استفسار عن فيات برافا موديل 2001

[mr_hamed_s]

بص ياسيدي انا عندي الماريا وهي هي نفس الماتور تقريبا غيرت الماتور من 6شهور والميكتنيكي اللي ركبة ركبة عادي و فضلت العربية وانا ماشي تنتش و تقطع لمدة شهرين و بعدين روحت عند واحد طلع ان الميكانيكي مش مركب حساس اول لما ركبت الحساس العربية اشتغلت حلو عموما موضوع الفصل وعدم دورنها دة 90في المائة طرمبة بنزين بايظة وخلي بالك متحاولش انك تتعامل مع التوكيل عشان حرامية غيرت عندهم طقم الدبرياج قبل كدة ب8900 ج

طقم دبرياج ب 8900 جنية وجاللك قلب تدفعهم
انا غيرت طقم الدبرياخ بالمصنعية نوع Valeo ب 600 جنية وكنت فاكر انه كده غالى

السلام عليكم ورحمة الله وبركاتة

والله انا لحد وقتنا هذا شاكك انو مش حساس لان لمبة الرشاش الى بتنور مش لمبة اتشك ودا الى مخلينى قلقان لكن فعلا الموضوع زاد عن حدة وبقت تبطل بمجرد انى اشيل رجلى من على بدال البنزين حتى وهيا واخدة نقلة ف دا مضيقنى جدا لانها لما بتبطل بيفصل الباور والفرامل بتحجر والتعامل بيبقى من الصعب جدا انك تعرف تسيطر عليها وبالنسبة للعمرة اتكلفت فى حدود 4000 جنية وهيا المكنة المستعلة ب4500 بس الميكانيكى قاى انت دلوقتى بتعمر المكنة دى على مزاجك وبتعمل شغل مية مية مين عالم ما يمكن تجيب مجنة جديدة وتمشى شوية ويطلع فيها مشكلة ف قولت يبقى الى موجود احسن هيا فعلا العربية قطع غيارها مولعة نار وقليلة جدا جدا جدا لكن بأذن الله هلاقى الحساس دا وياريت الى يعرف تمنة جديد او مستعمل كام يقولى

ده بنسبة 90% طرمبة البنزين ضعيفة لمل بتسخن بتقطع
اول مابتدور العربية وتتحرك بيها بتكون كويسة ولا بتهيس ؟؟
اويه اخبار صوت الموتور وهيه واقفة من غير ما تتحرك ؟؟

عمتا لو هتكشف على طرمبة البنزين فيه ناس عندها جهاز بيكشف على الطرمبة بس ولو كده بتتصلح ممكن بيغيروا الموتور بتاعها

[badr55eldeen]

السلام عليكم
شكرا للاهتمام والرد
انا العربية لما غيرت الايدل وعرفته بالكمبيوتر مع المهندس تشتغل كويس
لكن كنت بحس اوقات ان سحبها مش تمام
ومشيت بالايدل الجديد يومين ممتاز وركنتها
جيت ادورها اليوم التالي ما تدور الا لما ادوس بنزين
وبمجرد ما اشيل رجلي من ع البنزين تبطل وزودت قلت تسخن ولكن نفس الكلام
فما الحل ولو عايز اكشف علي طرمبة البنزين اكشف فين وسعرها كام لو حتتغير
وشكرا[overline][/overline]

[m.z@her]

انا عندي برافا بردو 1600 سي سي وعندي نغس المشكله
الحل تغير البوابه لأن الحساس مش بتغير لوحدو
السؤال فين الاقي مكانيكي نضيف للفيت برافا ؟ ويكون فاهم فيها

[tiger m]

الاخ اللي بيقول ان موتور البرافا ب ٤٠٠٠ جنية لازم يعرف ان ده موتور قديم ولو كان قال للكيلاني انه عايز موتور استيراد كان ممكن يوفره له ب٣٥٠٠ فقط وعيب ان يتهم الناس ظلما وخاصة اكبر اسم في الفيات.

[tiger m]

الاخ اللي بيقول ان موتور البرافا ب ٤٠٠٠ جنية لازم يعرف انه موتور قديم ولو كان قال للكيلاني انه عايز موتور استيراد كان وفره ب ٣٥٠٠ بدلا من ان يتهم الناس ظلما وخصوصا اكبر اسم في الفيات.

[sfgtrehk]

العلاج فك البوابة ونظفها كويس جدا وفك الحساسات اللى فيها ونظفها كويس اوى

فك الرشاشات ونظفها

http://www.nilemotors.net/Nile/327609-a.html#post3874724220

هات ال stp وحطه مع التفويلة ال 92 واطلع مشوار عالطريق السريع على سرعة 100كم بلا توقف بطول 120كيلو وهتلاقى العيوب دى اختفت

لو فضل التبطيل مستمر بعد ال 120كيلو مشى متواصل غير الطلمبة

[madyyuri]

موضوع التبطيل ده سهل جدا.

أولا فك البوابة بالكامل واغسلها بمنظف كويس جدا، وزيت الدراع بتاعها ب w4D.
نضف فلتر الهواء أو غيره لو كان حالته وحشة.
ركب تاني وأعمل ريست للكمبيوتر بتاع العربية.

وكله هيتظبط بأذن الله.

موضوع ان العربية بتاخد وقت علي ما تدور بعد ما تبطل ده عيب من مارش خلي كهربائي بيفهم يبص عليه أو غيره.