابتبنشى الا على الثانى ولو طالع مطلع عالى بطلع على الاول ومفيش اى صوت او اى غيار ثانى
والسحب تمام من الواضح ان هتعايش مع المشكله هاعمل اخر محاوله بنفسى بكره ان شاء الله

ممممممم
والله مشكلتك اهون شوية من مشكلتى اللى برضه جربت معاها كل حاجة ومفيش اي فايدة
انا عندى استهلاك البنزين عالى بغباااء (60 كيلو في الصفيحة )

[essamenen]

ممممممم
والله مشكلتك اهون شوية من مشكلتى اللى برضه جربت معاها كل حاجة ومفيش اي فايدة
انا عندى استهلاك البنزين عالى بغباااء (60 كيلو في الصفيحة )

بالنسبه الاستهلاك البنزين( في اسباب كتير بس منها)
1 عدم ظبط الكربراتير بانواع
2 وجود تسريب فى احد الخراطيم او الكوليهات او الكربراتير نفسه بتلاقى لون احمر على المكان الى فيه تسريب( نزين 80 )
انا شخصيا لقيت بين الكربراتير نفسه يوجد تسريب بسيط فربطه ومستنى اشوف ايه الوضع مع ان استهلاك البنزين عندى معقول من 9 -13 كيلو التر بس ليه يكون فيه تسريب وفيه شيء من الخطوره

[essamenen]

على فكره يا جماعه انا مالقيت حل عند اى ميكانيكى رحتله عشان كده انا بجرب بنفسى مادام مافيش الى خسائر انشاء الله
النهرده نزلت اتسلى واجرب
1- اشوف السلوك (واحد واحد ) مع جسم العربيه لفيتها تمام الشراره قويه ومنتظمه
2- فكيت وش التقسيمه وغطاء سير الكاتينه ’ فى كاتلوج العربيه
صمام الشحن بيفتح عند 10 درجه ويغلق عند 49 درجه
صمام الطرد يفتح عند 50 درجه ويغلق عند 10 درجه
نقطه الاشعال عند 10 درجات
حاولت اطبق الكلام ده عملى قعدت اشفل من المارش واشوف والحمد لله مافهمتش حاجه خالص المهم قفلت كل حاجه وقلت اشوف الكربراتير واظبطه اخرت الاسبراتير شويه لاقيت المكنه بترعش (لان الكهرباء زياده ) وقلت اظبط الهواء والبنزين (وانا عند الميكانيكى سالته عن مسمار الهواء والبنزين لانى دائما بتلغبط فيهم )انا كنت ناسى انهو مسمار الهوا والبنزين المهم فى مسمار ناحيه العجله اليمين فى الكربراتيرالمسمار ده كان مربوط على الاخر وهو مسمار كبير زى مسمار البك وفى مسمار ثانى فى الناحيه الثانيه من الكربراتير ناحيه الماتور وهو فى مجره رفيعه وبيتربط بمفك رفيع المهم فكيته ( المسمار الفيع ) شويه لحد لما لقيت المكنه صوتها اتعدل فافلت وربط العمه ورحت اجرب لاقيت العربيه مخنوقه ومابتسحبش فركنت وقدمت الكهرباء سنه وجربت لاقتها 80 % احسن من الاول فى الكركره .
المهم بما ان التغير فى الكربراتير يبقى العيب والسبب من الكربراتير
مش عارف المسمار ده بتاع الهواء ولا البنزين؟
ولو بتاع البنزين ممكن يزود استهلاك البنزين ؟
لو الخلط ( الهواء مع البنزين ) مش مظبوط ايه الى هيحصل ؟
المسمار الاول كان مربوط اوى ليه وهو بتاع ايه ؟
نوع الكربراتير
Weber

[amrelsaqqa]

على فكره يا جماعه انا مالقيت حل عند اى ميكانيكى رحتله عشان كده انا بجرب بنفسى مادام مافيش الى خسائر ان شاء الله
النهرده نزلت اتسلى واجرب
1- اشوف السلوك (واحد واحد ) مع جسم العربيه لفيتها تمام الشراره قويه ومنتظمه
2- فكيت وش التقسيمه وغطاء سير الكاتينه ’ فى كاتلوج العربيه
صمام الشحن بيفتح عند 10 درجه ويغلق عند 49 درجه
صمام الطرد يفتح عند 50 درجه ويغلق عند 10 درجه
نقطه الاشعال عند 10 درجات
حاولت اطبق الكلام ده عملى قعدت اشفل من المارش واشوف والحمد لله مافهمتش حاجه خالص المهم قفلت كل حاجه وقلت اشوف الكربراتير واظبطه اخرت الاسبراتير شويه لاقيت المكنه بترعش (لان الكهرباء زياده ) وقلت اظبط الهواء والبنزين (وانا عند الميكانيكى سالته عن مسمار الهواء والبنزين لانى دائما بتلغبط فيهم )انا كنت ناسى انهو مسمار الهوا والبنزين المهم فى مسمار ناحيه العجله اليمين فى الكربراتيرالمسمار ده كان مربوط على الاخر وهو مسمار كبير زى مسمار البك وفى مسمار ثانى فى الناحيه الثانيه من الكربراتير ناحيه الماتور وهو فى مجره رفيعه وبيتربط بمفك رفيع المهم فكيته ( المسمار الفيع ) شويه لحد لما لقيت المكنه صوتها اتعدل فافلت وربط العمه ورحت اجرب لاقيت العربيه مخنوقه ومابتسحبش فركنت وقدمت الكهرباء سنه وجربت لاقتها 80 % احسن من الاول فى الكركره .
المهم بما ان التغير فى الكربراتير يبقى العيب والسبب من الكربراتير
مش عارف المسمار ده بتاع الهواء ولا البنزين؟
ولو بتاع البنزين ممكن يزود استهلاك البنزين ؟
لو الخلط ( الهواء مع البنزين ) مش مظبوط ايه الى هيحصل ؟
المسمار الاول كان مربوط اوى ليه وهو بتاع ايه ؟
نوع الكربراتير
weber

يعنى انت كدة عندك 3 مسامير ؟
لو كدة يبقى سيب الكبير مقفول على الاخر زي ماهو

والمسمار اللى هو رفيع ده ، ده بتاع الهوا
مسمار البنزين بقى ده اللى هتلاقيه راكب بين ميكانيزم بكرة الاكسراتير وجسم الكربراتير
هتلاقيه مصمم بحيث يمنع البكرة انها تقفل على الاخر
الرباط عليه تزويد سرعة السلانسيه (برفع البكرة حاجة بسيطة جدا ) والحل تقليل سرعة

اظبطه بحيث مثلا يديك سرعة 1000 ار بي ام
بعد كدة العب في المسمار الرفيع

اربطه لحد ما صوت المكنة يهدى وترعش (تخلى الهوا قليل اوى ) ، وتقرب تبطل ، بعد كدة فكه واحدة واحدة هتلاقى صوت المكنة بيعلى بيعلى معاك لحد ما يبدأ يوطى تانى ( الهوا زيادة اوى اكتر من اللازم)
اول ما يوطى تانى ابدأ اربط براحة لحد ما توصل للنقطة اللى عندها الموتور في احسن حالاته من حيث الصوت والانتظام

الظبطة هتبقى حوالين النقطة دى
يا نص لفة ربط يا نص لفة حل

جرب لحد ما توصل لأفضل اداء

بعد كدة في الاخر خالص ارجع لمسمار البنزين ( الى عند بكرة الاكسراتير ) وخلى سرعة الموتور بين 800 - 900 ار بي ام

--

بالنسبة لسؤالك لو الخلط مش مظبوط
هتلاقى ريحة العادم وحشة
او لونه اسود والبوجيهات تهبب والعربية تاكل بنزين

وبرضه لو الكهربة مأخرة زيادة عن اللزوم هيطلع بنزين نى من العادم واستهلاك البنزين يزيد والسحب يقل زي ما حصل معاك

[essamenen]

الف شكر يا استاذ amrelsaqqa انا فكيت بس مسمار الرفيع ( الهواء ) وانا معنديش rpm بس انا حاسس ان الماتور استريح وهدى وعزمه زاد بس فى استهلاك البنزين لسه انشاء الله هجرب واقولكم بس غريبه ان تكون سبب الكركه عدم ظبط الكربراتير

[amrelsaqqa]

الف شكر يا استاذ amrelsaqqa انا فكيت بس مسمار الرفيع ( الهواء ) وانا معنديش rpm بس انا حاسس ان الماتور استريح وهدى وعزمه زاد بس فى استهلاك البنزين لسه انشاء الله هجرب واقولكم بس غريبه ان تكون سبب الكركه عدم ظبط الكربراتير

يااه طيب تمام
والكركرة اختفت خالص دلوقتى ؟

وهى قبل كدة كانت عبارة عن صوت في الموتور بس ولا مصحوبة برجة ونتشة
لو فيه رجة او نتشة معاها يبقى طبيعى جدا ان يكون الكربراتير له دور في الموضوع