اية اسباب نقص زيت الموتور

[al_manara]

السلام عليكم
اخواني . ياتري اية اسباب نقص زيت الموتور ؟

لاحظت الموضوع دة بقالي فترة . الزيت المستخدم شل الاصفر .
حالة الموتور الحمد لله تمام .
الحرارة مضبوطة
المياة بغيرها كل 6 شهور . ودورة المياة سليمة
مفيش نقطة زيت علي الموتور (الجوانات سليمة كلها و غطا الزيت)

[mo3tazanas]

عاندى نفس الحوار والزيت بينقص ومفيش دخنة بيضاء علشان اقول طقم شمبر

[al_manara]

بالمناسبة الموتور مفيهوش اي حاجة بتخبط مثلا.
الاول بيجيب 50 والتاني 85 والتالت جربت لحد 120 ومرديتش اكمل
في العادي بنقل الغيار علي 2000 او 2500 لفة

[salaa]

هونداى 1997 بتاكل زيت بس سرعه جيده وبسافر بيها المشكل فى الماتور فيه ايه ويكلف ايه

[yoko]

طبيعي لحد لتر كل 5000 كم لو سواقتك حرق وكده لو عاديه نص لتر كل 5000 كم

[salaa]

قالى الميكانيكى عايزه عامره ماتور

[salaa]

هل صحيح

[yoko]

عشان تقول عمرة لازم الموتور يكون مش مظبوط وبيدخن
ومن كتالوج العربيه عندي

engine oil consumption
the maximum engine oil consumption is
usually 400 grams every 1,000 km.

[aboharb]

بردك عربيه صاحبى اكسيل نقصت نصف كيلو بعد 1500 كيلو وبيحط شل الاصفر الزيت وصل الى منتصف المسافة بين العلامتين وعتده بوجيه احينا بيجى عليه زيت المكانيكى قاله طقم شنبر بس العربيه مش بتعمل دخنه خالص يبقى ازاى طقم شنبر وكمان فيه ترشيح زيت حولين غطاء المحرك كل ما يمسحه يرجه تانى بس الموتور حالته تمام وده اللى قالهوله الميكانيكى قله الماكينه حلو حرام تتفتح ممكن كمان شويه تتفتح وبصراحه هو محتار يعمل ايه

[yoko]

ﺑﺪﺍﻡ ﺍﻟﺒﻮﺟﻴﻬﺎﺕ ﻋﺮﻗﺖ ﺯﻳﺖ ﻳﺒﻘﻰ ﻃﻘﻢ ﺷﻤﺒﺮ ﻭﻫﺘﺤﺘﺎﺟﺔ ﺣﺘﺤﺘﺎﺟﺔ ﺍﻟﻔﻜﺮﺓ ﻫﻮ ﻫﻴﺼﺒﺮ ﻟﺤﺪ ﺍﻣﺘﻰ ﺑﺲ ﻻﺯﻡ ﻳﺘﻌﻤﻞ

[kaza]

مش شرط ان نقصان الزيت وتعريق البوجيهات بيبقي طقم شنبر لكن ممكن السبب في نقص الزيت احتراقة نتيجة القرص علي الموتور ودة بيحصل لما ارفع عدد اللفات بترتفع الحرارة الناتجة عن احتكاك الشنابر بجسم الاسطوانة خلال اجزاء من الثانية بتؤدي الي احتراق القليل من طبقة الزيت الخفيفة الملامسة لجدران الاسطوانة واللازمة لتقليل معامل الاحتكاك بين الشنابر وجدران الاسطوانة ..والكلام دة بيحل لو الموتور لسة خارج من المصنع بس لية معامل لا يزيد عنة الا في حالة زيادة التاكل بعد قرابة ال100-200 الف كم وبيزيد معدل الاستهلاك طرديا بزيادة عدد اللفات و الفترة الزمنية للدوران
اما تعريق البوجيهات فلة اكتر من سبب وهم تاكل الشنبر طبعا او عدم احكام دلايل الصبابات او عدم احكام اويلات سيل الصبابات وبيلزم الكشف علي حالة المحرك باستخدام جهاز قياس الخلخلة والكبس للمحرك لمعرفة السبب

[aboharb]

ﺑﺪﺍﻡ ﺍﻟﺒﻮﺟﻴﻬﺎﺕ ﻋﺮﻗﺖ ﺯﻳﺖ ﻳﺒﻘﻰ ﻃﻘﻢ ﺷﻤﺒﺮ ﻭﻫﺘﺤﺘﺎﺟﺔ ﺣﺘﺤﺘﺎﺟﺔ ﺍﻟﻔﻜﺮﺓ ﻫﻮ ﻫﻴﺼﺒﺮ ﻟﺤﺪ ﺍﻣﺘﻰ ﺑﺲ ﻻﺯﻡ ﻳﺘﻌﻤﻞ

بس العربيه سحبها كويس بتجيب الرابع بيصل لغاية 120 مستريح ومفيش اى دخنه من الشكمان

انا هخليه يقيس كبس المحرك فى البتزينه علشان نقطع الشك باليقين

[Ashraf_Ibrahim]

انتوا بتقولوا ان المعدل الطبيعي للنقص هو 400 جم لكل 1000 كم
انا حاطط زيت 15000 كم
يعني المفروض اني في نهاية فترة استخدامه ألاقيه ناقص بمعدل 6 لتر زيت !
في حين ان عربيتي بتاخد 3.75 لتر زيت اساسا !
طب ايه حد يفهمني بالراحة كدة!
انا سواقتي عادية جدا وهادية جدا مبحرقش غير نادرا بس احيانا بعملها يعني
الزيت عندي مبينقصش الحمد لله وكله تمام
انا بس عايز افهم علميا ايه بيحصل بالظبط والزيت اللي بينقص دا بيروح فين وليه وايه هي النسبة الطبيعية للمواتير السليمة !

[aboharb]

قريت مره ان فيه نسبة بخر طبعية للزيوت بس مش عارف مدى صحة ذلك

[al_manara]

طبيعي لحد لتر كل 5000 كم لو سواقتك حرق وكده لو عاديه نص لتر كل 5000 كم

معلومة جديدة . تسلم ايدك

مش شرط ان نقصان الزيت وتعريق البوجيهات بيبقي طقم شنبر لكن ممكن السبب في نقص الزيت احتراقة نتيجة القرص علي الموتور ودة بيحصل لما ارفع عدد اللفات بترتفع الحرارة الناتجة عن احتكاك الشنابر بجسم الاسطوانة خلال اجزاء من الثانية بتؤدي الي احتراق القليل من طبقة الزيت الخفيفة الملامسة لجدران الاسطوانة واللازمة لتقليل معامل الاحتكاك بين الشنابر وجدران الاسطوانة ..والكلام دة بيحل لو الموتور لسة خارج من المصنع بس لية معامل لا يزيد عنة الا في حالة زيادة التاكل بعد قرابة ال100-200 الف كم وبيزيد معدل الاستهلاك طرديا بزيادة عدد اللفات و الفترة الزمنية للدوران
اما تعريق البوجيهات فلة اكتر من سبب وهم تاكل الشنبر طبعا او عدم احكام دلايل الصبابات او عدم احكام اويلات سيل الصبابات وبيلزم الكشف علي حالة المحرك باستخدام جهاز قياس الخلخلة والكبس للمحرك لمعرفة السبب

الحمد لله انا معنديش اي تعريق علي البوجيهات ولا دخنة بيضاء .
بالنسبة للقرص علي الموتور دي احيانا قليلة اوي . واما بقرص ال rbm بيكون علي 4