موتور من غير ورق ... الورق عند فتحى عدس

[nadersoliman]

السلام عليكم ورحمة الله،

الموضوع بسيط، معايا الفا 146 كنت بجيب ليها حاجات من عصام مجاهد بتاع الإستيراد من مدينة نصر من حوالي ثلاث سنين. قاللي عندى موتور (من غير فتيس) لقطة بـ2000 جنيه بس من غير ورق علشان اتخانقت مع فتحى عدس (المستورد اللي جاب منه الموتور). اخدت الموتور من غير ورق

المهم، تفوت الأيام وعايز افحص :) ... عصام مجاهد اتصالح مع فتحى عدس بس ضيع الورق :)، وجالته امراض ياما والراجل مش قادر يتحرك

المهم، بدور على نمرة فتحى عدس (هم اسمهم فتحى وعدس) وان كانوا في اسكندرية ولا بورسعيد علشان اروح لهم بالعربية اللي فيها الموتور من غير ورق ونشوف لو يعرفوا يطلعولي ورق للموتور تاني علشان اعمل الفحص

حد يقدر يساعدني بأي بداية خيط لحل المشكلة، نمرة فتحى وعدس، حد يعرف حد هناك اي حاجة الله يكرمكم

[magyver]

ربنا معاك بجد بش مش عارف اقلك اية ممرتشي بحااجة زي كدة
اومال فين الموتور بتاعك ابو ورق

[nadersoliman]

الموتور القديم ماكنتش مخزنة حلو عند الميكانيكي (واحد صاحبي حبيبي :) )، جربه في عربية ضرب مدافع ودخان فعلى مايبدو محتاج عمرة، انا ماحطتش في دماغي اوي ساعتها

هو ده حل أخير بالنسبة لي، اسقط الموتور القديم في العربية اروح افحص ارجع اشيله، بس لو طلع ضايع اوي ممكن الفحص يقف :)

[magyver]

ماهو انا كنت هاقلك كدة لو هايدور بس وتظبط المكنة تفحص وتشييلة تاني

[lovely_love]

يا باشا هو بردوا فى حد يشترى ماتور من غير ورق حرام عليك فلوسك

[nadersoliman]

أصله الصراحة كان لقطة ساعتها الموتور كان يعلمه 4000 قلت اجيبه وياصابت ياتنين عور ... طلع حلو بس الحلو مايكملش :)

[kaza]

للاسف مالوش حل انا حصل معايا نفس المشكلة واشتريت موتور تاني بالورق وطلع عيني لغاية ما جددت الترخيص مابين التاجر ومرور الدراسة ومرور النزهة

[amirsayed]

لو عاجبك الموتور ده ممكن تجيب فارغه موتور فاضيه بالورق بتاعها
و تنقل موتورك فيها و ترحصها عادى كأنك لسه مغير مكنه
احسن اما تفضل مع كل ترخيص تشيل و تحط