سخونه بونتو 2002

[eng_ahesham]

السلام عليكم
عربيتي يا جماعه بتسخن وهي واقفه علي السلانسيه لكن في الجري او المشي العادي مبتسخنش خالص
انا مخنوق اوي وقلقان من الموضوع ده لانو عمره ما حصل معايا ومخليني دلوقتي راكن العربيه مبركبهاش
علما بان المروحه شغاله سرعتين مش عارف اعمل ايه دلوني الله يكرمكم

[HotRide]

طيب دبه احتمال كبير طرمبه مياه عايزه تتغير
و الاحتمال الاخر ان يكون في سدد في ردياتير

[eng_ahesham]

طيب واعرف إزاي
انا شكيت انه ممكن يكون فلتر هواء
لاني مغيرتوش من 40 الف كيلو كنت بنضفوا بس

[HotRide]

طيب واعرف إزاي
انا شكيت انه ممكن يكون فلتر هواء
لاني مغيرتوش من 40 الف كيلو كنت بنضفوا بس

لاء فلتر الهوا ملوش ادني علاقه

هي حاجه من الاتنين دول ملهاش تالت و برده ممكن تكون ثيرموستات

دلوقتي الميه بتنقص ؟؟؟ في صوت غريب جي من عند موتور صوت حكه او خشونه ؟؟ في مياه بتنقط من نحيه طرمبه ؟

[eng_ahesham]

بص يا باشا في مياه بتنقص
لكن مفيش صوت حكه ولا خشونه ولا ميه بتنقط
يبقي كده اييييييييه

[kampa_elhaggar]

بص يا باشا معني ان الميه بتنقص يبقي كده في تسريب ممكن التسريب ده يكون بنسبه صغيره بص جرب تزود ميه و تاخودلها هوا و تظبط الميه علي المقاس بتاعها و بعد كده جرب انشاء الله حتحس ب فرق و تابع بعديها كل يوم الميه الصبح بس ضروري لما تتابع الميه بعد كده تفتح الغطاء و العربيه بارده تماما عشان ميبقاش لازم تاخود هوا تاني ليه و لو لاقتها بتنقص تاني يبقا في الحاله دي بيتفبس هوا في الردياتير و هيا مبطله و يتعرف التسريب منين و ابقا قول عملت ايه و وصلت لفين

[eng_ahesham]

بص بجد الله يكرمك علي المعلمومات دي
انا بس عاوز اعرف واحد بتاع ريداتيرات ممتاز ويا سلام لو كنت مجربه وعارف انه مش بتاع اشتغالات
ونوع مياه احطه في الريداتير خضرا او حمرا او هيبو او السائل المضاد للصدأ علشان انا من سنتين حطيت مياه موبيل الخضرا وسخنت العربيه واضريت افضيها
وبكرر شكري ليك ولاهتمامك

[kampa_elhaggar]

بص بالنسبه لبتاع الردياتيرات في واحد شاطر جدا في امبابه لو عايز تروح ممكن تكلمني اوديك عندو و و لو عايز حد يشغل فيها بردو اعرف و الميه بقا دي حطيلها مانع صدا افضل اللي بيبقا في علبه كده زي الكانز بس كبيره و بيفضي علي الميه العاديه بس الكلام ده تعملو لما تتاكد انها مش بتسرب

[eng_ahesham]

'طيب يا ريت تبعتلي نمرتك هنا او علي الخاص اللي يعجبك

[kampa_elhaggar]

انا جيت ابعت رقمي قالي انك عامل عدم استقبال رسايل فا ياريت تلغيها عشان ابعتلك الرقم علي الخاص افضل و في حاجه نسيت اسالك عليها انت شايل ثرموستات اللي بيبقا في الكوعه بتاعت الميه ولا لا ؟؟؟

[eng_ahesham]

والله مش عارف والله موجود ولا لا
وعلي العموم انا هفتح الرسايل

[eng_ahesham]

والله انا مش عارف موجود ولا لا
وانا برضه مش عارف الغي موضوع منع استقبال الرسايل ده
تقريبا مفيهاش مشكله انك تحط نمرتك انت في الموضوع لان ده مش إعلان ولاه حاجه انا كنت حاطط نمرتي قبل كده كذا مره ومحصلش حاجه الحمد لله

[beshomilan]

كان عندى نفس المشكلة بالظبط
عملت الاتى:
الترموستات متشالة عندى
ظبطط التاكيهات
سلكت الريداتير
غسلت العربية فى البنزينة

والعربية بقت تمام

[eng_ahesham]

انت عربيتك بونتو
اصل العربيه دي غريبه شويه عن باقي العربيات

[beshomilan]

لا يافندم مش بونتو هى اكسيل
بس ايه الغريب فيها؟؟؟
التاكيهات والترموستات والريداتير مش عندك؟؟؟
وغسل العربية فى البنزينة مضر على عربيتك؟؟؟
هنا فى قسم الهوندا والفيات والميتسوبيشى والكيا وكله بيساعدنى عادى فى حدود معرفته بالعربية كربراتير او انجكشن
انا حبيت افيدك واساعدك وبس
حضرتك عايز تعمل زيي اعمل مش عايز براحتك
ربنا يوفقك