اشتري بطاريه نوعها ايه؟

[ASD peugeot]

السلام عليكم ورحمه الله وبركاته
يا رجاله عاوز اعرف افضل البطاريات في السوق والاسعار؟
لان بطاريه العربيه نامت مره واحده وانا جاي ادور وبعدين جبت كهربائي وكان معاه بطاريه ووصل الاثنين بسلك والعربيه اشتغلت وكانت البطاريه ناقصه ميه كتير وبعدين رحنا الورشه زودها ميه وقلي اشحنها ليك شويه
المهم شحن حوالي نصف ساعه لاني هروح مشوار مهم يدوبك سبت العربيه 5 دقائق بعد الشحن نصف ساعه وادور مفيش خالص مرش قلت اجرب بس اتصلت بيه ورجع ودورها ببطاريه من معاه ورحنا الورشه تاني عشان يعيد شحنها منفعش الشحن اللي بيعمله بيقولي البطاريه مش نافعه هات واحده جديده يا تري فيه حل ولا خلاص
الحمد لله مرحتش المشوار كانت هتعملها معايا

ويا ريت عاوز اعرف يعني ايه بطاريه جافه وايه هي الانواع التانيه
اسف اني طولت عليكم بس يا ريت المساعده بسرعه
شكرا ليكم

[Akram]

دا بيتوقف على 3 حاجات :
1- نوع العربية:
--------- لو العربية حديثة و الشحن الكتروني يبقى ممكن تجيب جافة أو عادية.
--------- لو العربية قديمة يبقى لازم تجيب عادية.
2- معدل الاستخدام:
--------- لو معدل استخدام السيارة كبير يبقى ممكن تجيب جافة أو عادية.
--------- لو معدل استخدام السيارة قليل و ممكن تسيب السيارة لفترة يبقى لازم تجيب جافة.
3- الميزانية:
--------- لو الميزانية مفتوحة يبقى يفضل تجيب جافة.
--------- لو الميزانية محدودة يبقى مفيش غير العادية.

طيب بالنسبة للانواع :
1- فارتا الألماني
2- نوع أمريكي تقفيل سعودي اسمه AC-Deco

طيب بالنسبة لعمر البطارية :
* الجافة في حدود 3 سنين.
* العادية من سنة و نصف الى سنتين.

طيب بالنسبة لصيانة :
* الجافة مش بتحتاج لأي صيانة.
* العادية تحتاج كل فترة لمراجعة منسوب المياه فيها و التأكد من عدم وجود تمليح على القواطيش لأن ده معناه أن شحن الدينامو مش مضبوط و يجب تنظيف القواطيش.

ملاحظة : البطارية الجافة هي البطارية العادية في التصميم الداخلي و لكن الأختلاف في التصميم الخارجي فالبطارية الجافة مغلقة و لا تسمح بتبخر المياة منها بخلاف البطارية العادية و التي لها فتحات لتزويد المياه و لها فايز لتبخير المياه الزائدة.

[ASD peugeot]

اذيك يا استاذ اكرم
الف شكرا علي رد حضرتك النموذجي
جزاك الله كل خير
وان شاء الله هشتري بطاريه عاديه وتكون حاجه سعرها معقول

[r0xer]

مساء الخير

أنا النهاردة كنت بشتري بطارية برضو.. و أحب أحط الأسعار بالمرة

و كان سعر الacdelco الجافة ب470 جنيه....ممكن تخلص على 400 لو بالبطارية القديمة

و الراجل أكدلي إنها تكنولوجي أوروبي بتقفيل سعودي و أفضل حاليا من النسر فارتا.

و بالتوفيق في إختيارك .

[ASD peugeot]

شكرا يا r0xer علي ردك
وانا كان راكب عندي بطاريه تقريبا مش متأكد بطاريه فارتا وان شاء الله هجيب فارتا برضه لان باين انه انسب بطاريه في نوع البداريات العاديه

[dr_abooody]

انا جبت النسر فارتا الالمانية 55 امبير و عادية على 270 بعد ما خصم تمن القديمة منها
بصراحة هي كويسة جدا و تستحمل الخدمة الشاقة و سعرها حلو
صناعة مصري توكيل الماني و واخدة الايزو و صعب تتغش لانها تخصع للرقابة الصناعة عكس الحاجات المستوردة ممكن تلاقيها مضروبة بير سلم

[m_aash]

مساء الخير

أنا النهاردة كنت بشتري بطارية برضو.. و أحب أحط الأسعار بالمرة

و كان سعر الacdelco الجافة ب470 جنيه....ممكن تخلص على 400 لو بالبطارية القديمة

و الراجل أكدلي إنها تكنولوجي أوروبي بتقفيل سعودي و أفضل حاليا من النسر فارتا.

و بالتوفيق في إختيارك .

مبروك على البطارية
ممكن تقول لنا إشتريتها منين و إيه الحاجات اللى بتبص عليها لما جيت تشترى بمعنى تاريخ الإنتاج , علامة الشحن ........

[ASD peugeot]

انا جبت النسر فارتا الالمانية 55 امبير و عادية على 270 بعد ما خصم تمن القديمة منها
بصراحة هي كويسة جدا و تستحمل الخدمة الشاقة و سعرها حلو
صناعة مصري توكيل الماني و واخدة الايزو و صعب تتغش لانها تخصع للرقابة الصناعة عكس الحاجات المستوردة ممكن تلاقيها مضروبة بير سلم

حضرتك سعر البطاريه فارتا كام اصلا من غير ما تديله البطاريه القديمه

[ziours]

انا النهارده اشتريت بطارية جافة اسمها g force اندونيسي ب 500 حنيه
حد سمع عن البطارية دي و في خد مجربها ولو مجربها ايه رائيو فيها
شكرا

[mohamed2002]

دا بيتوقف على 3 حاجات :
1- نوع العربية:
--------- لو العربية حديثة و الشحن الكتروني يبقى ممكن تجيب جافة أو عادية.
--------- لو العربية قديمة يبقى لازم تجيب عادية.
2- معدل الاستخدام:
--------- لو معدل استخدام السيارة كبير يبقى ممكن تجيب جافة أو عادية.
--------- لو معدل استخدام السيارة قليل و ممكن تسيب السيارة لفترة يبقى لازم تجيب جافة.
3- الميزانية:
--------- لو الميزانية مفتوحة يبقى يفضل تجيب جافة.
--------- لو الميزانية محدودة يبقى مفيش غير العادية.

طيب بالنسبة للانواع :
1- فارتا الألماني
2- نوع أمريكي تقفيل سعودي اسمه AC-Deco

طيب بالنسبة لعمر البطارية :
* الجافة في حدود 3 سنين.
* العادية من سنة و نصف الى سنتين.

طيب بالنسبة لصيانة :
* الجافة مش بتحتاج لأي صيانة.
* العادية تحتاج كل فترة لمراجعة منسوب المياه فيها و التأكد من عدم وجود تمليح على القواطيش لأن ده معناه أن شحن الدينامو مش مضبوط و يجب تنظيف القواطيش.

ملاحظة : البطارية الجافة هي البطارية العادية في التصميم الداخلي و لكن الأختلاف في التصميم الخارجي فالبطارية الجافة مغلقة و لا تسمح بتبخر المياة منها بخلاف البطارية العادية و التي لها فتحات لتزويد المياه و لها فايز لتبخير المياه الزائدة.

شكرا علي الشرح الجميل المبسط يا استاذ اكرم ولكن
انا عربيتي 2105 موديل 95 وفيها بطارية جافة ؟اية المشكلة اللي ممكن تواجهني ؟

[ASD peugeot]

الحمد لله اشتريت بطاريه فارتا الالماني ب 350 جنيه بطاريه عاديه مش جافه والراجل صاحب المحل اخد القديمه ب 50 جنيه يعني في الاخر وقفت عليه ب 300 جنيه
وشكرا ليكم جميعا وللاستاذ اكرم الاخ العزيز

[Akram]

شكرا علي الشرح الجميل المبسط يا استاذ اكرم ولكن
انا عربيتي 2105 موديل 95 وفيها بطارية جافة ؟اية المشكلة اللي ممكن تواجهني ؟

مشكلة البطارية الجافة في العربية القديمة ان شحن الدينامو ممكن ميكونش مضبوط و بالتالي البطارية الجافة بتتأثر اكتر من البطارية العادية ,
لكن بما أن البطارية الموجودة حالياً جافة و في الغالب انت معندكش مشاكل في الدينامو يبقى مفيش مشكلة انك تجيب بطارية جافة .

الحمد لله اشتريت بطاريه فارتا الالماني ب 350 جنيه بطاريه عاديه مش جافه والراجل صاحب المحل اخد القديمه ب 50 جنيه يعني في الاخر وقفت عليه ب 300 جنيه
وشكرا ليكم جميعا وللاستاذ اكرم الاخ العزيز

على ايه يا باشا انت تؤمر.

[mohamed2002]

مشكلة البطارية الجافة في العربية القديمة ان شحن الدينامو ممكن ميكونش مضبوط و بالتالي البطارية الجافة بتتأثر اكتر من البطارية العادية ,
لكن بما أن البطارية الموجودة حالياً جافة و في الغالب انت معندكش مشاكل في الدينامو يبقى مفيش مشكلة انك تجيب بطارية جافة .




على ايه يا باشا انت تؤمر.

شكرا لردك يا استاذ اكرم

[juba8]

دا بيتوقف على 3 حاجات :
1- نوع العربية:
--------- لو العربية حديثة و الشحن الكتروني يبقى ممكن تجيب جافة أو عادية.
--------- لو العربية قديمة يبقى لازم تجيب عادية.
2- معدل الاستخدام:
--------- لو معدل استخدام السيارة كبير يبقى ممكن تجيب جافة أو عادية.
--------- لو معدل استخدام السيارة قليل و ممكن تسيب السيارة لفترة يبقى لازم تجيب جافة.
3- الميزانية:
--------- لو الميزانية مفتوحة يبقى يفضل تجيب جافة.
--------- لو الميزانية محدودة يبقى مفيش غير العادية.

طيب بالنسبة للانواع :
1- فارتا الألماني
2- نوع أمريكي تقفيل سعودي اسمه AC-Deco

طيب بالنسبة لعمر البطارية :
* الجافة في حدود 3 سنين.
* العادية من سنة و نصف الى سنتين.

طيب بالنسبة لصيانة :
* الجافة مش بتحتاج لأي صيانة.
* العادية تحتاج كل فترة لمراجعة منسوب المياه فيها و التأكد من عدم وجود تمليح على القواطيش لأن ده معناه أن شحن الدينامو مش مضبوط و يجب تنظيف القواطيش.

ملاحظة : البطارية الجافة هي البطارية العادية في التصميم الداخلي و لكن الأختلاف في التصميم الخارجي فالبطارية الجافة مغلقة و لا تسمح بتبخر المياة منها بخلاف البطارية العادية و التي لها فتحات لتزويد المياه و لها فايز لتبخير المياه الزائدة.

شكرا ياباشا

[mahmmoud1980]

اناع عندي مشكله في البطاريه كل فترة بلاقي على القواطيش املاح و بتحتاج شحن كل شهر مع العلم ان البطارية سائلة وكشفت على الدينامو لاقيته كوبس يا ترى ايه المشكله