رائحه بنزين فى الزيت افيدونى

[ahhbb]

عايز اعرف عندى رائحه بنزين فى الزيت وعندى العربيه بتستهلك بنزين كتير يعنى فى العشرين لتر تعمل 130 كيلو عربيتى اكسنت 1500 سى سى هل ممكن تكون الرشاشات ولا من ايه وعندى حاله اماتور جيدة وسحب العربيه كتير يعنى مش مخنوقة

[buddha]

يبقى عندك الحريق غير جيد عشان نسبة الهواء ال بتدخل المكنة مع البنزين قليلة عن المعتاد ودة بيكون نتيجة عدم الاهتمام بنظافة فلتر الهواء او اهمال تنظيف دورة الوقود من فترة لاخرى
حتى ممكن تلاحظ ان العادم عنك لونة اسود

والبنزين مش كلة بيتحرق داخل الموتور وبالتالى طبعا طبيعى جدا ان رائحة الزيت كلها بنزين
وكمان فى حاجة اسمها pcv valve لازم يتنظف من وقت للتانى

[ahhbb]

لا انا بنظف فلتر الهواء ولاكن عايز اعرف ايه هى دورة البنزين علشان انظفها وايه هو pcv valve علشان انظفه ممكن تقول لى هما فين

[buddha]

PVC موجود على غطى التاكيهات جنب مكان غطاء الزيت (السهم الوسطانى)
ولما بيتخلع بيبقى شكلة كالتالى


بتفك الخرطوم المتصل بية وبعدين بتفكة PCV وبيتغسل كويس جدا بــ بنزين ويفضل يتنقع فى كباية فيها بنزين

بس الاول روح لميكانيكى يظبطلك الكربراتير الاول

دى الاجرائات الاولية ولو مجبتش نتيجة لا يقدر الله يبقى المكنة محتاجة تغيير طقم شنابر(غوايش)