حد غير فتيس مانوال قبل كداااا؟؟؟؟؟؟؟؟؟؟

[dreammate]

سلامو عليكم
ياريت اللى غير فتيس مانوال فى الحرفيين يقولى على رقم اى صنايعى بيفهم فى الفتايس فى الحرفيين
عشان محتاجه ضروووووووووووووووووووووورى العربية واقفة تحت البيت وعايزلها فتيس استيراد
ياريت محدش يبخل لو عنده معلومة
انا عايز رقم اى صنايعى فى الحرفيين يدلنى على واحد بتاع فتيس استيراد

للعلم انا عربيتى شيرى a11 موديل 2006
وبيقولوا يركبلها فتيس جولف 2 او 3
اللى عنده خبرة فى الموضوع ده يرد عليا ضرورى بجد انا متبهدل فى المواصلات

[ahmed_h_g]

لازم تنزل بنفسك مش هينفع تشترى بالتليفون

[dreammate]

لازم تنزل بنفسك مش هينفع تشترى بالتليفون

يا باشا هوا فيه حد بيشترى بالتليفون بردو؟؟
انا عاوز صنايعى موضوق فيه مش نصاب وحرامى
زى ما اسمع انى لازم اكون عارف حد ف الحرفيين بالذات
ف ياريت لو تدلنى على حد بتاع فتايس يكون مش نصاب ومحترم
ايا كان
فى الحرفيين او فى الوكالة مش فارقة
بس ابقى رايح لحد موضوق فيه مش أكتر

انا بدور على فتيس جولف 2 او جولف 3 او فورد اسكورت

لسه هتأكد من الميكانيكى الاسطى صليب
بس عاوز اعرف احتياطى عشان اكيد هحتاج واحد من دول لما اروحله

شكرا ليك

[ahmed_h_g]

معرفش حد عنده المانى بصراحه ومنصحكش تصلح الفتيس أنا جربت موضوع التصليح قبل كده عند صليب للأسف بدون جدوى

[dreammate]

انا مش هصلحه انا هعرف ايه اللى بايظ فيه واشوفه ايه يركب له واجيب واحد يركب عليه بدل ما اجيب واحد جدييد شيرى بردو ويطلع ضعيف ويبوظ تانى تبقى مأساة

بما انك لك تجربة مع صليب هل هوا بيفهم ومحترم ومش نصاب؟؟ ولا فيه احسن منه؟؟

[dreammate]

وبياخد كام لو هيركبلى بتاع الجولف ويعدل عليه بحيث يركب عندى
غالبا كدا بياخد كام فى الحوارات دى؟؟

[ahmed_h_g]

والله أنا شايف أن سعر مصنعيته غالى جدا" جدا"
وبعد التصليح بفتره بسيطه بيظهر عيوب أخرى فى الفتيس بسبب ضعف الفتيس
نصيحه من أخ متصلحش الفتيس أشترى واحد أستيراد أنضف

[dreammate]

للمرة التانية انا بقولك مش هصلحه والله انا هجيب فتيس استيراد بس عاوز اجيب واحد المانى قالولى بتاع الجولف 2 يركب
بس لازم له شوية تعديلات تفتكر رأيك ايه
اجيب بتاع الجولف واعمله تعديلات بحيث يركب عندى عند صليب ولا اجيب فتيس شيرى استيراد من الحرفيين
انا خوفى يبوظ بتاع شيرى ده كمان

[ahmed_h_g]

لا هات الأصلى زى اللى كان فى العربيه
مش عارف ليه مبستريحش لموضوع تعديل وكلام من ده (هتدخل فى تعديل قواعد ولو تعديل قواعد يبقى هتسمع زنه فى هيكل العربيه علشان تعديل وكلام من ده لغاية ما تزهق وهتغيره تانى )
على فكره الفتيس ميزته أنه لو فيه حاجه بتظهر على طول
زى صوت خروشه أو ونه أو عضه فى غيار معين
لازم تاخد عليه ضمان 10 أيام على الأقل والتجربه مش هتاخد معاك أكتر من يومين

[dreammate]

لا هات الأصلى زى اللى كان فى العربيه
مش عارف ليه مبستريحش لموضوع تعديل وكلام من ده (هتدخل فى تعديل قواعد ولو تعديل قواعد يبقى هتسمع زنه فى هيكل العربيه علشان تعديل وكلام من ده لغاية ما تزهق وهتغيره تانى )
على فكره الفتيس ميزته أنه لو فيه حاجه بتظهر على طول
زى صوت خروشه أو ونه أو عضه فى غيار معين
لازم تاخد عليه ضمان 10 أيام على الأقل والتجربه مش هتاخد معاك أكتر من يومين

كلام جميل ومحترم بس تفتكر فين ارخص مكان ممكن الاقى فيه فتيس الشبرى ده؟؟
الوكالة ولا الحرفيين؟؟؟

[ahmed_h_g]

بورسعيد ثم الحرفيين ومأظنش هتلاقيه فى الوكاله

[dreammate]

شكرا لردك الف شكر