ظهر صوت احتكاك فى الصباح لافيو

[AROR]

بعد عمل صيانة الافيو 50000ك فى منصور تم تغيير (طقم السيور) سير الدينمو و شداد الدينمو وسير الكاتينة وشداد سير الكاتينة وطلمبة المياة ظهر صوت احتكاك فى الصباح من عند السيور ويختفي بعد 5 دقائق لما العربية تسخن وهذا الصوت لم يكن موجود قبل تغيير طقم السيور واستمر الصوت لمدة شهرين ولما رجعنا لمنصور تانى بعد شهرين وبعد الفحص والمحص تم تغيير الطقم تانى ( تغيير سير الدينمو و شداد الدينمو وسير الكاتينة وشداد سير الكاتينة وطلمبة المياة) فى الضمان علشان قالوا ممكن البلى خشن وفيه عيب صناعة وضبطوا تركيب الوش الفيبر اللى مغطي سير الكاتينة علشان لو بيحك فى السير وبرضة استمر الصوت فى الصباح او عند برودة العربية ارجو هل حد يعرف هذا العيب من اية

[mada_76]

اعتقد والله اعلم ان دي نوعية السيور مش كويسة وجلدها ناشف وعشان تتاكد من كده دور العربية الصبح وافتح الكبوت وهات زجاجة مياه وعند السير كده رش عليه بوق مياه .
لو الصوت راح يبقى السيور فعلا خشنة وصناعتها سيئة .
انا بيحصل عندي كده في اخر عمر السيور , يعني كل اخر 60 الف كيلو بتبدأ السيور تتطلع الصوت ده .

[mada_76]

اعتقد والله اعلم ان دي نوعية السيور مش كويسة وجلدها ناشف وعشان تتاكد من كده دور العربية الصبح وافتح الكبوت وهات زجاجة مياه وعند السير كده رش عليه بوق مياه .
لو الصوت راح يبقى السيور فعلا خشنة وصناعتها سيئة .
انا بيحصل عندي كده في اخر عمر السيور , يعني كل اخر 60 الف كيلو بتبدأ السيور تتطلع الصوت ده .

[AROR]

شكرا على الاهتمام بس عملت كده وحطيت مية على السيور والصوت لم يختفى و الصوت ده بيظهر لما العربية بتكون باردة ومش صوت الماتور العادي لما بتكون العربية باردة الصوت طالع من ناحية السيور الغريب انهم غيروا الطقم كامل مرة تانية وبرضة الصوت لم يختفى وكانوا شاكين فى خشونة البلى