نصيحة أخوانى فى عمل عمرة

[ibnelfared]

أنا نويت بأذن الله أعمل عمرة لعربيتى محتاج شرح من حضراتكم وتوضيح وبعض ألعايب الميكانيكية
وللعلن عربيتى بطلع دخنة بيضة وما بتسحبش فكان رد الميكاني أنها شنبر وأسطوانة وديسك والأفضل نعملها كلها عمرة ؟؟؟ وطالب منى مصنعية 500 جنية أيه رأيكم ؟؟ وممكن تكلفنى كام

[A7MED_PHARMA]

خلي ميكانيكي تاني يشوفها .. وتالت ورابع
واسمع من كل واحد فيهم رأيه


.
الدخنة البيضا ممكن تكون حاجة بسيطة..مش شرط عمرة يعني
والسحب له مليون سبب غير الاسطوانة

والمصنعية 400 ج بالكتيرررررررررر بدخانها بكل حاجة

[MEKAWY2000]

أنا نويت بأذن الله أعمل عمرة لعربيتى محتاج شرح من حضراتكم وتوضيح وبعض ألعايب الميكانيكية
وللعلن عربيتى بطلع دخنة بيضة وما بتسحبش فكان رد الميكاني أنها شنبر وأسطوانة وديسك والأفضل نعملها كلها عمرة ؟؟؟ وطالب منى مصنعية 500 جنية أيه رأيكم ؟؟ وممكن تكلفنى كام

بلش نتكلم فى موضوع السحب دلوقتى اول حاجه انت شفت دخنه لونها ايه وكمان خرطوم الفايز بالموتور نفخ هواء ولا نفخ زيت هنا تفرق معانا شويه لو الموتور بينفخ دخنه زرقاء من الفايز يبقى شمبر زيت لو هواء وفى دخنه بيضاء من الشكمان يبقى شمبر كبس وبالتالى يبقى طقم شمبر مش عمرا كامله وكل حاجه تشتريها وتركب على ايدك متخليش الميكانيكى يشتغل فى السياره وانت مش موجود اما بالنسبه للمصناعيه فى طقم الشمبر250جم انما لو عمره كامله يبقى350 او400جم
اما بالنسبه لموضوع السحب فالسياره الى محتاجه عمره هتتقل معاك فى السحب اما الشمبر هتسحب انما ممكن يكون ضبط كهرباء او كاربرتير وبعدين فى تزايد فى اكل البنزين والزيت مع السرعه او القرص ولا لا وشوف ميكانيكى صقه وعنده ضمير مش بتاع اشتغلات

[أبو صلاح]

نصيحتي ليك
نفض للميكانيكي ده
نصاااااااااااب وبتاع اشتغالات

[HishamElgazzar]

سعر كويس لو العمرة هتتكلف 500 جنيه مصنعية
و أكيد كمان هيقولك 2000 خراط
وتدفع تكاليف الشنبر والجوانات من 300-400 جنيه
موتور إستيراد أحسن
وتشيل أدوات التغذيه من موتورك القديم وترمى منه اللى انت مش محتاجه
ومتنساش جواب الإفراج الجمركى يكون بإسمك عشان تثبته ف المرور

[أبو صلاح]

سعر كويس لو العمرة هتتكلف 500 جنيه مصنعية
و أكيد كمان هيقولك 2000 خراط
وتدفع تكاليف الشنبر والجوانات من 300-400 جنيه
موتور إستيراد أحسن
وتشيل أدوات التغذيه من موتورك القديم وترمى منه اللى انت مش محتاجه
ومتنساش جواب الإفراج الجمركى يكون بإسمك عشان تثبته ف المرور

ياباشا الاعتراض من على السعر رغم انه غالي شوية
الاعتراض على تشخيص العطل على انه قرر عمرة بدون اصلا ما يفتح الموتور وطقم دبرياج
ده على افتراض ان الميكانيكي كشف على باقي اسباب الدخنة واعتقد انه محصلش

[HishamElgazzar]

مع حضرتك حق فعلا
هو لازم كده كده هيفتح الموتور
وبختك يا أبو بخيت
يا يلاقى عيل صغير يديله بونبونى وخلصت الشغلانه
ياإما راجل طاعن فى السن وعنده ضغط وسكر وقلب

[amro0000]

سلام عليكم / ارحب بلاخوة الاعضاء انا معايا دوجان موديل 1993 مكيفة 1600 المهم كان فيها اولسيهات ضاربة زيت وبترشح زيت والكلام الي زي دة المهم عملت كل الكلام دة الي كان بينقط معايا زيت وكدة وبعد حوالي الف كيلو ببص في مقاس الزيت لقيتة ناقص تقريبا ربعة او اكتر من ربعة المهم روحت للميكانيكي بص تحت العربية وقلب في الموتور ملاقاش زيت نهائيا فقالي ان المكنة كدة بدأت تخف وبتاكل زيت انا لاحظت ان مستوي الزيت نقص من بداية 700كيلو من بعد تغيير الزيت المهم قالي شيل خرطوم الفايض وامشي بيها كدة شوية وقالي دة احتمال يكون طقم شنابر وكدة المهم انا بجد خايف علي العربية ومش عارف اعمل اية ولا اتعامل ازاي معاها الفترة الي جاية وخصوص الصيف داخل وقالي متشغلش التكيف الا والطريق سريع قالي يستحسن وبصراحة انا خايف علي العربية ومش عارف اية الصح واية الغلط اخليها ولا ابيعها ولا اعمل اية بلزبط مش عارف وهل طقم الشنبر دة حاجة جمدة ودة يتكلف كام بلزبط بلمصنعية الميكانيكي وبدونة وهل العربية هترجع زي الاول ولا هتبقي اية بصراحة انا مش عارف اعمل اية بس انا حاليا بفكر ابيعها من خوفي عليها وصحيح لاحظت كدة دخان خفيف اوي من خرطوم الفايض هل دة طبيعي ولا لاء بس الكلام دة كان والجو حر وبعد مشوار حوالي 100 كيلو متواصل في الزحمة ياريت تفيدوني علي الصح اية وازاي اتعامل مع العربية وهيا تمشيني كدة قد اية وتكلفة طقم الشنبر دة كام وياريت كل التفاصيل واشكركم وانا عارف اني طولت في كلامي بس مش هلاقي احسن منكم يفيدوني العربية دوجان 1993 وشكرا