Tweet
ياجماعه انا في مشكله مش عارف ايه الحل المكنه كد خفت ولا ايه اللي بيحصل اني لما ادور العربيه وهي بارده خالص بلاقي دخان ابيض وبعد مادور بخمس دقايق الدخان بيروح خالص يعني من الاخر الدخان بيروح اول مالعربيه تسخن شويه المهم انا بقيس الزيت انا بغير موبيل3000 لاقيته نقص حوالي نص كيلو ايه بقي دا معناه ان المكنه كدا راحت في داهيه ومافيش منها رجا دانا لسه جايب العربيه من حوالي 3 شهور هي نوعها لانسر كريستاله وللعلم انا ماغيرتلهاش اي اي حاجه زي فلتر زيت ولا هوا ولا بيجوهات ولا حاجه هل دا ممكن السبب ولا السبب ان المكنه خفيفه ولازم عمره
-
-
لو بتلاقى دخان ابيض خفيف فى فترة التسخين دة طبيعى بسبب تعريق المياه جوا وصلات البنزين و الاسطوانات و كدة.
لو بتلاقى دخان ابيض مائل للزرقة خلال فترة التسخين احتمال يكون فىيه مشكلة فى جلد الصباب او فى دلائل الصباب.
بالنسبة لنقص الزيت احتمال يكون بسبب شقوق جلد الصباب لو كان هو السبب, بس فيه نقطة هو نقص نص كيلو فى مسافة قد ايه؟؟ دة غير ان موبيل الرصاصى xhp بخره عالى عن تجربة.
لوعايز تطمن ان المكنة مش خفيفة او مش عايزة طقم شنبر اعمل اختبار كبس فى بنزينة.
و إن شاء الله خير.[SIGPIC][/SIGPIC]
زياد فرغلى -
هو دخان ابيض بس.المشاركة الأصلية كتبت بواسطة truss مشاهدة المشاركة
بالنسبه هو نقص نص كيلو بعد 1600 كيلو
طيب لو كان جلد الصبابات لو هتتغير المكنه كدا هتتفك وهي عمليه صعبه ولا ايه ولو سبتها كدا هل من ضرر ولا عادي اصل انا مش عاوز افك المكنه خالص انا عاوز اما افك المكنه يبقي الخيار الاخير خالصComment
-
طب اخبار مياه الردياتير ايه , هل بتنقص من غير ما يكون فيه تسريب فى دورة التبريد؟ هل لاحظت وجود زيت فى قربة المياه (المياه مطحنة)؟
ممكن يكون المشكلة فى جوان وش السلندر عايز يتغير لأنه لو ضرب هيخلى المياه تخش الاسطوانات و تعمل دخان ابيض دة غير انه ممكن يكون سبب فى نقص الزيت كمان.
و على العموم لو احتاجت تغير جوان وش السلندر او جلد الصباب مش حوار كبير و ناس كتير بتضطر تعمله المهم ميكانيكى كويس عشان يفك الوش و يركبه.
و عشان تطمن انك مش داخل على عمرة ( لا قدر الله) او طقم شنبر اعمل اختبار كبس فى بنزينة و شوف النتيجة.[SIGPIC][/SIGPIC]
زياد فرغلىComment
-
انا بزود كل اسبوعين كدا كوب مياه وبصيت مالقتش اي وجود لتسريب المياه واما ابص علي المياه مش مطحنه ولا حاجه طبيعي.المشاركة الأصلية كتبت بواسطة truss مشاهدة المشاركة
وبالنسبه لعمل اختبار كبس انا من الغربيه ياريت لو حد يعرف بنزينه في طنطا يقولي اسمها ايه وفين
طيب معلش نفترض جلد الصبابات لو سيبتها يحصل حاجه ولو غيرتها تكلفتها كامComment
-
مبدئياً انا مستبعد ان العربية تكون محتاجة طقم شنبر او عمرة - بإذن الله - لانك كدة كنت هتشوف دخنة رمادى مائلة للون الازرق ( حريق زيت ).
بكرر تانى لو الدخنة لونها ابيض و خفيفة خلال فترة التسخين فقط دة طبيعى بسبب تعريق المياه جوا التانك و مواسير البنزين.
لو الدخنة كثيفة احتمال يكون جوان وش السلندر عايز يتغير, و دة هيحتاج ميكانيكى يكون كويس و هتكون مصنعيته فى حدود 200 الى 300 جنيه و هتغير جوان فرن الشكمان و جوان مانيفولد السحب .. من الاخر اى جوان هيتفك تركب جديد بداله, و انا ما اعرفش اسعار الجوانات بالنسبة للكريستالة بس ما اعتقدش انها غالية
و بالمرة الميكانيكى هيبص على حالة الموتور و البساتم من جوة.
بعد ما تفك الوش هتاخده و تروح بيه لخراط عشان يشوف السوى بتاعه و ان كان محتاج قشط او تجليخ ولا لأ, و الخراط يشوف حالة جلد الصباب و دلائل الصباب و ان كان فيه حاجة عايزة تتغير .. الخراط اجرته فى حدود 150 الى 200 جنيه.
و بعد كل دة و تركب كل حاجة هتحط زيت رخيص (شل احمر او تعاون الازرق) و تمشى بيه الف كيلو و بعدين ترميه و تحط الزيت اللى متعود عليه.
العملية دى هتاخد منك يوم عند الميكانيكى و الخراط مع بعض.
بالنسب لجلد الصباب لو سبته هتلاقى الزيت بينقص و البوجيهات هتهبب و هتلاقى دخنة حريق زيت عند التدوير الصبح (رمادى مائلة للازرق الخفيف), بس حضرتك بتقول ان الدخنة لونها ابيض تماما فانا مستبعد احتمال جلد الصباب دة.
و ان شاء الله بسيطة.[SIGPIC][/SIGPIC]
زياد فرغلىComment
Comment