العربية عندى اخر سرعتها 100 ويبقى الموتور هاينفجر من الصوت

[angel_man100]

السلام عليكم ورحمة الله وبركاته
انا عندى العربية اخرها على الطريق 100 ك/س ويبقى الموتور بيقولى حرام عليك بقى مع ان العربية عندى التجميع بتاعها تحفه وانا عندى مظبط كل حاجه طقم كهرباء كامل وفلتر هواء وفلتر بنزين وبحط بنزين 92 والزيت جديد وكل حاجه تمام .
ملحوظه : انا طقم الدبرياج عندى سليم ومافهوش حاجه ولسه مغيره من شهرين .

[angel_man100]

هو المشكله صعبه اوى كده انا مش متعود على نايل موتورز انها تطنشنى كده مافيش حد عايز يجاوبنى

[Land_Cruiser]

فى الاغلب المشكله من البنزين السئ اللى منتشر اليومين دول علشان ازمه البنزين . مبدأيا حضرتك جرب. تحط من بنزينه تانيه غير اللى بتحط منها فى العادى و شوف ده هيفرق معاك و لا ايه

[ahmedeihab]

الفتيس عندك كام غيار

[amrelsaqqa]

ياباشا مش تطنيش ولا حاجة

بس هو وصفك للمشكلة غريب جدا
ازاى تجميعها تحفة وبعد كدة تقف على 100

وبتقول انك عامل صيانة وكل حاجة سليمة
يعنى حتى الحاجات اللى الناس كان ممكن تقوللك عليها انت قلتها يعنى من الاخر مش سايب مجال للرد :d


كدة الموتور عندك فيه حاجة وموضوع التجميع تحفة ده اعتقد شيء نسبى انت شايفه كويس بس الاكيد انه قبل ال100 برضه مش كويس ولا حاجة

طيب لما بتوصل 100 وتحاول تزود ، الموتور صوته بيعلى بس العربية ما بتستجيبش ولا الموتور نفسه ما بيبقاش قادر يزود ؟
الموتور بياكل زيت ولا لا ؟

لازم تعرف حالة الموتور وتعمل صيانة شاملة وتشيك على التقسيمة كويس
ده بفرض ان الكربراتير كويس والكهربا مظبوطة وكل حاجة تمام ( ده حتى لو الحاجات دى بايظة مش هتوقفها عند 100 )

[angel_man100]

اولا بشكركم على ردودكم جدا
انا فعلا الموتور نفسه ما بيبقاش قادر يزود عن الميه كل مادوس بنزين ازيد بحس الموتور هاينفجر من الضغط عليه .
وانا فعلا التجميع عندى كويس جدا بس مش عارف ايه المشكله دى

[hishamtoot]

أظن عيب أسطوانة

[angel_man100]

الفتيس عندك كام غيار

انا الفتيس عندى 4 غيار

[ahmedeihab]

انا الفتيس عندى 4 غيار

يبقى المشكله من الاسطوانه و الطقم اللى انت جبته ده مضروب
لو فكيت الفتيس هتعرف ان الكلام ده صح
و فكك انها بتجمع حلو فى الاول
^_^

[angel_man100]

يبقى المشكله من الاسطوانه و الطقم اللى انت جبته ده مضروب
لو فكيت الفتيس هتعرف ان الكلام ده صح
و فكك انها بتجمع حلو فى الاول
^_^

معنى كده ان الطقم مالوش لزمه طب ايه العمل

[ahmedeihab]

معنى كده ان الطقم مالوش لزمه طب ايه العمل

يتغير بواحد محترم و ابعد عن الايطالى علشان بقا مضروب
هات الطقم الانجليزى محترم اووووى و كنت بغيره فى عربيتى على طول
و بلاش تغير دسك لو الدسك اللى عندك حلو
^_^

[angel_man100]

الف شكر ليك ahmedeihab
انا هاروح للميكانيكى يشوفلى حكايه طقم الدبرياج ده وربنا يستر والموضوع مايفتحش

[mada3030]

بص ممكن الباب التانى بتاع الكربراتير مش بيفتح لانه المفروض يفتح بعد ال100 خلى حد يشوفهلولك