مشكلة فى 127

[magedmega]

السلام عليكم ورحمة الله وبركاته
انا اشتريت 127 فيورا العربية كانت بتجيب معايا 120 مستريح ومبرداش ازود عشان الستبلتى معدوم :) بعد شهر بقيت اجيب 80 بالعفية روحت عملت طقم شنبر ولينت وماشى بقالى شهرين وبردو 80 بالعفية ورجت لى الميكانيكى قالى نغير زيت جيربوكس ومتور ونعمل حجات كتير كدا من غير ميبص على العربية لوحد يعرف يفدنى اكون شاكر جدا :)

[hassanin_lada]

ياباشا العربيه بيبقي متورها مفوت وبتقفل معاك عداد..هل العربيه كانت بتدخن دخانه بيض او في دخانه طالعه من خرطوم الفايظ او كانت بتاكل زيت او بوجيهات عشان تروح تعمل شنبر؟؟


اللي مسئول عن سحب العربيه والسرعه العاليه هما الدسك والاسطوانه..لازم تكشف عليهم الاول وبعدين تحكم..او ممكن تكون عاوزه ظبط كهربا مش اكتر بس غالبا هو الدسك والاسطوانه

[magedmega]

هوه المنور كان صوتو عالى اوى والكربياتير كان عاوز يتزبط وكان فى زيت بيدخل فى الردياتير والقربة روحت سالت كام ميكانيكى كلو قلى شنبر على الرغم ان الزكمان مكنش بيطلع اى حاجة خالص
بس اشكرك طمنتنى لو على الدسك والاسطوانة كدة سهله 120 جنية بس :)

[hassanin_lada]

تمام يبقي انت كده مارمتش فلوسك في الارض..بس هل العربيه كانت بتاكل زيت؟؟او بوجيهات؟؟.....ماهي دي حلاوة العربيات الصغيره الجنيه بيبان فيها..انا كان معايا 128 كنت متدلع بيها وربنا وتلاقي الميكانيكي يركب الكوبلنين وياخد 20 جنيه شويه تاني تحس انه هيصلح العربيه ويديك عليها فلوس :d

[hassanin_lada]

لو علي الصوت العالي طقم بوجيهات نظيف وورشه كاربرتير محترمه بس بلاش يلعب فيه يادوب يظبطه او بالكتير يغسله..لان الكاربرتير لما يتلعب فيه بيبقي امره انتهي

[mada_2005]

بخبرتى البسيطة بعد اذن اساتذة الميكانيكة ومعاناتى مع عربيتى . اعتقد ان دى مشكلة كهرباء

[magedmega]

تمام يبقي انت كده مارمتش فلوسك في الارض..بس هل العربيه كانت بتاكل زيت؟؟او بوجيهات؟؟.....ماهي دي حلاوة العربيات الصغيره الجنيه بيبان فيها..انا كان معايا 128 كنت متدلع بيها وربنا وتلاقي الميكانيكي يركب الكوبلنين وياخد 20 جنيه شويه تاني تحس انه هيصلح العربيه ويديك عليها فلوس :d

ههههههههههه فعلا بحس ان الميكانيكى زعلان اوى وهوه بياخد الفلوس :) مرة غيرت سلمية وظبطلى التيكهات وغيرت طقم تيل فرامل اخد منى 40 جنية وهوه زعلان اوى حسيت انو عاويز يرحعهم كمان :)

[magedmega]

بخبرتى البسيطة بعد اذن اساتذة الميكانيكة ومعاناتى مع عربيتى . اعتقد ان دى مشكلة كهرباء

اة انا حاسس بكدة ان لما بدغت عليها بتفصل منى بحسها كهربة فعلا

[linkin2008]

بخبرتى البسيطة بعد اذن اساتذة الميكانيكة ومعاناتى مع عربيتى . اعتقد ان دى مشكلة كهرباء

+11111111111111111111111111111111
اتاكد من البوجيهات اخبار استهلاك البنزين اية؟