الموتور عالي أو ما بأدور وبعدين بيوطي ويثبت - بونتو 2004

[tarreq]

السلام عليكم - الأخوة الكرام أعضاء المنتدي

بألاحظ ان الموتور أول ما بأدور العربية - فيات بونتو 2004 - بييبقي عالي عن المعتاد - الار بى ام بيبقي عل 2000 تقريبا ، وصوت الموتور عالي طبعا ، وبعدين كام دقيقة ويوطي ويثبت لوحده .

هل ده ممكن يكون من إيه ؟ (سمعت انه ممكن يكون من البوابات بس معنديش خلفية كتير عنها)

وهل يوجد ورشة اصلاح عندها أجهزة كشف أعطال للفيات الجديد ، وتكون قريبة من المعادي او حلوان ؟؟

شكرا للمساعدة

[A7MED_PHARMA]

طبيعي إن العربية فيها سخانات بتعلي الأر بي ام في بداية الدوران
وبعد كده بتثبت

عادي جدااااااااااا

[benmatar]

السلام عليكم
الكلام اللي حضرتك بتقوله معناه إن ما شاء الله العربية تمام ووحدة الحقن سواء عادي أو الكتروني تمام لأن هي اللي بخلي عربيتك عالية لأن مياه الردياتير بتكون باردة، ولما تسخن بتهدي الموتور، والموضوع ده يبان أكتر في الشتاء، ومتروحش لحد ولا حاجة وبالتوفيق

[MohssenRashed]

طبيعي جدا . بالعكس زي ما الاعضاء قالو ده دليل ان الانشوك شغال و زي الفل.

[A7MED_PHARMA]

هو العضو راح فين؟

[windofchange]

ايه الانشوك ده يا ا محسن ؟ انا عندي اللي بيعلي الموتور هو حساس كهرباء بيدي الاشارة اعتقد للانشوك ده فبيعلي الموتور

[MohssenRashed]

ايه الانشوك ده يا ا محسن ؟ انا عندي اللي بيعلي الموتور هو حساس كهرباء بيدي الاشارة اعتقد للانشوك ده فبيعلي الموتور

ده في الاكسنت عشان كربراتير