عطل ببوجية واحد

[amr78falcon]

حصل معايا موقف غريب منذ اسبوع لاحظت ان العربية متلتة وذهبت الى الميكانيكى قالى فى بوجية قاطع قام بتغييرة والعربية بقت تمام بعد اسبوع حدث نفس العطل وبنفس البوجية فتم تغييرة ياريت حد يقولى اة اسباب المشكلة دى

[romieh]

طيب هو القطع اللى بيحصل للبوجيه ده سببه ايه؟؟

زيت بييجى عليه مثلا؟ ولا حاجة تانية؟؟

[doudy1480]

العربية نوعها ايه يا باشا ؟ لو انجيكشن وفيها بوبينة او 2 بوبينة لكل بوجية بوبينتين ممكن تكون البوبينة ... الموضوع ده حصل معايا كانت متلته وبعدين غيرت البوجيهات كلها وحصل نفس الموضوه بعدها بيومين لحد ما بدلت بوبينه مكان بوبينة وعرفت ان بوجيه تاني قطع لما غيرت مكانهم .. اتاكدت انها البوبينة...
لو مش انجكشن بقا معرفش افيدك

[alsad]

بتحصل معايا في البوجيه رقم واحد بس

تقريبا الزيت بيكون على القلاووظ مش على الشمعه

ولسه مش عارف السبب بالظبط

لكن بتاع الكاربراتير قالي ان السبب بلف التاكيهات ولسه هتأكد

[m_gewelly]

متااااااااااااااااااااااابع معاك لنفس المشكله

[aboomar22]

ممكن يكون الشنير اللى فى البستم ده خفيف بيفوت زيت على البوجيه

[hazemawad]

ممكن يكون سبب قطع البوجيه من كامة الاسبراتير لانها ساعات بيبقى الاربع جوانب بتوعها مش قد بعض فيقطع شراره على بستم او اتنين وعرفها بان تسحب سلك البوجيه وتقربه من الارضى لو مااداش شراره تعرف انه من الكامه بتاعه الاسبراتير او السلك الواصل بين الاسبراتير و البوجيه
وكل الاحتمالات التى ذكرها الاخوه صحيحه مع اضافة احتماليه تسريب مائى من الوش على البستم القاطع

[eemmoo]

عندى نفس المشكله وفى واحد قالى ممكن يكون العيب سلك البوجيهات وممكن يكون الموتور بقى خفيف وعايز طقم شنبر لانه بيسرب زيت على البوجيه بس الحمد لله بطلت تحصل معايا ومن غير ما اصلح اى حاجه اخر مره كان من حوالى 3 اسابيع وفكيت البوجيه الاول وكان عليه زيت نضفته وركبته تانى ولسه مستنى هتكرر نفس المشكله ولا اتحلت مع نفسها
ومتااابع معاكم

[hanzcanz]

جرب تغير البوجيهات بسن قصير بدل الطويل