صوت تصقيف لما اكبس بنزين كهرباء ولا بكات

[محمد فريد]

صوت تصقيف لما اكبس بنزين ولما اعشق غيار بدرى شوية يعنى اكون معدى المطب وادى التانى الاقى العربية بتصقف
العربية كيا برايد كربراتير 1100
انا بستعمل بنزين 80 ولما كنت بحط 90 او 92 الاقى السحب اتحسن والتصقيف يختفى
بس انا مقدرش امون 90 علطول ده لما بيبقى فى فائض فى الميزانية بس
دلوقتى انا عايز امون 80 علطول - المشكلى دى كهرباء عالية ولا البكات مسدودة مع ان العربية لما بقرص بتجرى وصوتها طبيعى الحمد لله

افيدونى افادكم الله

[lad]

الكهرباء عوزه تظبط روح لمكانيكى يأخر الكهربا سنه بسيطة

[nemo_speranza]

المشكلة ممكن تكون فى توقيت الحرق احيانا بتحصل اما بتغير سير الكاتينا عند واحد مش متخصص و احيانا بتحصل لو كبلات الاندكشن بتاعت البوجيهات مفصولة او مقطوعة ...بص على الكابلات الاول تكون متوصلة كويس .... لو مش هتعرف روح لكهربائى .....بس هية عمتا ملهاش علاقة بالبنزين ممكنيكون ان الفلفات flow valves تكون عليها شوائب كتير سداها ساعتها هتبقى ازمة ....روح و شوف القصة اية و انشاللة بسيطة

[ahmed_rgina]

حاجة بسيطة جدا محتاج تاخر الكهرباء شعرة بسيطة ودة عند الميكانيكى

[محمد فريد]

الكهرباء عوزه تظبط روح لمكانيكى يأخر الكهربا سنه بسيطة

شكرا لحضرتك وان شاء الله هأخرها سنة

المشكلة ممكن تكون فى توقيت الحرق احيانا بتحصل اما بتغير سير الكاتينا عند واحد مش متخصص و احيانا بتحصل لو كبلات الاندكشن بتاعت البوجيهات مفصولة او مقطوعة ...بص على الكابلات الاول تكون متوصلة كويس .... لو مش هتعرف روح لكهربائى .....بس هية عمتا ملهاش علاقة بالبنزين ممكنيكون ان الفلفات flow valves تكون عليها شوائب كتير سداها ساعتها هتبقى ازمة ....روح و شوف القصة اية و انشالله بسيطة

الموضوع شكله كبير - هو الحكاية دى ساعات بتظهر لما العربية تسخن انما الصبح بدرى مبسمعش صوت التصقيف يمكن عشان مبحبش اقرص والعربية باردة
شكرا لمرورك الكريم

حاجة بسيطة جدا محتاج تاخر الكهرباء شعرة بسيطة ودة عند الميكانيكى

شكرا على مرور حضرتك

[shawkylotfy]

دة بسبب البنزين ال 80
الحل انك تدى الغيار حقة ومدوسش بنزين جااامد

[ahmedeihab]

بنزين ال 80
يا اما تقلل سنه افانس علشان التسقيف
و حاول تحط مره كده 20 لتر 92 تفوق بيهم العريبه
هتلاقى اختلاف سما و الارض

[محمد فريد]

ظبط الكهرباء يا جماعه والصوت قل والسحب قل حاجة بسيطة