بسمع صوت الموتور

[omaremam]

شباب
أنا معايا لانسر 2005 البومة
لما باجي أزود سرعة العربية أنا بسمع صوت الموتور أو صوت زي صوت عجلات القطار طبعا سرعتي مش بيتبقي عالية أوي بتكون 70 أو 60 ولما أمشي علي 30 أو 40 بيروح الصوت ...........حد يفيدني وقولي هل ده عادي ولا يكون فيه مشكله في السيور أو الموتور مع العلم أني انا أول مرة أركب عربية من شهر يعني معنديش خليفية عن أكتشاف المشكلة

[HAITHAM1985]

ده غالبا إما من عزل الإزاز أو العزل الداخلى بتاع العربية ......... والموضوع ملوش علاقة بالموتور

[Amr_Azab]

هو ممكن يكون زي استاذ هيثم ما قال بس ياريت تفسرلنا الصوت شوية عشان نقدر نحدد العيب بالظبط
هل هو صوت الموتور فعلا ولا صوت تزييق ولا صوت اشبه بالصفارة كده او الوننه ؟!!

[chiko]

بيلي العجل يا استاذي .. بيخليك تحس ان ماشي علي قضبان ....

[hassanin_lada]

فعلا زي ماقال الاخ الكريم انت الاول اتأكد ان كان المتور ولا لأ....لو مش المتور يبقي بلي العجل فعلا

[omaremam]

شكرا ليكم جميعا
انا أن شاء الله رايح التوكيل بعد العيد

[omaremam]

بس ان محتاج اعرف
لو رحت التوكيل وعمل الاعمال التالية:
1- تغير العفشة
2- تغير مجموعة السيور
3-تغير الزيوت كلها(محرك+فتيش)
3- تيل الفرامل وزيتها
4-تركيب أربة مياة المساحات الامامية
5-الكشف علي الاطارات
كم تكون التكلفة كلها لو فيه حد من التوكيل ياريت يقولي التكلفة