التليين بعد طقم الشنبر

[big_heart]

السلام عليكم ,
انا عربيتى كيا برايد ولسة مغير طقم شنبر ليها امبارح عايز اعرف طريقة التليين الصحيحة علشان انا لقيت تضارب وكلام كتير فى الموضوع ده وعايز اعرف لازم احرق صفيحة بنزبن والعربية وقفة ولا لا
وشكـــــــــــــــــــــــــــــــرا

[arabiy]

السلام عليكم ورحمة الله وبركاته
بالنسبه لحرق صفيحة وانت واقف فياريت فعلا لان المهم فالتلين انك متحملش علي الماتو اثناء فترة التلين
يعني لو هتمشي بالعربيه متحاولش تقرص عليها او تزود عن 60 وطبيعي انك هتلاقي سحب العربيه قليل واالعربيه مبتجريش والموضوع ده لغاية غيار زيت او حوالي 800 كيلو تمشيهم كده فالسلانسيه والعلم عند الله ده الي انا عملته فعربيتي يارب اكون افدتك

[ahmed_h_g]

متحملش العربيه ومتحرقش عالغيارات وأبعد عن الكبارى

[mrastra]

تمام تمام
تحرق صفيحة وانت واقف
وبعدين تاخدها مشوار لوحدك اول مثلا 100 كيلو وانصحك بالاسماعيلية لان الطريق عدل ولا مطالع ولا غيرة وطبعا ما تطلعش كوبرى العاشر واحد ولا اتنين وترجع بالسلامة والكلام دة يكون باليل والسرعة لا تتجاور 60 كم/ساعة
وتغير زيت وفلتر وتظبط تاكيهات تانى وتعتمد على الله