جوان وش السلندر شيروكي 2007

[Amrozhelmy11]

السلام عليكم
أنا عندي عربية شيروكي ٢٠٠٧ و الردياتير كان بيسرب ميه و العربية سخنت ، ركنتها لحد ما بردت و زودت ميه و دورت

بس العربية بعد م بتدور الrpm بينزل لحد ما العربية تفصل و الشكمان بينزل ميه ،، في ميكانيكي شافها و قالي ده جوان وش سلندر
حد عنده فكرة الكلام ده حقيقي ولا لا ؟. ( الزيت مفهوش حاجة و مش محروق)
وهل لو فعلاً جوان وش سلندر تكلفة تغييرة توصل ٣٥٠٠؟

حد يفيدني يا جماعة أنا مبفهمش في العربيات و زودت العربية مية و هي مش دايرة
شكراً.

[medododo]

شوف ميكانيكي تاني
ده بيستغل ان العربية جديدة

[ahmed_rgina]

هى فعلا كدة جابت جوان وش سلندر وماخفى كان اعظم عموما شوف ميكانيكى تانى لان التكلفة اللى بيقول عليها كتيرة جدااا
وعموما اكبر خطا انك تزود مية والعربية مش دايرة خصوصا لو سخنت كنت المفروض تتدور الموتور الاول وتزود بعد كدة مية على العموم حصل خير

[aymanrushdy]

أنا كان عندي نفس المشكلة في عربيتي سكودا فابيا
كانت بتسخن مني في الزحمة بس و غير كده عادي
الزيت و المياه مخلطوش
و كانت المياه بتنقص حوالي نص لتر كل 3 ايام
كشفت عليها قالولي جوان
غيرت الجوان لقيت فعلا جزء صغير جدا منه بين البستمين كان بيدخل المياه على البستم
علشان كده العربية كانت بتنقط مياه من الشكمان انا كنت فاكر ان كده المكنة مضبوطة
انا لسه بجرب العربية بس حاسس ان السحب بتاعها زاد عن الأول
و العملية كلها كلفتني 35 جنيه جوان شبه الأصلي اللي طالع من العربية بالضبط
و 120 جنيه مصنعية
أنا في الإسماعيلية على فكرة ممكن تلاقي كمان الشغل ده في الحرفيين أرخص بس هو الموضوع بياخد وقت شوية و يستحسن تعمل الموضوع في التوكيل أو حد واثق إن شغله كويس علشان هو بيفك كل حاجه واصله للموتور فمحتاج حد عنده ضمير علشان يرجع كل حاجه زي ما كانت

[Amrozhelmy11]

خرط وش السلندر

متشكر جداً يا جماعة أنا وديت العربية عند ميكانيكي تاني و قالي ان فعلا الجوان ضارب ، بس بيقول ان وشين السلندر مقفعين و. لازم يتغيرو عشان المونيوم ، و لما الخراط شافها قال ممكن يتخرطو و يشتغل كويس ، و أنا متمسك بالحل ده عشان الوشين استيراد يوصلوا ٦٠٠٠ و مش لاقيهم

حد عنده فكره الحل ده كويس ولا لا ؟

شكرًا

[medododo]

بص الالمونيوم انت وحظك وانت بتقول مش لاقي الوش
جرب يتخرط بس خد بالك ده حل مؤقت لحد ما تلائي وش

[MARTINDALE]

الخرط مضيعه فلوس وحل مؤقت ..... وش استيراد ورجع موتورك جديد وانساه.

[ahmed_h_g]

والجوان أسأل عليه عند محل الجوكر في التوفيقية

[sweilam]

نصيحة بلاش خراطة وش السلندر .
ماشفتش حد عمل عمرة وش سلندر و طلعت سليمة

[chiko]

اتوكل علي الله و اخرط .. طالما خراط محترم .. و خصوصآ ان الوشاش عندك صغيره يعني نسبة الخطاء في القشط قليله ... بس المهم يكون خراط محترم و ميكانيكي محترم ... و خلي بالك المشكله اللي هتقبلك لو المكانيكي ده مشتغلش في العربيات ده قبل كده .. مش هيعرف يقسم الماتور .. و ده شيئ مهم للغايه