بحثت ودورت ومش لاقيه اجابة لسؤالي ارجو الاهتمام

[DAHB115]

انا عربيتي اونو 2000 وكنت بفكر ابيعها ورفعتها في البنزينة واتعمل لها كبس موتور وكانت نسبته 55% وحاليا معرفتش ابيع العربية والمفروض ان انا مسافرة بيها بورسعيد ينفع اسافر بيها مع العلم هيسافر معي 3 افراد وشنط السفر هل كدا تحميل زيادة علي العربية وهل السفر لمده طويله في خطر علي العربية وموتورها ولا اركنها واسافر بالمواصلات ياريت حد يفدني لاني هاسفر قريب جدا
وشكرا لمن يهتم بالرد علي

[chiko]

قياس الكبس مش ديمآ مظبوط .. لو معندكش اي مشاكل في العربيه .. سخونه او دخنه او صوت يبقي اتوكل علي الله و روح بيها

[DAHB115]

قياس الكبس مش ديمآ مظبوط .. لو معندكش اي مشاكل في العربيه .. سخونه او دخنه او صوت يبقي اتوكل علي الله و روح بيها

شكرا لاهتمامك الف شكر
من ناحية المشاكل اللي بتقول عليها دى مش موجوده الحمد لله

[eemmoo]

كبس الموتور مالوش علاقه بالسفر
لو معمول ليها صيانه فى مواعيدها زى تغيير السيور والفلاتر والعربيه مش بتسخن ومفيش اى دخنه من الشكمان يبقى ان شاء الله مفيش اى قلق من السفر

[DAHB115]

كبس الموتور مالوش علاقه بالسفر
لو معمول ليها صيانه فى مواعيدها زى تغيير السيور والفلاتر والعربيه مش بتسخن ومفيش اى دخنه من الشكمان يبقى ان شاء الله مفيش اى قلق من السفر

ميرسي لردك واهتمامك . اللي اقصده من موضوع كبس الموتور انه يكون ضعيف لا يحتمل سفر طويل اواى احمال كتير وانا هسافر انا و3 افراد معي والشنط
مرة تانية شكرا لاهتمامك يا ايمو

[eemmoo]

طيب صوت الموتور عادى ولا خشن
لو صوت الموتور ناعم يبقى سيبك من حاجه اسمها كبس الموتور عشان مش معترف بيها اساسا

[akmm]

العربيه تقعد تجرى طول مافيها بنزين ولاتتوقف إلاعلشان تتحول لخرده .