سؤال مهم بخصوص الكربراتير

[alpoka779]

من فتره حاسس ان الكربراتير بيطلع صوت هواء المهم فكيت لقيت الفني الي بيصلح الكربراتير ركبه من غير جوان تحته (علي الفبره) المهم ركبت جوان قلت اركب واحد تاني تحت الفبره فاصبحوا 3 تحت الفبره لما قفلت حسيت العربيه بترج جامد ومش مضبوطه خالص -- السوال - هل زياده عدد الجوانات تحت الفبره ممكن يكون اثر علي اساس ان سمك الجزء تحت الفبره زاد حوالي 3 ملي --وشكرا

[amrelsaqqa]

انا مش عارف العربية ايه وايه الفبرة دى

بس هو غالبا بيبقى فيه جوانين

والكربراتير بيبقى 3 اجزاء غالبا في معظم العربيات

لو شبهنا الكربراتير بالموتور

هيبقى عندك جزء صغير فوق فيه مثلا باب الخانق بتاع السخان وتحته جوان وتحت الجوان الجزء اللى فيه البكات والعوامة وتحتهم جوان وتحتهم خالص البلوك الاساسى اللى راكب على المانفولد على طول اللى فيه الابواب و حوض البنزين

ممكن نعتبرها زي غطا التاكيهات وجوان غطا التاكيهات ووش السلندر وجوان وش السلندر و البلوك في الموتور



الجوان اللى فوق لو مش موجود او بايظ او الغطاء مش محكوم ، ممكن الكربراتير يسرب هوا ويبوظ الاداء والاستهلاك وبيتهيألى لو زودت عدد الجوانات مفيش مشكلة ،،



الجوان اللى تحت ده غالبا في عربيات كتير بيبقى بين الجزء اللى فيه العوامة والبكات والجزء اللى فيه حوض البنزين


وده لو زودت عدد جواناته ممكن تلاقى العوامة مستواها ارتفع و بقى البنزين يفيض والعربية تشرق وتقطع



على الوضع اللى انت فيه ده ممكن تكون الرجة بسبب انك ظبطت الكربراتير بس محتاج ظبط لمسمار الهوا من جديد

لو انت حاسس ان صوت تنفيس الهوا راح والكربراتير اتظبط شوية اظبط مسمار الهوا لحد ما العربية تتظبط
والا يبقى فيه حاجة غلط

بس هو ايه الفنى اللى قفل كربراتير من غير جوان ده !!!

[alpoka779]

ده راجل متخصص كاربراتير بس انا اكتشفت بعد اخر مره وجود صوت الهواء وطلع استنتاجي مضبوط واحتمال زي ما حضرتك بتقول --العربيه بقي الفلتر مليان بنزين علي الاخر مبيقلش --- غير الاول كان قليل ومش بيتملي بنزين خالص ممكن بسبب الجوانين بس انا مركبهم اخر حاجه الي فوق البلوكه وتحت الكربراتير

[_hema]

من فتره حاسس ان الكربراتير بيطلع صوت هواء المهم فكيت لقيت الفني الي بيصلح الكربراتير ركبه من غير جوان تحته (علي الفبره) المهم ركبت جوان قلت اركب واحد تاني تحت الفبره فاصبحوا 3 تحت الفبره لما قفلت حسيت العربيه بترج جامد ومش مضبوطه خالص -- السوال - هل زياده عدد الجوانات تحت الفبره ممكن يكون اثر علي اساس ان سمك الجزء تحت الفبره زاد حوالي 3 ملي --وشكرا

اخى الكريم

اى جزء فى موتور العربيه بيركب له جوان واحد فقط يوضع بين جزئين معدنين بهدف إحكام عمليه الربط والجوان له مفاس معين وخلوص محسوب بالملى فالرجاء مراجعه ميكانيكى متخصص فى هذا
اما بالنسبه للكربراتير فلم ارى احد وضع له اكثر من جوان هوه جوان واحد فقط ولو حدث له تلف يتم تغيره باخر بنفس المواصفات


لك كل الود