مشكله في موتور دوجان1993

[amro0000]

سلام عليكم / ارحب بلاخوة الاعضاء انا معايا دوجان موديل 1993 مكيفة 1600 المهم كان فيها اولسيهات ضاربة زيت وبترشح زيت والكلام الي زي دة المهم عملت كل الكلام دة الي كان بينقط معايا زيت وكدة وبعد حوالي الف كيلو ببص في مقاس الزيت لقيتة ناقص تقريبا ربعة او اكتر من ربعة المهم روحت للميكانيكي بص تحت العربية وقلب في الموتور ملاقاش زيت نهائيا فقالي ان المكنة كدة بدأت تخف وبتاكل زيت انا لاحظت ان مستوي الزيت نقص من بداية 700كيلو من بعد تغيير الزيت المهم قالي شيل خرطوم الفايض وامشي بيها كدة شوية وقالي دة احتمال يكون طقم شنابر وكدة المهم انا بجد خايف علي العربية ومش عارف اعمل اية ولا اتعامل ازاي معاها الفترة الي جاية وخصوص الصيف داخل وقالي متشغلش التكيف الا والطريق سريع قالي يستحسن وبصراحة انا خايف علي العربية ومش عارف اية الصح واية الغلط اخليها ولا ابيعها ولا اعمل اية بلزبط مش عارف وهل طقم الشنبر دة حاجة جمدة ودة يتكلف كام بلزبط بلمصنعية الميكانيكي وبدونة وهل العربية هترجع زي الاول ولا هتبقي اية بصراحة انا مش عارف اعمل اية بس انا حاليا بفكر ابيعها من خوفي عليها وصحيح لاحظت كدة دخان خفيف اوي من خرطوم الفايض هل دة طبيعي ولا لاء بس الكلام دة كان والجو حر وبعد مشوار حوالي 100 كيلو متواصل في الزحمة ياريت تفيدوني علي الصح اية وازاي اتعامل مع العربية وهيا تمشيني كدة قد اية وتكلفة طقم الشنبر دة كام وياريت كل التفاصيل واشكركم وانا عارف اني طولت في كلامي بس مش هلاقي احسن منكم يفيدوني العربية دوجان 1993 وشكرا

[motazgamal]

متابع

[amro0000]

ياجماعة مفيش حد رد علي الموضوع لية كدة

[ahmed_rgina]

ياسيدى متقلقش دية حاجة بسيطة انشاء الله بص لوخرطوم الفايص جايب دخنة هيبقى طقم شنبر وعموما تكلفتة مش كتير اهم من كدة لما تفتح المكنة هاتعرف الاخبار اية بالضبط لان مش ممكن نحكم على الحاجة منغير منشوف وعموما لوطلع طقم شنبر بس هاتبقى العملية بسيطة اوى وتتكلف فى حدود 600 جنية بالمصنعية والعربية هاترجع احسن من الاول كمان

[mrastra]

اخى الكريم

طبيعى جدا طالما حكمت جميع الاويل سيلات اللى كانت بتهرب زيت انها تضرب من اضعف نقطة

واعتقد انة اويل سيل كرنك خلفى لانة مش بيبان محصور بين الموتور والفتيس ومع مشى العربية بيتطاير

لو فعلا فى بخرة خفيفة من خرطوم الفايظ دة يعتبر شبة طبيعى لان الخرطوم دة داخل على عمة الموتور ولو كان البخرة كبيرة العربية كانت تبطل معاك

عشان نتغلب على المشكلة دى تعالى نغير نوع الزيت
حط زيت نوع موبيل دلفاك ام اكس 3 واضف علية عبوة كانز ابرو وبامر الله الدخنة هاتختفى تماماااااااااااااااااا

[lad]

غير المكانيكى