كيفية اختبار محرك عند شراء سيارة مستعملة

[haythoom_7]

السلام عليكم
سؤالي عن علامات لو شفتها فى محرك عربية مستعملة اشتريها ولا مشتريهاش
يعني لو لقيت عادم اسود خارج من الشكمان يبقى ايه
ولو لقيت عادم ابيض يعني ايه
ولو لقيت هباب على جدار الشكمان يعني ايه
ولو لقيت هباب ولكن عليه زيت يعني ايه
وايه دليل ان الماتور عفي ومش محتاج شغل
وازاى اقيس نسبة كفائة المحرك لان في ناس بيقولو محرك 60% و70% هل دى ممكن قياسها
اخوكم جديد في دنيا السيارات وخايف يضحك عليا وارجو المساعدة

[abusara]

فعلا اسئلة مهمة جدا .. ان شاء الله نلاقي الخبير اللي يجاوب

[mido51eg]

السلام عليكم
سؤالي عن علامات لو شفتها فى محرك عربية مستعملة اشتريها ولا مشتريهاش
يعني لو لقيت عادم اسود خارج من الشكمان يبقى ايه
ولو لقيت عادم ابيض يعني ايه
ولو لقيت هباب على جدار الشكمان يعني ايه
ولو لقيت هباب ولكن عليه زيت يعني ايه
وايه دليل ان الماتور عفي ومش محتاج شغل
وازاى اقيس نسبة كفائة المحرك لان في ناس بيقولو محرك 60% و70% هل دى ممكن قياسها
اخوكم جديد في دنيا السيارات وخايف يضحك عليا وارجو المساعدة

تفسير العلامات اللي في الشكمان :
1- عادم اسود (فقط) ده معناه ان فيه مشكلة في حرق البنزين ودي حلها بيكون سهل عادة ولا تعيب الموتور ، يعني تغيير البوجيهات وضبط الكربراتير او مراجعة الرشاشات.
2- عادم ابيض وده معناه ان الموتور خفيف وده يعيب الموتور طبعا.
3- هباب على جدار الشكمان ده بيكمل النقطة الأولى وهي ان فيه مشكلة في الحرق بمعنى ان الدخان الأسود بيترسب في صورة هباب على جدار الشكمان.
4- هباب ولكن عليه زيت معناه ان الموتور بياكل زيت وحرق البنزين مش مضبوط وده برضه يعيب الموتور.
دليل ان الموتور عفي ومش محتاج شغل انك تسمع عدات الموتور هتلاقيها مظبوطة ومش هتلاقي اي نوع من الأدخنة خارجة من الشكمان وممكن تلاقيه مهبب لكن لو لقيته مزيت يبقى فيه مشكلة. بالأضافة انك تبص حوالين البوجيهات وتشوف اذا كان فيه تعريق زيت حواليها ولا لأ ، لو معرقة زيت يبقى فيه مشكلة برضه.
قياس كفاءة المحرق لا تتم بالبؤ وبالأجتهاد انما ليه اجهزة قياس في محطات البنزين

[haythoom_7]

اخ ميدو والله وفيت ما قصرت بارك الله فيك

[mido51eg]

لا شكر على واجب. تحت امر الأعضاء في اي استشارة.

[mostafa67]

طيب هل في بنزينة كويسة في دينة نصر تقيس كفاءة الموتور ؟!