أرجوكم المساعده فى زيت الشنبر ونقصان الزيت

[abohassan]

العربيه فيات اونو موديل 2000 :
المشكله عندى بدأت فى نقصان فى مستوى الزيت .. حوالى ا كيلو زيت كل 1000 كم (لا يوجد تسريب من اى مكان من الموتور) مع وجود تعريق زيت على البوجيهات ... تم تشخيص العطل على أساس ان العربيه عاوزه طقم شنبر ز

كحل مؤقت ركبت كراسى للبوجيهات .. علشان متتقطعشى .. وحطيت زيت التعاون أحادى الدرجه (العبوه البرتقالى) + زيت شنبر ز

النتيجه : بعد حوالى 500 كم لاحظت ان الزيت مازال بينقص .....!!!!!؟؟؟


هل دا معناه ان الموضوع مش طقم شبر ... وهل ممكن يكون مثلا تلف فى جوان الصبابات ..؟ ولا ايه ...؟

أرجوكم الإفاده

[romieh]

الموتور عندك محتاج طقم شنبر وده لازم يسبب تآكل الزيت

بالنسبة لزيت الشنبر اللى حضرتك بتحطه فهو مهمته انه بيتقل الزيت الاساسى بتاع العربية بحيث يخفض من سرعة تآكله

يعنى مش بيمنع التآكل خالص ولكنه بيخللى معدل التآكل أقل

الفيصل هنا هو كمية النقصان فى الزيت، لو هى ثابتة قبل وبعد زيت الشنبر يبقى مش موضوع طقم شنبر ويبقى حضرتك عندك تسريب فى مكان

اما لو النقصان فى الزيت قل عن الاول (يعنى لو فى ال 500 كيلو دول نقص ربع كيلو مثلا) يبقى هو طقم الشنبر السبب

[abohassan]

نفس المعدل تقريبا

الموتور عندك محتاج طقم شنبر وده لازم يسبب تآكل الزيت

بالنسبة لزيت الشنبر اللى حضرتك بتحطه فهو مهمته انه بيتقل الزيت الاساسى بتاع العربية بحيث يخفض من سرعة تآكله

يعنى مش بيمنع التآكل خالص ولكنه بيخللى معدل التآكل أقل

الفيصل هنا هو كمية النقصان فى الزيت، لو هى ثابتة قبل وبعد زيت الشنبر يبقى مش موضوع طقم شنبر ويبقى حضرتك عندك تسريب فى مكان

اما لو النقصان فى الزيت قل عن الاول (يعنى لو فى ال 500 كيلو دول نقص ربع كيلو مثلا) يبقى هو طقم الشنبر السبب

تقدر تقول انه نفس المعدل تقريبا ... مع عدم وجود تسريب من أى مكان فى الموتور ...؟؟؟

[romieh]

تقدر تقول انه نفس المعدل تقريبا ... مع عدم وجود تسريب من أى مكان فى الموتور ...؟؟؟

طالما نفس المعدل يبقى فعلا فيه تسريب فى حاجة

اخبار الدخنة ايه معاك؟؟

هل الدخنة بتبقى أول لما العربية بتدور بس وبعدين تختفى؟؟

ولا العربية بتدخن طول ما انت ماشى؟؟

العربية بتدور من أول تكة ولا بتعتل شوية؟؟

[abohassan]

الدخان

طالما نفس المعدل يبقى فعلا فيه تسريب فى حاجة

اخبار الدخنة ايه معاك؟؟

هل الدخنة بتبقى أول لما العربية بتدور بس وبعدين تختفى؟؟

ولا العربية بتدخن طول ما انت ماشى؟؟

العربية بتدور من أول تكة ولا بتعتل شوية؟؟

بالنسبه لموضوع الدخنه ....
لا يوجد دخنه بيضاء .. سواء فى بداية التشغيل او بعد ذلك ..
كان فيه بس دخنه سوداء بسيطه لما ادوس بنزين .. وتقريبا بعد ما غيرت فلاتر ونضفت الكاربراتير بالإسبراى .. تقدر تقول إختفت بجزء كبييير
والحمد لله العربيه بتدور من اول تكه ...؟

حاجه محيره ... فعلا .....أنا حاليا شاكك فى كاوتش الصباب يكون هوه الى بيسرب زيت .. ولا ايه رئيكم يا جماعه...؟

[romieh]

ما هو لو كاوتش صباب كان هيبقى فيه دخنة اول ما هتدور وتختفى بعد كده

انما ان مافيش دخنة خالص دى حاجة غريبة جدا

ممكن اسألك سؤال: انت اتأكدت ازاى ان مافيش تسريب زيت من العربية؟

لو تأكدك ده بالعين المجردة بس يبقى مش هينفع، تروح تغسل العربية من تحت وبعدين تاخدها مشوار وتركنها شوية وبعدين تبص عليها من تحت وتشوف اذا كان فيه اثر زيت ولا لأ

[abohassan]

ما هو لو كاوتش صباب كان هيبقى فيه دخنة اول ما هتدور وتختفى بعد كده

انما ان مافيش دخنة خالص دى حاجة غريبة جدا

ممكن اسألك سؤال: انت اتأكدت ازاى ان مافيش تسريب زيت من العربية؟

لو تأكدك ده بالعين المجردة بس يبقى مش هينفع، تروح تغسل العربية من تحت وبعدين تاخدها مشوار وتركنها شوية وبعدين تبص عليها من تحت وتشوف اذا كان فيه اثر زيت ولا لأ

فيه معلومه لو ممكن تفيد .. العربيه فى بداية التشغيل مكنتشى بتطلع دخان ابيض أو ازرق.. انما كانت بتفتف حاجات سوداء من الشكمان واعتقد دا معناه زيت محرووق

[karamosman]

انا عندي نفس المشكلة وشخصوها انها شنبر بس انا معايا بونتو 2002

[karamosman]

اه بالمناسبة انا لسه معمالتش الشنبر بس الله اعلم هل كلام المكانيكي صح وهو قال ان الامور دي مش بتبان الا بعد فك الموتور

[m_adeleid]

للأسف لازم تفتح الموتور
إن شاء الله تكون شنبر بس