مين يساعدني في تصليح المازدا 323 هاتشباك

[hamies]

السلام عليكم جميعا – أنا جديد في المنتدي و عندي مشكلة ياريت ألاقي مساعدة منكم – عندي عربية مازدا 323 هاتشباك موديل 77 جر خلفي و محتاج حد يساعدني اني أشدها لأن وقتي ضيق بسبب شغلي طول اليوم و لأن تجاربي في التعامل مع الصنايعية سيئة – فكنت محتاج حد أمين و مخلص يشرف عليها أمام الصنايعية ويكون أمامهم لحد ما يستلمها منهم كأنه صاحبها و يكون هو نفسه فاهم – هي حاليا الموتور واقف لأن الكتينة مكسورة فيه و احتمال تحتاج طقم شنبر و صباب و طبعا لما نفك هيبان المطلوب – و بعدها فيها شغل سمكرة و كهرباء و غيره و مكانها في أول الهرم و موجود حوالينا كذا ميكانيكي
فيا ريت يا جماعة لو حد يعرف حد ابن حلال يساعدني و يشرف عليها و ياخد اجره يبقي كتر خيركم و منتظر ردكم و رأيكم و جزاكم الله خيرا

[fouaa]

والله يا باشا انا ليا واحد صحبى فالحرفين عندو مركز وممكن يعملك كل الحاجات الى انت بتقول عليها دى كلها لانو يعرف الحرفين كلها وانا ممكن اقفلك مع العربيه ومن غير ماخد منك حاجه لانى هناك على طول بعمل عربيات اصحابى وقاريبى وكده فبقت زى متقول بيتى التانى لو تحب اوديك تتفق معاه وتشوف عشان تبقى كل حاجه على عينك برضو