هى العربيه بقت ليه كده ؟!!!

[ecco]

السلام عليكم جميعا , من حوالى 3 شهور سير الكاتينه اتقطع و انا ماشى بالعربيه فاخدتها زى الشاطر و رحت عملت نص عمره و طبعا غيرت صبابات و القصه اللى انتو عارفينها , المهم الميكانيكى خلص و و اخدتا و لينت بيها الف كيلو , مع العلم انى لينت تليين ممل , يعنى ما قرصتش عالعربيه نهائيا , المهم قمت رايح بعد التليين وديتها للميكانيكى عشان يقفل و يقرط , و فعلا خلص و اخدتها منو كانت عروسه و سحبها ممتاز و العربين ناعمه و تمام , مافيش يومين و انا ماشى على الطريق فجاه نتشت و قطعت , جابت صبابات تانى , فتحت الكبوت لقيت السير مرخى , جبت ونش و شيلتها و عالميكانيكى عدل , قالى فى سنه فالبليه اتكسرت فالسير مط و الصبابات اتقطمت تانى , دلوقتى العربيه عنده بقالها شهر ونصف , عشان البيه بيعملها على حسابه , المهم بقاله اربع ايام مخلصها و مدورها , لكن كل ما اكلمه يقولى العربيه مش عايزة تتظبط , فىيها دربكه و بتعمل حاجات غريبه

العربيه دايو اسبيرو موديل 94 - اوتوماتيك

أفيدونى أكرمكم الله

[chiko]

طالما علي حسابه يبقي عمرها ما تتصلح ..لانه مش هيشترلها حاجه .. و حتي لو هيجيبلها .. هيحاول يجيبها مستعمله حتي لو كانت بيظه .. انت تستعوض ربنا و تاخدها و تعملها بره احسن ..هو لو كان كويس كان عملها من الاول صح .. ما بالك بقي لما يعملها علي حسابه ..يبقي مش طايق يشتغل فيها

[hassanin_lada]

مش شرط علي فكره ..لو بيعرف ربنا ومحترم عادي ....بس صعب تلاقي صنيعي كده ..

[mada_2005]

انا لو منك اروح اقعد على دماغو عشان تفهم الدنيا ماشيا ازاى وفى ايه فى عربيتك وايه اللى هو مش عارف يعملو فى شهر ونص

[SamChips]

el 3arbya lama el seer bey2ta3 w tgeeb kateena,el sebabat betet3weg,nasi7a ew3a testa3del el sebabat ,w lazem teshtry sebabat gdeeda w te3mlha freza w rodih 3and el 7'arat ya3ni bey2a3ad el sebab kwis makano w yet2aked eno haysbat makano men kaza etegah w
tany 7aga ghaleban el basatem betetkser fi 3arbyat kteer w 2olayel lama mesh betetkser fa bate7tag basatem bardo.
w law dayra mla5bata yeb2a 3andak moshkla fel kabs 3shan el mashakel el 2oltaha w howa akeed ma3mlhash
aw mesh 3aref ye2asem el kateena ma3 taw2eet el motor.

[MASERATI]

السلام عليكم و رحمة الله و بركاته

أنا من رأيى, أنك تستعوض ربنا و تعملها عند ميكانيكى نضيف و خلاص و سيبك من الميكانيكى ده خاااااااالص و ماتتعاملش معاه تانى, لأنه أدام بيعملها على حسابه, فالعربية هتفضل تنتش و فيها دربجة و حاجات غريبة الى ما شااااااااااااااااء الله.

ايه اللى العربية فيها برجلة و حاجات غريبة !!!!!!!!!!, فيه ميكانيكى يقول كده !!!!!!!!!