جوان فى bmw 525

[maskeen]

السلام عليكم

اولا شكرا للقائمين على الموقع لانه بالفعل مميز..

اسف لان اول مشاركه لى هاتكون اسئله وغلاسه ولكن عشمى ف الل وفيكم كبير

انا بحمد الله اشتريت بى ام 525 موديل 2006 لسه من اسبوع

ولكن بكل اسف ونتيجة لتسرعى ماكشفتش غير على الشاسيه فقط ولم اهتم بالموتور
امبارح رحت كشقت عليها عند منصور اللى ف جسر السويس واللى الكل اجمع انه استاذ البى ام
بعد الكشف بالكومبيوتر قاللى العربيه زى الفل والف مبروك عليك..لكن عرفت منه انها مغريه جوان وش سلندر وده بان من شوية طحينه تحت غطا القربه..لما اترعبت قاللى عادى العربيه زى الفل ماتقلقش

السؤال..انا بالفعل مرعوب ومقبوض وفرحتى انطفت وبافكر ابيع ولو بالخساره 5-10 الاف وربنا يعوض..

ايه راى الخبراء؟؟؟؟

[romieh]

خسارة 5 - 10 الاف جنيه علشان جوان وش سلندر

ياعم ماتقلقش الموضوع ده مش مشكلة قوى كده يعنى زى ما انت فاهم

كل اللى هتعمله انك هتروح لواحد ميكانيكى نضيف وبيفهم (وأهم حاجة بيفهم دى) فى البى أم كويس

وهو هيغيرلك جوان وش السلندر وهتغير زيت معاه

هتمشى على العربية قيمة 300-500 كيلو وبعدين ترجعله يربطلك على وش السلندر ويضبط الموتور

وبكده العربية هترجع تانى زى الاول ومافيهاش مشكلة

والف مبروك ليك على العربية

اللهم اعطه خيرها

واكفه شرها

وارزقنا مثلها

[maskeen]

والله انا فعلا سمعت الكلام ده من اكتر من واحد بس منه لله الشيطان...

ربنا يريح قلبك وياستجيب لدعاءك ويطمن زى ماطمنتى

ياريت باقى المحترفين يردوا عليا والله انا مانمتش من امبارح..دى تحويشة 5 سنين

[HotRide]

يا غم ده جوان وش سيلندر عادي جدا مش حوار

هي المشكله الوحيده انك تعملها عند حد بتاع بي ام بيفهم غير كده مش قصه كبيره ديه شغلانه كبيرها 3-4 ساعات

[maskeen]

يا غم ده جوان وش سيلندر عادي جدا مش حوار

هي المشكله الوحيده انك تعملها عند حد بتاع بي ام بيفهم غير كده مش قصه كبيره ديه شغلانه كبيرها 3-4 ساعات

الله يطمنك...بس براحه عليا انا راجل غلبان فى العربيات ودى اول عربيه مستعمله اشتريها..

[HotRide]

الله يطمنك...بس براحه عليا انا راجل غلبان فى العربيات ودى اول عربيه مستعمله اشتريها..

ههههههههه ربنا يبركلك فيها انت اشتريت وحش ب4 عجلات مش عربيه ما شاء الله
انت ساكن فين و انا اوصفلك حد كويس و يكون قريب منك ؟

[maskeen]

ههههههههه ربنا يبركلك فيها انت اشتريت وحش ب4 عجلات مش عربيه ما شاء الله
انت ساكن فين و انا اوصفلك حد كويس و يكون قريب منك ؟

الله يبارك فيك ويرزقك بأفضل منها

انا ساكن فى مصر الجديده ورحت لمنصور ف جسر السويس وناس كتير قالت عليه استاذ ال بى ام ف مصر وانا شفت عنده فعلآ عربيات كتير من كل الموديلات بى ام فقط

وهو نفسه على فكره راكب 525 زى بتاعتى :)

[maskeen]

اه..نسيت اقول ان النهارده رحتلله تانى ووريته الطحينه اللى تحت غطا القربه

المفاجاه انه قاللى ان ده مش من جوان ولا حاجه لكن ده قديم من تغيير حاجه ف سربنتينه باين او حاجه كده..وكمان شويه هايختفى تماما...و قاللى ان لو الموتور هو اللى عامل كده كان كل الميه قلبت طحينه على طول مش الطبقه الرفيعه دى

الاستنتاج الاول ان ده بسبب الجوان كان من تخمينى انا مش منه على فكره..انا كتبت غلط الاول

[smsm_cato]

اولا الف مبروك عليك العربية ومتقلقش قوى كده الموضوع ان شاء الله بسيط حتى لو جوان وش السلندر الموضوع كله يخلص فى يوم عند ميكانيكى محترم بتاع بى ام ومش مكلف وال 5000 و 10000 اللى انت بتقول ابيع بخسارتهم دول يجبولك ماكينة استيراد ده لو انت متضايق اوى من الماكينة القديمة العربية اساسيات وعفشة وشاسية اهم حاجة يبقوا دول سلام واى حاجة فى الماكينة بتتحل المهم ان الاساس مظبوط

[mogas]

فى البدايه مبروك عليك العربيه و ربنا يباركلك فيها
و بخصوص جوان وش السليندر ده مش بيعمل صحينه ده بيسبب دخان ابيض خفيف من فتحه العادم بس نتيجه الزيت اللى بيتسرب و يتحرق مع البنزين
و بالنسبه للطحينه و يارب يكون كلام غلط اكشف على وش السلندر لانه ممكن يكون فى انبعاج بسيط ده اللى بيخلى الزيت يدخل على الميه و يعمل طحينه
بس متخفش الموضوع بسيط و مش هنضحى بالجنين ان شاء الله