العربيه بتلين

[AhMeD MeTwAlY]

العربيه لسه مركب شمبر وشميز وجوانات وجايب فارغه جديده مكان الي اتكسرت
وهي حاليا عملت 12 كيلو ماشي علي الاول او التاني ويادوب ساند البنزين
حاليا بسبها تحت البيت شغال ساعه او اتنين كل فتره
النهارده تاني يوم
تنصحوني بايه؟؟
العربيه فليشيا 95 ؟؟

[rotanamasoud]

25 ليتر واقف
500 كيلو مشى تحت سرعه 60
500 كيلو مشى قسمهم تدرج من60 الى 120
تغيير زيت
ظبط وش السلندر
تجربه اقصى سرعه
انطلق باذن الله

[AhMeD MeTwAlY]

شكرا علي الاهتمام
بس في ناس بتقول كلام عربيتك حسب ما تعودها يعني انت من البدايه بتجري وكده عربيتك هتجمع معاك بسرعه(انا مش مقتنع لان دي اله مش انسان بصراحه)
انت ايه رايك في الكلام ده

[rotanamasoud]

شكرا علي الاهتمام
بس في ناس بتقول كلام عربيتك حسب ما تعودها يعني انت من البدايه بتجري وكده عربيتك هتجمع معاك بسرعه(انا مش مقتنع لان دي اله مش انسان بصراحه)
انت ايه رايك في الكلام ده

اه حقيقى(بس بعد التليين) بمعنى ان المحرك اجزائه بتتعود على ار بى ام معين وبسرعه فالاجزاء بتبقى قابله للانطلاق بسرعه فى وقت اقل
يعنى لو انت متعود تنقل غياراتك على4000 لفه سواء اول تانى تالت لما تطلع فى طريق سريع وتوصل للخامس العربيه موتورها متعود على ال4000 لفه فحيجيبهم على الخامس وممكن تكون السرعه 150
يعنى لو انت متعود تنقل غياراتك على2500 لفه سواء اول تانى تالت لما تطلع فى طريق سريع وتوصل للخامس العربيه موتورها متعود على ال2500 لفه فحيجيبهم على الخامس وممكن تكون السرعه 100 وعشان تجمع ال120 حتيجى بصعوبه ده الفرق (وعلى رائ عادل امام متعوده دايما)
ممكن تزود على كلامى
500 كيلو التلته تحريق غيارات وتفتيح مكنه وبكده تكون انهيت التليين والتفتيح(يعنى ال1500 كيلو الاولى)

[AhMeD MeTwAlY]

هي هتخلص التليين من هنا وهتشوف ايام سوده

[AhMeD MeTwAlY]

اه حقيقى(بس بعد التليين) بمعنى ان المحرك اجزائه بتتعود على ار بى ام معين وبسرعه فالاجزاء بتبقى قابله للانطلاق بسرعه فى وقت اقل
يعنى لو انت متعود تنقل غياراتك على4000 لفه سواء اول تانى تالت لما تطلع فى طريق سريع وتوصل للخامس العربيه موتورها متعود على ال4000 لفه فحيجيبهم على الخامس وممكن تكون السرعه 150
يعنى لو انت متعود تنقل غياراتك على2500 لفه سواء اول تانى تالت لما تطلع فى طريق سريع وتوصل للخامس العربيه موتورها متعود على ال2500 لفه فحيجيبهم على الخامس وممكن تكون السرعه 100 وعشان تجمع ال120 حتيجى بصعوبه ده الفرق (وعلى رائ عادل امام متعوده دايما)
ممكن تزود على كلامى
500 كيلو التلته تحريق غيارات وتفتيح مكنه وبكده تكون انهيت التليين والتفتيح(يعنى ال1500 كيلو الاولى)

شكرا علي الافاده بجد بس 500 كليو التلته تحريق غيارات اقرص علي الغيار شوية
طيب دلؤقتي انا لسه في 500 كيلو الاولي والعربيه عامله 35 كيلو مفيش سحب خالص ضعيف جدا يا دوب بمشي

[rotanamasoud]

هى دلوقت زى اللى عامل عمليه مش حيعرف يجرى اصبر عليها ولو نفزت اللى بقوله ان شاء الله حتظبط اوى معاك
كل مكونات المحرك خلصوها ديق فبيحصل احتكاك جامد بالصبر توصل لاقل خلوص وانعم احتكاك لاكن لو استعجلت المكونات حتسخن الموتور من الاحتكاك وتسلخ الشمايز ومتحسش بالعمره

[AhMeD MeTwAlY]

للاسف انا شديت علي العربية مرتين وزوت عن 60 كيلو بس كان ظروف وبعدها زعلت جدا فهل ده مؤثر ولي اكمل زي ما حضرتك قولت