Tweet
بسم الله الرحمن الرحيم
السلام عليكم ورحمة الله وبركاته
أخوتى وأحبائى أنا بكتب تجربتى مع تغيير الموتور يمكن حد يستفيد منها.
أنا من أسبوعيين عملت مشاركة بخصوص استفسار عن تغيير موتور إلنترا 96 . المشاركة هنا http://www.nilemotors.net/Nile/278943-96.html
المهم قلت أنزل الحرفيين ألف واخد فكرة . نزلت يوم الجمعة الموافق 30 مارس 2012 رحت للميكانيكى بتاعى وقلتله عايز أجيب موتور للعربية دى بس عايز أجيبه موديل أعلى شوية بس ايه الموديل اللى يركب عليها . ونظرا لأنه أمين وابن حلال قال لى طالما هتجيب موتور روح لورشة أحمد الشرقاوى هم متخصصين فى تسقيط المواتير وهيفيدوك أكتر منى . خدت العربية وطلعت على ورشة أحمد الشرقاوى قابلت (ميدو) محمد الشرقاوى أخو أحمد .. المهم أحمد ومحمد أنا هتكلم عليهم كتير لأنى بصراحة مع خبرة 15 سنة مع الميكانيكية ما قابلتش حد زيهم فى أخلاقهم وأمانتهم وصنعتهم وربنا يزيدهم .
ميدو شاف العربية وقالى روح عند فلان وفلان شوف المواتير هناك . رحت لفيت لفة ورجعت لقيت أحمد اتكلمنا شوية وبعت معايا ياسر صنايعى أسطورة عشان يبص معايا على الموتور .
المهم لقينا موتور إلنترا موديل 2000 كوبيه 1600 سى سى راكب فى نص العربية بالفتيس بتاعه.
الراجل قال الموتور بالفتيس 3600 جنيه والموتور بس ب 3300 المهم جبت الموتور بس ب 3000 جنيه .. أول غلطة يا ريتنى جبت الموتور والفتيس كانوا هيخلصوا على 3300 أصل أنا خايب قوى فى الفصال.
ماكانش معايا فلوس طلعت بالعربية رحت لأقرب مكنة سحبت 5000 جنيه ورجعت سبت العربية لياسر يفك الموتور وأنا رحت أخلص فى الموتور الجديد.
ابتدينا الفك والتركيب من الساعة 6 مساء العربية كانت خالصة الساعة 10 مساء
طبعاً حطينا زيت بدل زيت الموتور الأصلى وقال لى غير الزيت بعد يومين ودفعت 400 جنية مصنعية وخدت الموتور القديم فى شنطة العربية ومشيت.
أنا ساكن فى مدينة نصر وشغلى فى 6 أكتوبر وبروح الشغل بالباص . فقلت أجرب الموتور الأسبوع ده رايح جاى الشغل بدل الباص.
الموتور ماشاء الله .. الصوت ناعم والعزم قوى جداً كأنى شارى العربية جديد.
رحت بيها الأحد والإثنين و غيرت زيت فى بنزبنة شل اللى على الدائرى قبل أكاديمية الشرطة و أخدت أجازة تلات أربع خميس ما تحركتش بالعربية فيهم.
يوم الجمعة قلنا نروح النادى فى التجمع الخامس وكان عمى جاى معايا فى عربيته المهم يا دوب دخلنا على شارع التسعين وفى أول مطب العربية جات مبطلة .. ما حطتش فى دماغى ودورت وكملنا مشى لقيت دخان كثيف أبيض من الشكمان والموتور طالع منه دخان .. قلت لعمى خد العيال روحهم وأنا هطلع على الورشة فى الحرفيين.
وأنا على الدائرى العربية العربية بطلت وما رضيتش تدور تانى والحرارة كانت على الأحمر وصوت المارش بقى ناعم قوى كأن (الكاتينة قطعت)!!!
واحد تاكسى ابن حلال سحب العربية لحد الورشة ب 70 جنية
وطبعاً أول ما أحمد ومحمد سمعوا صوت المارش قالوا كاتينة قطعت وفكينا نشوف ايه النظام لقينا الكاتينة سليمة قلنا الحمد لله .. ولقينا حساس الكاتينة سايح من الحرارة ورائحة الزيت فظيعة فظيعة فظيعة زيت محروق.
المهم العربية جابت وش سلندر . خرطناه و جبنا جوان وركبناه وكل حاجة زى الفل .. ايه بقى سبب كل ده ؟؟؟
خرطوم المياة الساخنة بتاع التكييف اتقطع وبالتالى ميه الموتور فضيت بالكامل وعشان كدة الموتور جاب وش سلندر.
على فكرة أنا كنت بصيت على قربة الميه لقيتها مليانة بس اتضح ان القربة لا تدل على مياه الرادياتير.
طبعا الموتور دلوئتى مش زى الأول فى (صوته) بس ربنا يسهل ويرجع تانى بعد ما يطبع.
أنا هجرب العربية يومين كده وأقول لكم ايه الأخبار
آه على فكرة .. أحمد ومحمد الشرقاوى متخصصين فى تسقيط مواتير الانسر (2000 سى سى)على الإسبيرانزا وبيحولوها من مانيوال إلى أتوماتيك وغالبا كل تاكسيات مصر (الإسبيرانزا) قالبين مواتير لانسر عندهم
والسلام عليكم ورحمة الله وبركاته
السلام عليكم ورحمة الله وبركاته
أخوتى وأحبائى أنا بكتب تجربتى مع تغيير الموتور يمكن حد يستفيد منها.
أنا من أسبوعيين عملت مشاركة بخصوص استفسار عن تغيير موتور إلنترا 96 . المشاركة هنا http://www.nilemotors.net/Nile/278943-96.html
المهم قلت أنزل الحرفيين ألف واخد فكرة . نزلت يوم الجمعة الموافق 30 مارس 2012 رحت للميكانيكى بتاعى وقلتله عايز أجيب موتور للعربية دى بس عايز أجيبه موديل أعلى شوية بس ايه الموديل اللى يركب عليها . ونظرا لأنه أمين وابن حلال قال لى طالما هتجيب موتور روح لورشة أحمد الشرقاوى هم متخصصين فى تسقيط المواتير وهيفيدوك أكتر منى . خدت العربية وطلعت على ورشة أحمد الشرقاوى قابلت (ميدو) محمد الشرقاوى أخو أحمد .. المهم أحمد ومحمد أنا هتكلم عليهم كتير لأنى بصراحة مع خبرة 15 سنة مع الميكانيكية ما قابلتش حد زيهم فى أخلاقهم وأمانتهم وصنعتهم وربنا يزيدهم .
ميدو شاف العربية وقالى روح عند فلان وفلان شوف المواتير هناك . رحت لفيت لفة ورجعت لقيت أحمد اتكلمنا شوية وبعت معايا ياسر صنايعى أسطورة عشان يبص معايا على الموتور .
المهم لقينا موتور إلنترا موديل 2000 كوبيه 1600 سى سى راكب فى نص العربية بالفتيس بتاعه.
الراجل قال الموتور بالفتيس 3600 جنيه والموتور بس ب 3300 المهم جبت الموتور بس ب 3000 جنيه .. أول غلطة يا ريتنى جبت الموتور والفتيس كانوا هيخلصوا على 3300 أصل أنا خايب قوى فى الفصال.
ماكانش معايا فلوس طلعت بالعربية رحت لأقرب مكنة سحبت 5000 جنيه ورجعت سبت العربية لياسر يفك الموتور وأنا رحت أخلص فى الموتور الجديد.
ابتدينا الفك والتركيب من الساعة 6 مساء العربية كانت خالصة الساعة 10 مساء
طبعاً حطينا زيت بدل زيت الموتور الأصلى وقال لى غير الزيت بعد يومين ودفعت 400 جنية مصنعية وخدت الموتور القديم فى شنطة العربية ومشيت.
أنا ساكن فى مدينة نصر وشغلى فى 6 أكتوبر وبروح الشغل بالباص . فقلت أجرب الموتور الأسبوع ده رايح جاى الشغل بدل الباص.
الموتور ماشاء الله .. الصوت ناعم والعزم قوى جداً كأنى شارى العربية جديد.
رحت بيها الأحد والإثنين و غيرت زيت فى بنزبنة شل اللى على الدائرى قبل أكاديمية الشرطة و أخدت أجازة تلات أربع خميس ما تحركتش بالعربية فيهم.
يوم الجمعة قلنا نروح النادى فى التجمع الخامس وكان عمى جاى معايا فى عربيته المهم يا دوب دخلنا على شارع التسعين وفى أول مطب العربية جات مبطلة .. ما حطتش فى دماغى ودورت وكملنا مشى لقيت دخان كثيف أبيض من الشكمان والموتور طالع منه دخان .. قلت لعمى خد العيال روحهم وأنا هطلع على الورشة فى الحرفيين.
وأنا على الدائرى العربية العربية بطلت وما رضيتش تدور تانى والحرارة كانت على الأحمر وصوت المارش بقى ناعم قوى كأن (الكاتينة قطعت)!!!
واحد تاكسى ابن حلال سحب العربية لحد الورشة ب 70 جنية
وطبعاً أول ما أحمد ومحمد سمعوا صوت المارش قالوا كاتينة قطعت وفكينا نشوف ايه النظام لقينا الكاتينة سليمة قلنا الحمد لله .. ولقينا حساس الكاتينة سايح من الحرارة ورائحة الزيت فظيعة فظيعة فظيعة زيت محروق.
المهم العربية جابت وش سلندر . خرطناه و جبنا جوان وركبناه وكل حاجة زى الفل .. ايه بقى سبب كل ده ؟؟؟
خرطوم المياة الساخنة بتاع التكييف اتقطع وبالتالى ميه الموتور فضيت بالكامل وعشان كدة الموتور جاب وش سلندر.
على فكرة أنا كنت بصيت على قربة الميه لقيتها مليانة بس اتضح ان القربة لا تدل على مياه الرادياتير.
طبعا الموتور دلوئتى مش زى الأول فى (صوته) بس ربنا يسهل ويرجع تانى بعد ما يطبع.
أنا هجرب العربية يومين كده وأقول لكم ايه الأخبار
آه على فكرة .. أحمد ومحمد الشرقاوى متخصصين فى تسقيط مواتير الانسر (2000 سى سى)على الإسبيرانزا وبيحولوها من مانيوال إلى أتوماتيك وغالبا كل تاكسيات مصر (الإسبيرانزا) قالبين مواتير لانسر عندهم
والسلام عليكم ورحمة الله وبركاته
Comment