صوت المحرك

[aboharb]

العربيه صوتها على شويه على السلانسيه مع انى لسه مغير زيت شل الاصفر وانا جوه العربيه سامع الصوت وار بى ام مضبوط على 750 والسحب والحركه ممتازين بس السلانسيه كل يوم بيمعلى حاجه جديده

[ahmed_h_g]

يعنى الصوت ظهر بعد تغيير الزيت ولا من قبل ؟

[aboharb]

بعد التغير من اول يوم

[hosam2011]

لمبة الاتشك "check" مضيئة

[ahmed_h_g]

المشكله من الزيت
أنا كنت بغير زيت شل الأصفر لكن أخر غيارين الزيت كان بينزل بعد 4000 كيلو زي الشحم
النهرده غيرته بزيت كاسترول ماجناتيك
أمشى بيه شويه وغيره بزيت نضيف

[aboharb]

لا لمضة المحرك مش منوره وعلى فكره الموضوع مش مسببلى مشكله على السحب ولكن حاسس ان العربيه كأن فيها تربو الاول كان الصوت ضعيف عموما انا راجعت نفسى اكون عملت حاجه غلط لقيت حاجه واحد انى مشيت بالعربيه من غير تسخين لان عربيتى بتبرد بسرعه بلاقى مؤشر الحراره نازل الى نهايته علشان الثرموثتات متشاله ومش بيطلع الا بعد 5 كيلو مشى يجيب الثلث
وبعدين فتحت الكبوت لقيت صوت هواء بينفث مش عارف منين علشان كان بليل فى الصبح هراجع كل الخرطيم والمره دى فعلا انا حاسس ان الزيت مش زى الاول مع انى جايبه من شركة شل نفسها مش من بنزينه

[zocor742]

معرفش لية حاسس انة الزيت هو السبب
على العموم شل فى طريقة للضياع زى موبيل
انا بستخدم شيل الاصفر اخر غيار حاسس انة مش زى كل مرة

[elpasha1]

ياباشا متقلقش
امشى بالزيت وبعدينلما ييجى معاد التغيير غيرة لكن متحطش شل حط موبيل هتلاقى الصوت بقى طبيعى
انا كان بيعمل معايا كدة لحد ما بطلت احتة
ودا معروف ان الشل الاصفر بيعلى صوت الموتور ( عن تجربة شخصية)

[elpasha1]

ياباشا متقلقش
امشى بالزيت وبعدينلما ييجى معاد التغيير غيرة لكن متحطش شل حط موبيل هتلاقى الصوت بقى طبيعى
انا كان بيعمل معايا كدة لحد ما بطلت احتة
ودا معروف ان الشل الاصفر بيعلى صوت الموتور ( عن تجربة شخصية)

[ahmedeihab]

مشكله الاكسيل
قعده الكربيراتير غالبا صوت الصفاره ده منها
بص عليها هتلاقيها بتنفس
و الله يعينك عليها و موفق ان شاء الله

[agwaa]

طب ما تحاول تغير البكات
وخلي بالك ممكن كون الصوت ظهر بعد غيار الزيت دة صدفة
فبلاش كلنا نتحامل على الزيت علشان ممكن كدة تكون المشكلة في حاجة تانية بعيدة خالص عن الزيت و بالتالي إحنا كدة بنبعد عنها خالص