سير الدينامو

[hanymo]

غيرت سير الدينامو بس بيصفر رحت للميكانيكى شدة بس بيصفر والعربية بردة فقط
وفية صوت رفة بسيطة بتروح هى والصفارة بعد ما العربية تسخن هل نوع السير وحش ولا اية الحكاية
العربية لانسر 98 والسير يابانى

[heshamzaky]

جرب كدة تحط على السير شوية مية صغيرة و جرب
او شوية زيت صغيرين

[HeMa_LanCeR]

حط علي الطنبوره نقطه زيت صغيره

[hanymo]

عملت كدة بالمية امبارح والنهاردة ومفيش فايدة

[heshamzaky]

أخر حاجة جرب تعمل بصابونة قديمة و تمشيها على السير او بالمزيتة كام نقطة زيت كدة لازم التصفير يختفى

[hanymo]

مهو بيختفى فى نفس الوقت بعد ما العربية تبرد بيرجع تانى
معلش عاملك ازعاج وتعبك معاية

[heshamzaky]

أنا كان قصدى لما بقولك أخر حاجة معناها أخر حل لو برضو فضل يصفر ولع فى السير دة هههههههههه
أصلة بيبقى مزعج جدا فعلا و بيجيب العصبى حصلت معايا كذا مرة بس بعد شوية و شد السير الصوت بيروح لو فضل كدة ألقى غيرة بس أعتقد لو أديتة شوية زيت بالمزيتة حا يبقى كويس

[hanymo]

اشكرك على الرد هجرب نقطة زيت لو منفعش فعلا حولع فية

[exact]

السير مش مشدود كويس
المفروض اما تشد السير وتضغط عليه بكل قوتك بالابهام يتحرك مسافة 5 مللي

جرب شده تاني واذا ماخرسش ابقى حط لحسة شحم بسيطه وهو هيخرس

[gbgeorge]

بص حضرتك بعد ما تشد السير كويس لو الرفة لسة موجودة دة بيبقى سببة ان الطنبورة مش مظبوطة بمعنى ان الطنبورة بتكون مربوطة ب 3 مسامير لو فية مسمار من ناحية مش مربوط زى الباقى هايعمل الرفة دى فحاول تشيك على المسامير و تشوفها مربوطة كويس لو كانوا مربوطين كويس يبقى الطنبورة معوجة او فيها كسر عن الزور بردة بص عليها
اصلى المشكلة دى كانت عندى فى 132 وغيرت الطنبورة خالص والمشكلة انتهت