مشكلة بتحصل معايا لما العربية بتمشي كتير

[semi]

السلام عليكم ورحمة الله

مرتين روحت مشوار بعيد شوية حوالي 70 كيلو
اول مرة لقيت الماسورة بتاعة الماية اللي داخلة للماتور واللي بتبقى كاوتش
انفجرت وطلعت صوت جامد ونزلت مياه الرياديتر والنتيجة انها اتشقت وكانت بتنزل المياه
وطبعا العربية بتسخن ساعتها فربنا كرمني ولقيت بتاع رياديتر في بنزينة ركبلي ماسورة تانية
المفترض انها حرارية وافضل من السابقة ونضفلي الرياديتر وحطلي مياه خضرا وقلبني في قرشين
محترمين وده شئ عادي نظرا لانعدام الضمير المنتشر الايام دي
المهم روحت نفس المشوار تاني الموضوع اتكرر
بس المره دي الماسورة الحرارية استحملت لحد ما وصلت البيت والحمد لله
بس اتشقت وعلى استعداد انها تنفجر لو مشيت بها مشوار كمان
اللي نفسي اعرفه بقى ايه سبب الموضوع ده
وهو اختصاص مين بتاع رياديتر ولا ميكانيكي
لاني شاكك في ان في مشكلة بطرومبة المياه
واللي هيجنني اكتر ان مؤشر الحرارة مش بيعلى خاااالص بل بيفضل قبل النص وده افضل اداء
هل حد حصل الموضوع ده قبل كده؟؟او يعرف حل؟؟

[ahmad_salama]

حصل معايا لاني مكنتش مفرغ هوا من الردياتير. ماتوري فولكس بعد ما تملي القربه مياه لازم تفك خرطوم الفايظ وتفضل تزود مياه لغايه ما تلاقي خرطوم الفايظ بقي ينزل سرسوب ميا مفيش اي هوا خالص.

[chiko]

اتاكد انه مفيش سدد ؟؟؟ لو مفيش يبقي ظبط الهواء .. و شوف ترومستات الكوعه ممكن تكون قفله و بايظه

[semi]

حصل معايا لاني مكنتش مفرغ هوا من الردياتير. ماتوري فولكس بعد ما تملي القربه مياه لازم تفك خرطوم الفايظ وتفضل تزود مياه لغايه ما تلاقي خرطوم الفايظ بقي ينزل سرسوب ميا مفيش اي هوا خالص.

شكيت كده في الاول وروحت عند واحد عملي الموضوع ده
ولكن المشكلة رجعت تاني

اتاكد انه مفيش سدد ؟؟؟ لو مفيش يبقي ظبط الهواء .. و شوف ترومستات الكوعه ممكن تكون قفله و بايظه

انا شاكك فعلا في موضوع الترومستات لان انبارح لاحظت ان المروحة اشتغلت متأخر
وده معناه ان العربية فعلا بتسخن لكن بسبب ان المروحة بتشتغل متأخر
هغيرها باذن الله بكره واشوف

[Ahmed_Ramadan]

فى حتمال حطه فى دماغك إن طلمبة المياه مش بتقلب كويس أو بتعلق

[semi]

فى حتمال حطه فى دماغك إن طلمبة المياه مش بتقلب كويس أو بتعلق

انا قربت اتجنن فعلا لان الترموستات طلعت شغالة وكل حاجه سليمة
واضح اني هرجع فعلا لاحتمال طرومبة المياه
بس هي طرومبة المياه دي عباره عن ايه
وايه التصليح اللي ممكن يتم فيها
وهل الموضوع مكلف؟؟

[Elawany13]

متهيألى طرمبة المياه مش بتتصلح بتتغير على طول
سعرها حسب نوع العربية وحسب صناعتها
بس مش غالية ياعنى بتبدأ من 160 جنيه تقريبا وانت طالع

[egyseadragon]

شوف غطا الرادياتير برضو