هو ايه اعراض تلف وش السلندر

[eyeswizard]

لو سمحتم كنت عاوز اعرف اعراض تلف وش السلندر
او جوان وش السلندر زى ما بيقولو


و هل ليه علاقه بنقصان الزيت ولا لا ؟؟


العربيه لما بزود بتجيب ميه من ورا كميه بسيطه اوى

بتجيب كمان دخانه مش عارف هى زرقا ولا بيضا بس هى قريبه اكتر للابيض
دا و العربيه سخنه


بالمناسبه انا كنت روحت اغير ميه العربيه
قولت للراجل ينضف الدوره بتاعت الميه كمان
الراجل فك الترموستات و قالى شغل العربيه و نزل هو الميه اللى فيها و ابتدى يحط ميه عاديه كتير لحد ما الدوره نضفت
كل ده و الموتور شغال
ده مش غلط ؟؟ خصوصا ان احنا فى الشتا و اى ميه تعتبر ساقعه و غلط ع الموتور ؟؟؟

كمان انا لاحظت ان عداد الحراره نزل للاخر كنتيجه للموضوع ده و كأن العربيه لسه بارده

المهم الراجل حط الميا الخضرا و مشيت و بقالى يومين تلاته مركبتهاش غير 10 دقايق امبارح بالليل بس
و ملاحظتش حاجه مكنتش واخد بالى اوى
افيدونى و شكرا ليكم

[seleem3]

يا باشا تلف جوان وش السلندر بتعرفه ان الزيت بيطحن يعنى تشيل مقاس الزيت وتبص عليه لو شوفت حاجه فى اخره تقيله شويه ولونها لون الطحينه او تبص على مكان تغيير الزيت لو لقيت لون الطحينه او لو فى فوران فى مية الراديتير وانت مدور الماتور ده كله بيبقى تلف جوان وش السلندر وده بيتصلح عادى خالص انا لس عامله فى عربيتى 504 من شهر وكلفنى 40 اتنين جوان ومصنعيه 60 جنيه وكمان بالمره داخل المصنعيه بيظبطلك التاكيهات وبتجيله تانى يربطلك على الوش ده كله داخل المصنعيه وبينضفلك المكنه طبعا ده الى حصل معايا انما المنتدى فى ناس خبيره بجد هيردو عليك وهيفدوك اكتر منى واحنا نستفاد معاك يا باشا

[medododo]

يا باشا تلف جوان وش السلندر بتعرفه ان الزيت بيطحن يعنى تشيل مقاس الزيت وتبص عليه لو شوفت حاجه فى اخره تقيله شويه ولونها لون الطحينه او تبص على مكان تغيير الزيت لو لقيت لون الطحينه او لو فى فوران فى مية الراديتير وانت مدور الماتور ده كله بيبقى تلف جوان وش السلندر وده بيتصلح عادى خالص انا لس عامله فى عربيتى 504 من شهر وكلفنى 40 اتنين جوان ومصنعيه 60 جنيه وكمان بالمره داخل المصنعيه بيظبطلك التاكيهات وبتجيله تانى يربطلك على الوش ده كله داخل المصنعيه وبينضفلك المكنه طبعا ده الى حصل معايا انما المنتدى فى ناس خبيره بجد هيردو عليك وهيفدوك اكتر منى واحنا نستفاد معاك يا باشا

+1111111111111

[AhMeD MeTwAlY]

فك غطأ الزيت وشوفه لو مبخر مايه لونها ابيض اعرف ان الوش بدأ او المايه بتنقص بشكل غير طبيعي
العربيه بتسخن مع الجري
كل دي اعراض