ارجوكم انا لسة جديد و محتاس على الاخر

[belal 1980]

انا اسف على انى شغلتكم بالموضوع اللى ممكن يبقى بسيط من وجهة نظركم....انا جايب لادا زيرو من حوالى اسبوعين و كانت ماشية كويس لحد من كام يوم كده كل لما اهدى عشان مطب او زحمة و ادوس دبرياج للاخر مع فرامل العربية تكركر و تيجي مبطلة...بقيت الحقها و ادوس سنة بنزين تشتغل عادى ..اجى اهدى تانى برضه تبقى حتبطل ....ارجوكم قولولى اعمل ايه؟؟؟؟ انا سالت ميكانيكى جنب البيت قالى الكربراتير عاوز يتظبط و انا خايف اسيبها لحد يلعب فيها و هى زيرو....و برضه من كتر الكلام الوحش عن التوكيل مش عاوز اروح...يا ريت تنصحوا اخوكم و شكرا

[tareksakr]

حضرتك تروح علي التوكيل عدل وماتخليش حد يلعب فيها العربية لسة زيرو وغالبا هتطلع حاجة بسيطة

[belal 1980]

شكرا لنصيحة حضرتك...و اتمنى ردود من باقى الاعضاء

[Zing0]

توكل على الله و روح التوكيل , المشكله دى بتقابلنى كتيييييير و غالباً هتلاقيها فى ضبط الكربراتير أو تنضيف بيك فيه إسمه بيك السلانسيه. هيا سهله و بسيطه و ممكن أنت تعملها بس أدام العربيه فى الضمان بلاش تلعب فيها.

[chiko]

عادي بتحصل مع معظم العربيات تلوقتي بسبب البنزين السيئ اللي موجود في البلد تلوقتي .. بيبقي كله وساخه

[mada_2005]

ممكن يكون من سلك الدبياج عشان الاستاذ بيشتكى انها بتبطل مع الزحمة وهى واخدة غيار اكيد طبعا التوكيل وهتكون حاجة بسيطه جدا
ده طبعا من خبرتى الضعيفة مع 128

[hassanin_lada]

انا لاداوي زيك ياباشا..اوووووووووعي تخلي حد يلعبلك في الكاربرتير ولا دلوقت ولا بعدين لان الكاربرتير لو اتلعب فيه يبقي تنساه..وبعدين اكيد التوكيل هيبقي ارحم من الصنيعيه اللي بره..اتوكل علي الله وعلي التوكيل..وحاول استنضف بنزينه محترمه وابعد عن بنزينة التعاون

[akmm]

التوكيل التوكيل

[velkouf]

دى مشكلة عادية جدا بتقابلنى كتير بسبب البنزين النضيف اللى فى بلدنا
ودة مشكلة وساخة فى الكربراتير
لو مستعجل وعاوز تخلص الموضوع فى ثوان
اقلب سلك البوجية التانى مع الثالث ودور العربية مع دوسة بنزين هتلاقى العربية عملت مدفع و الامور سلكت وكلة بقى تمام بس اوعى تنسى ترجعهم مكانهم ولا تنسى الترتيب بتاع الاسلاك ( مهم جدا )
بس دة حل مؤقت لحدما اروح للميكانيكى بينضف الكربراتير بالاسبراى و ضغط الهوا ( الكمبريسور )

[velkouf]

للعلم السيارة لادا 2105 مو 95

[lad]

وساخة بنزين

[egyptiandiver]

ماتخليش حد يلعب فيها... و جرب برد تحط منظف كربرتور ذي لكي مولي أو ستب

[belal 1980]

و الله يا رجالة مش عارف اقول لكم ايه....انتم بجد جدعان قوى...انا قولت ما حدش حيعبرنى...انا عملت زى ما قولتولى و وديتها التوكيل...ما فيش 5 دقايق و طلعوها...قولتلهم ايه؟؟؟؟ قالولى خلاص...و طلع معايا الميكانيكى يجربها.... قولتله كان فيها ايه قاللى كاربيراتير و ظبط هوا....و فعلا العربيه ظبطت و كانت بترعش شويه على السلانسيه راحت الرعشة...و قالى مش على طول تحط 80. حط حتى نص و نص 90 ...برضه زى ما قولتوا
انا متشكر ليكوا جدا

[belal 1980]

فيه مشكلة صغيرة تانية...احيانا الغيار الاول بالذات بيبقى تقيل ...يعنى الفتيس مش عاوز يدخل فى مكانه على الاول...طبعا دايس دبرياج على الاخر خالص..اشيل رجلى من الدبرياج و ادوس تانى يجيى...ده يبقى ايه؟؟؟

[akmm]

التوكيل ...... وبس