موتور اكسنت 1500 مو 99 , اتكفن

[seether]

سلام عليكم ,

موتوري خلاص بخ , كان خفيف وبيرزع علي خفيف , اتقرص عليه فجاب اخره , بقي بيرزع جامد, الميكانيكي بيقولي بلاش عمرة عشان هتفتح معاك جامد مصاريف عشان في حاجات كتيرة باظت,هنسقط موتور ونجيبه من الحرفيين مدينة السلام وعالتجربة .

مقلق عشان حتي لما اركبه وطلع كويس , ممكن يبقي ماشي كتير ويقعد معايا شهر ولا اتنين وياكل زيت تاني , وابقي لبسته واحتاج اجيب موتور تاني .

اعمل ايه ؟

[seether]

وسعره كام؟

[seether]

ونبي يا جدعان متنفضوليش

[eyeswizard]

بص محدش يضحك على نفسه
الموتور اللى بيجى بيبقى عامل زى البطيخه
يا حلوه يا ........ انت عارف بقى
بس الميكانيكى خبرته بتفرق
اهم حاجه عرفتها انك تشترى المكنه اللى عليها ترابها و شحمها
مش اللى متنضفه
و حاول تتاكد من ان صوتها ناعم
و متقلقش هتلاقى دخان طالع من الشكمان اللى معناه ان المكنه مفوته
بس فى الحقيقه ده دخان الزيت اللى اتسببت فيه المكنه القديمه
متقلقش هتبقى خير ان شاء الله
و اتفق مع البائع ان ليك تجربه مش اقل من اسبوع
و رزقك على الله

[seether]

شكرا ليك علي ردك
فعلا انا مرعوب , وقلقان
بس اعمل ايه , خليها علي الله
مهو مفيش حل تاني
اجيبها كدة , اجيبها كدة ... هي كدة
هاخد معايا ميكانيكي كويس من منطقتي
وشيل الشيلة وانا وحظي ....

احلا جملة والله : رزقي علي الله

[chiko]

خد معاك ميكانيكي محترم .. و يفضل تفك الماتور من نص جاي من بره .. و لازم تدوره حتي لو لي ثانيه .. انا لما بروح اشري ماتور باختار اللي مركون علي جنب و كل تراب لانه مبيكونش حد لمسه و لا خد منه حاجه لكن اللي متلمع ده بخاف منه اوي ...

[bebom]

خد معاك ميكانيكي محترم .. و يفضل تفك الماتور من نص جاي من بره .. و لازم تدوره حتي لو لي ثانيه .. انا لما بروح اشري ماتور باختار اللي مركون علي جنب و كل تراب لانه مبيكونش حد لمسه و لا خد منه حاجه لكن اللي متلمع ده بخاف منه اوي ...

الله ينور عليك فعلا لما رحت اجيب الماتور اليكانيكي مبصش للي نيف ولا الي علية زيوت ويجرب حاجات بايده ويلف فيها زي الدينمو مثلا

[eyeswizard]

و لازم تدوره حتي لو لي ثانيه

ياباشا لو العربيه انجكشن مش هيعرف يدور الموتور عند الراجل لازم يركب فى عربيه عشان الكمبيوتر

[chiko]

باشا انا اقصد يدور يعني يلفه مرش .. عشان يتاكد ان مش قافش او مكسر من جواه ..

[agogo13]

ماتور

يا ريت حضرتك تقولى عملت ايه علشان انا ناوى اجيب ماتور برده من الحرفيين عن قريب لو ممكن علشان اعرف الإسعار عاملة ايه ومن احسن حد هناك ممكن الواحد يجيب منه وشكرأ

[seether]

ياشباب انا ربنا كرمني بميكانيكي في حتتي , شكله كدة ابن حلال , قالي نعمل عمرة احسن حاجة , احنا منعرفش الموتور الاستيراد هيخدم قد ايه , ممكن سنة ولا اتنين ويفووت , انما العمرة تظبط الموتور ويرجع زي ما كان , انا بصراحة كنت مرتاح لحوار العمرة من قبلها اكتر من تسقيط موتور خصوصا انه وعدني يشوف حوار الحرارة اللي كانت عندي دي وانه مش هيسيبلي العربية غير وهيا كل حاجة فيها تمام , دعواتكم بس ان العمرة تنجح والميكانيكي يطلع كويس وميلبسنيش في الحيطة , بالنسبة للتكاليف , لحد دلوقتي هو خد 1000 جنيه عشان الخراط وعشان قطع الغيار ( مبلغ تحت الحساب) , الخراط علي كلامه المفروض ياخدله 400 جنيه , وقطع الغيار المفروض تعملها 800 جنيه , وهو هياخد 400 جنيه , يبقي كله علي بعضه , 1600 جنيه مبدأيا , انا متوقع ان المبلغ ده هيزيد ويوصل ل الفين او الفين ونص بالكتير لان معظمهم حسابتهم بتبقي في الكلتش وبيرجعوا يقولوك احنا محتاجين كذا او كذا زيادة , او ان قطع الغيار اغلي من اللي كانوا حاسبينه .


ربنا كريم

[seether]

يا خوفي يا بدران العمرة تفشل وهنا سؤال يطرح نفسه


كيف تتأكد ان العمرة تمت بنجاح ؟

[MAMDOH ZAKY]

للعلم للشىء المتور الانمشكشن بيدور عالى الارض فى وجود علب الفيوسا ت والينت

[MAMDOH ZAKY]

عالى فكره العمره مينجحاش غير تغير طرمبت الزيت

م ممدوح زكى

[hugan]

كنت خليتك في موتور استيراد افضل
لللعلم مكسب الميكانيكي في العمره اكتر من مكسبه في تسقيط الموتور
وكنت هاتخلي الموتور القديم احتياطي احتجت مارش دينامو غطاء تا كيهات
الموتور الاستيراد اقل واجب يشتغل معاك 3 سنين وبعد كده يتعمل له طقم شنبر مش عمره
الكلا م ده لو فرضا الموتور الاستيراد طلع خفيف شويه