جوان الصبابات

[Ahmed_Ramadan]

السلام عليكم
أنا معايا عربية سيفيا بتطلع دخنة بيضة كثيفة عند بداية التشغيل و تختفى بعد كده سالت الميكانيكى و الناس هنا قالولى جوان الصبابات عاوز يتعمل

السؤال دلوقتى هل الموضوع ده ليه علاقة بإستهلاك البنزين علشان أنا شاكك ان من ساعتها و العربية بقت غول بنزين و كنت حطيت العربية على Scanner و النتيجة ان العربية ماشية زى الساعة

[mohmmedzohier]

السلام عليكم

طبعا يا باشا بس اللى عايز اقولك عليه لما تغير كاوتش الصبابات الميكانيكى هيبص على الشنابر وهيقولك عايزه تتغير دا لو ميكنيكى كويس ودا الصح التكلفه انا ممكن اقوللك عليها كانت القصه دى فى عربيه شوما بتاعت واحد صحبى ولسه عملنها الاسبوع اللى فات

[Ahmed_Ramadan]

طبعا يا باشا بس اللى عايز اقولك عليه لما تغير كاوتش الصبابات الميكانيكى هيبص على الشنابر وهيقولك عايزه تتغير دا لو ميكنيكى كويس ودا الصح التكلفه انا ممكن اقوللك عليها كانت القصه دى فى عربيه شوما بتاعت واحد صحبى ولسه عملنها الاسبوع اللى فات

طيب ممكن تقولى الشوما كان إيه أعراض المشكلة فيها علشان هو نفس موتور السيفيا و كلفت معاكو كام ؟

[HishamElgazzar]

انت كده هتوضب وش السلندر للنظافة وتغيير كاوتش الصبابات
وطبعا بالمرة تغير طقم الشنبر لأنه المفروض يتغير كل 100-120 ألف كيلو عشان النظافة برضو والمحافظة على الشمايز (ناس كتيرة مش عارفة الموضوع ده بس انا مش بألف الكلام ده عن تجربة شخصية)
بس وتجيب الجوانات بتاعة الموتور كاملة وتركب منها اللى تحتاجة وتشيل الباقى معاك (طقم الجوانات كامل للموتور بيتباع كله على بعضه الأصلى وماتشتريش الجوانات مفرطة خد الطقم كله أحسن)
وبعدين قفل المكنة فوق وتحت وحط زيت ال1000 وسيبها دايرة وهتدعيلى وده الشغل الصح اللى انا عملته لناس كتيرة
والموضوع ده لو حسبناه
توضيب الوش لو هو سليم بس نظافة وكاوتش 300 جنيه
جوانات الموتور 150
طقم الشنبر 120-150
زيت وفلتر 70
سيليكون وجمالكة 20
أجرة الميكانيكى 200
ممكن تدخل فى باكو ولا حاجة بس بتجدد روح الموتور معاك من تانى
العمرة الكامله بتتكلف 2500 بالمصنعية+نثريات
بالتوفيق
تقبل مرورى

[Ahmed_Ramadan]

انت كده هتوضب وش السلندر للنظافة وتغيير كاوتش الصبابات
وطبعا بالمرة تغير طقم الشنبر لأنه المفروض يتغير كل 100-120 ألف كيلو عشان النظافة برضو والمحافظة على الشمايز (ناس كتيرة مش عارفة الموضوع ده بس انا مش بألف الكلام ده عن تجربة شخصية)
بس وتجيب الجوانات بتاعة الموتور كاملة وتركب منها اللى تحتاجة وتشيل الباقى معاك (طقم الجوانات كامل للموتور بيتباع كله على بعضه الأصلى وماتشتريش الجوانات مفرطة خد الطقم كله أحسن)
وبعدين قفل المكنة فوق وتحت وحط زيت ال1000 وسيبها دايرة وهتدعيلى وده الشغل الصح اللى انا عملته لناس كتيرة
والموضوع ده لو حسبناه
توضيب الوش لو هو سليم بس نظافة وكاوتش 300 جنيه
جوانات الموتور 150
طقم الشنبر 120-150
زيت وفلتر 70
سيليكون وجمالكة 20
أجرة الميكانيكى 200
ممكن تدخل فى باكو ولا حاجة بس بتجدد روح الموتور معاك من تانى
العمرة الكامله بتتكلف 2500 بالمصنعية+نثريات
بالتوفيق
تقبل مرورى

شكرا جدا لمرورك و نصيحتك المفصلة ...بس أنا عندى سؤال دلوقتى الزيت نقص شوية بقى تحت ال Full بحاجة بسيطة و موضوع الدخنة ده اختفى
هل لازم أعمل موضوع جوان الصبابات برضه ؟؟

[engwms]

السلام عليكم
أنا معايا عربية سيفيا بتطلع دخنة بيضة كثيفة عند بداية التشغيل و تختفى بعد كده سالت الميكانيكى و الناس هنا قالولى جوان الصبابات عاوز يتعمل

السؤال دلوقتى هل الموضوع ده ليه علاقة بإستهلاك البنزين علشان أنا شاكك ان من ساعتها و العربية بقت غول بنزين و كنت حطيت العربية على scanner و النتيجة ان العربية ماشية زى الساعة

انا كان عندى نفس المشكلة بتاعتك وكل الميكانيكية قالتلى نفس الموضوع
طقم شمبر وحوار
المهم انا غيرت الزيت والفلتر والحمد لله مافيش دخنة نهائى والزيت مش بينقص

[Ahmed_Ramadan]

انا كان عندى نفس المشكلة بتاعتك وكل الميكانيكية قالتلى نفس الموضوع
طقم شمبر وحوار
المهم انا غيرت الزيت والفلتر والحمد لله مافيش دخنة نهائى والزيت مش بينقص

ربنا يكرم انا فاضل حاجة بسيطة و اغير الزيت