طريقة سهلة لشفط الزيت الزيادة عن المستوى الاقصى للقياس

[aymanshebl]

بسم الله الرحمن الرحيم

انا كان عندى زيادة فى مستوي الزيت بعد عمل صيانة الالف و كنت فى حيرة الى ان وجدت طريقة لشفط الزيت و هى نجيب 70 سم سلك دش اللى هو لونه اسود و بعدين نشد السلك اللى جواه يعنى نفرغ السلك من الخرطوم بتاعه و يفضل لنا الخرطوم الاسود و بعدين نجيب بخاخة من عند اى واحد بتاع ادوات منزلية اللى هى صغيرة الحجم فى حدود 3 جنيه و بعدين نخلع البخاخة اللى بتبخ لوحدها و نركب الخرطوم فى البخاخة و بعد كده نشيل مقياس الزيت و بعدين نحط الخرطوم فى مكان مقياس الزيت و نشفط او نبخ الكمية اللى احانا عايزنها فى زجاجة مياة معدنية فارغة علشان منغرقش المكان و اى خدمة .

والسلام عليكم و رحمة الله و بركاته

[ehab_osman]

طريقة بسيطة ... بس عبقرية

طريقة بسيطة ... بس عبقرية .............شكرا لك

[tam77]

فكرة ممتازة

[windofchange]

الله اكبر روعة جدااااااااااا يا ايمن باشا ربنا يباركلك هجربها عندي اكيد (بس ممكن توضيح موش سلك الدش من بره مغلف بحلقات المونيا كده معدن بتتشال وبعد كده ولا؟)

[MOUSTAFA_SAAD]

جزاك الله خيرا

[aymanshebl]

الله اكبر روعة جدااااااااااا يا ايمن باشا ربنا يباركلك هجربها عندي اكيد (بس ممكن توضيح موش سلك الدش من بره مغلف بحلقات المونيا كده معدن بتتشال وبعد كده ولا؟)

هو حضرتك سلك الدش الاسود عبارة عن انبوب مطاطى اسود و بعدين شبكة الالمونيل و بعدين سلك رفيع مغلف بالبلاستك احنا نقطع مسافة 60 سم من سلك الدش و بعدين هنعرى السلك مسافة تقريبا بتاع عشرة سنتى بحيث يبان السلك المونيل و السلك الرفيع المغلف و نشد بزرادية السك المتعرى كله من الانبوب المطاطى هنلاقى الانبوب انفصل عن السلوك كلها و ننفخ فى الانبوب لتخلص من اى سلوك رفيعة من المونيا ان وجدت و ممكن واحد يكون بيمسكلك السك و انت بطلعه و بعدين نجيب راس البخاخة بالخرطوم بتاعها اللى هو عند اى محل ادوات منزلية ب 3 او 4 جنيه (الحجم الصغير) و نتاكد من احكام ماسورة البخاخة بها و بعدين نركب الخرطوم اللى لسه عملينه حالا و ندخله فى انبوبة البخاخة بحيث انه هيلبس فيها من برة مش هيدخل جوه انبوب البخاخة و نهوى راس البخاخة بحيث انه يدى بخ على هيئة مسدس مياه و ليس بخاخات او رذاذ و بعد كده نشيل مقياس الزبت و ندخل الانبوب بعد التاكد من احكام الانابيب على بعض و نجيب زجاجة مياة معدنية و ندخل راس البخاخة فيه علشان الزيت ميبهدلش المكان و نبدا العمل فى سحب الكمية المرغوبة و يجب التاكد من وصول الخرطوم الى الزيت حتى يتم الشفط و كمان نصبر فى الاول ثانية او اتنين على ما البخاخة يشفط الزيت لانه فى الاول بيشفط هواء من الانابيب اللى هو موجود فيها اصلا ثم بعد ذلك نجد الزيت و قد بدا فى الشفط و ارجو انى اكون افدتك

[mrghost]

الف شكر على المعلومه

[rotanamasoud]

يباشا هات خرطوم بدل سلك الدش فى مقاسات لحد حجم (الشليمو)الشفاطه وفكره حلوه

[aymanshebl]

يباشا هات خرطوم بدل سلك الدش فى مقاسات لحد حجم (الشليمو)الشفاطه وفكره حلوه

شكرا على الرد بس انا كان باقى معايا سلك من الدش و ده الى خلانى اعمل ده و كمان ارخص على ما اظن و متوفر لانى مش عارف الخراطيم اللى بمقاسات مختلفة بتتباع فين و بكام ؟.

[momen_bondok]

استاذ كبير
جزاك الله خيرا

[aymanshebl]

انا النهاردة صورت الشفاط و هو عبارة عن خرطوم اسود 75 سم و الخرطوم بتاع الشفاط 10 سم اجمالى الطول تقريبا 85 سم و الخرطومين داخلين جو بعض زى ما انتم شايفين و ممكن تقصير الخرطوم الاسود حسب مسافة وصوله للكارتيره و اتمنى انى اكون افدت الزملاء و شكرا و كل عام و انتم بخير

مع الصورة..................



[aldl]http://img109.imageshack.us/img109/6614/testoil.jpg[/aldl]

[beshomilan]

بجد هعيط
انا عملت تانى نفس القصة اللى فاتت بتاعتى وبرضه منفعتش
بس المرة دى انا عملتها بسرنجة كبيرة ووصلتها بخرطوم الدش وهاتك ياسحب ويرضه مفيش
مش اعمل ايه؟؟
انا فاشل فاشل

[ahmed_rgina]

الفكرة بتبين انك دماغك نضيفة وشكرا ياباشا على المعلومة

[aymanshebl]

الفكرة بتبين انك دماغك نضيفة وشكرا ياباشا على المعلومة

شكرا لكل اللى رد و شكرا لرد حضرتك و اتمنى انى اكون افدت الاعضاء الكرام