اغرب مشكله قابلتنى

[faroukzen]

انا معايا بى ام دبليو 518 موديل 1982 e28
السياره بموتورها الاصلى 1800 وفتيس اربعه غيار انا عندى مشكله محيرانى العربيه مابتعديش سرعه 100 واما بتجيب سرعه 100 بيبقى صوت الموتور عالى وعداد الربى ام على 3 تقريبا ماسبب هذه المشكله هل بسبب الفتيس اربعه غيار بس انا كنت راكب تويوتا كورولا اربعه غيار وكنت بجيب 140 وصوت الموتور بردق مبيعلاش انا محتار الصراحه هل هى العربيه دى كده انا مش عارف اعمل ايه فى ناس قالتلى يمكن الكربراتير بس انا معتقدش ان الكربراتير يعمل كل ده ياريت يكون حد جرب الفتيس اربعه غيار ده ويعرفنى المشكله فين مع العلم ان حاله الموتور جيده

[faroukzen]

ارجو الرد بسرعه بخصوص هذا الموضوع لانه عاملى قلل كل ماركب العربيه

ارجو ان لا تبخلو على بالرد فى اسر ع وقت

[ZOoOoMA]

انا عربيتي كانت 128 الله يرحمها و كانت 4 غيار و كنت بجيب بيها 160 هوا صحيح الموتور عالي شويه بس كانت بتجيب جرب تنظف الكربراتير مش تغيره لا نضفه

[ZOoOoMA]

و شيك على البوجيهات و لو عندك ابلاتين و كوندنسر شوفهم برضو

[ggaamm]

طقم دبرياج وتوكل على الله :))

طالما العربية بتوصل لل100 بالعافية ومش يتسحب يبقى 95% طقم دبرياج

جرب تطلع بيها أمريكانى أو فرك يعنى وشوف لو ماطلعتش او طلعت ميتة يبقى طقم دبرياج وش بدون كلام

[Sehsss]

طقم دبرياج وتوكل على الله :))

طالما العربية بتوصل لل100 بالعافية ومش يتسحب يبقى 95% طقم دبرياج

جرب تطلع بيها أمريكانى أو فرك يعنى وشوف لو ماطلعتش او طلعت ميتة يبقى طقم دبرياج وش بدون كلام

+11111111

[A7MED_PHARMA]

طقم دبرياج وتوكل على الله :))

طالما العربية بتوصل لل100 بالعافية ومش يتسحب يبقى 95% طقم دبرياج

جرب تطلع بيها أمريكانى أو فرك يعنى وشوف لو ماطلعتش او طلعت ميتة يبقى طقم دبرياج وش بدون كلام

انا مع الرأي ده

بس اوعى يكون صاحب الموضوع بيحط بنزين 80 ؟

[eemmoo]

انت الاول تكشف على البوجيهات لو سليمه يبقى ديسك واسطوانه وبليه يعنى طقم دبرياج زى الاخوه ماقالوا