هل الموتور الخفيف بيأخر الدوار ؟

[mada_2005]

بصراحة اول مرة اكتب استفسار بس بصراحة كان نفسى اسأل :)
عربيتى 128 وفيها موتور ريجاتا 1500
المشكلة دلوقتى ان المكنة خفيفة وبتاكل زيت كتير وصوتها عالى جدا ده طبعا بعد الكشف على الشكمان وطلع سليم ودخان الفايظ الكثيف لدرجه ان الناس اما تبص على العربية تنبهنى ان العربية بتولع اقلهم لا عادى مفيش حاجة .
ده طبعا راجع لظروف الزواج اللى مخلينى مش قادر اصرف عليها دلوقتى

المشكلة تحديدا عندى تأخير جامد فى الدوار وطبعا بعد لف وتغيير طقم الكهرباء وضبط الاسبراتير وتنظيف الكربوراتير باردو عندى نفس المشكلة وفى واحد ميكانيكى قلى ان سبب التأخير ان المكنة خفيفة

انا طولت عليكم عارف بس نفسى الافادة من حضارتكم

[hassanin_lada]

مش شرط ..ممكن يكون المارش عاوز يتظبط .. 20 جنيه هيتروق.. وبعدين ماتور 1500 بتاع ريجاته في 128 ليه داخل بيها سبق..انا كان عندي 1300 بتاع ريجاتا بردو وكنت بشد مع العربيات الحديثه وكانت بتجيب معاهم لدرجة اني في مره لقيتها جايبه 140كم وكانت مع عربيه لانوس صاحبها قالي انت مركبلها تربو ولا ايه..طولت عليك انا عارف بس انا بعشق حاجه اسمها 128

[mada_2005]

لا والله مش موضوع سباق بس شارى العربية كدة من سنتين ونص انا وصلت فعلا لى 140 بس بصراحة خفت ازود عشان الثبات
شكرا على مرورك وردك الكريم وهجرب اللى قلتلى عليه لحد اما ربنا يكرمنى واعرف اخليها عربية بنت ناس

[hassanin_lada]

ربنا يكفيك شرها ويديك خيرها

[chiko]

تاخير الدواره بسبب الماتور لان البوجيهات بتعرق زيت و لما بتركن بتعمل عازل و بتيجي بعد كم ساعه تدور بيبقي صعب تدور و لما تدور مبتظبطش الا لما تسخن ...

[mada_2005]

هو ده فعلا بيحصل والعربية اما بتكون دايرة وباردة بتفصل علطول لازم اعلق البنزيت شوية 10 دقايق على الاقل ده طبعا صوتها لا يطاق

[mada_2005]

طيب الحل ايه اغير طقم بوجيهات كل اسبوع

[chiko]

الحل الاساسي هو عمره للماتور او تغيره .. لكن لو ظروفك متسمحش .. يبقي هات بوجيهات سن قصير ... هتشتغل معاك مدي اطول و كل ما تحس ان البوجيهات عرقة تاني .. فكهم و صنفرهم و ركبهم تاني ..لان حرم كل شويه تغير طقم ..

[bebom]

لا والله مش موضوع سباق بس شارى العربية كدة من سنتين ونص انا وصلت فعلا لى 140 بس بصراحة خفت ازود عشان الثبات
شكرا على مرورك وردك الكريم وهجرب اللى قلتلى عليه لحد اما ربنا يكرمنى واعرف اخليها عربية بنت ناس

انا كان معايا 128 ماتور1300 كان خفيف قرصت علية جبت 130 وهيا جبتني مقطور فخد بالك متقرص علي عربية ماتورها خفيف

[mada_2005]

انا كان معايا 128 ماتور1300 كان خفيف قرصت علية جبت 130 وهيا جبتني مقطور فخد بالك متقرص علي عربية ماتورها خفيف

اشكرك على النصيحة اخى الفاضل بس الكلام ده ايام ماكنت فرحان بيها لسه دلوقتى خلاص بطلت الكلام ده حتى لو سايق عربية نضيفة ربنا يكفينا شر العربيات

[mada_2005]

انا كان معايا 128 ماتور1300 كان خفيف قرصت علية جبت 130 وهيا جبتني مقطور فخد بالك متقرص علي عربية ماتورها خفيف

الحل الاساسي هو عمره للماتور او تغيره .. لكن لو ظروفك متسمحش .. يبقي هات بوجيهات سن قصير ... هتشتغل معاك مدي اطول و كل ما تحس ان البوجيهات عرقة تاني .. فكهم و صنفرهم و ركبهم تاني ..لان حرم كل شويه تغير طقم ..

اشكرك على النصيحة وانا هجرب اعمل كدة لحد اما ربنا بسهلها شوية ( لولا انها عزيزة عليا كنت بعتها وصبرت وجبت حاجة احسا )

[hassanin_lada]

كنت قريت في موضوع قبل كده انك ممكن تفك البوجيهات وتحطهم في رماد الفحم(الحاجات اللي باقيه من الفحم السخنه) ده بيساعد انك تطلع الرطوبه منهم وبعد كده تصنفرهم وتغسلهم كويس وتركبهم وانشألله خير

[mada_2005]

نضفت البوجيهات ودارت فعلا بس فى مشكلة تانية
بصيت على الزيت لقيتو محروق وعامل زى المية

ياريت حد يفيدنى اعمل ايه عشان احد من مشكلة الزيت دى وياريت يكون حل مؤقتة غير طقم الشمبر

[chiko]

غير زيت تقيل زي تعاون sj الطبيعي بتاعه بيعمل 3000 ك بالكتير .. لكن في عربيتك بالكتير هيعمل 1200 ك

[akmm]

الموتور الخفيف فعلا مشاكله كتيره .