صوت الموتور عالي في اول الغيار

[cartooch]

السلام عليكم ورحمة الله

عندي استفسار بخصوص الموتور العربية كانت كويسة معايا لحد من اسبوع كده كنت مسافر لقيت لما بضغط سنة بنزين العربية عادية جدا لو زودت شوية صغيرة كمان بلاقي صوت الموتور عالي قوي ومفيش سحب الغريب اني أول ما الصوت يبدأ يعلى في اول الغيار لو رفعت رجلي ونزلتها تاني على الدواسة بنفس الضغطه بلاقي العربية بتجري والموتور صوته يهده لو ضغط اكتر يحصل نفس الحكاية باختصار كل ما اضغط على البنزين في اول الغيار خصوصا من التالت للخامس صوت الموتور يعملي والتجميع ضغيف لو رفعت رجلي ثواني وحطيتها تاني تبدأ تسحب كويس وهكذا لحد ما اوصل لاخر الغيار بصراحة محتار مش عارف المشكلة دي من ايه فياريت المساعدة

[medomorgan]

للااسف الاسطوانة والدسك والبلية باظو شويه والعربية مشهتاخد غيار خالص
روح لمكانيكي شاطير يغيرهملك

[romieh]

طيب هى العربية نوعها ايه وموديل كام

مانيول ولا اوتوماتيك - كربراتير ولا نجكشن

ادينا اى معلومات عن العربية نقدر نفيدك على اساسها

[cartooch]

متشكر جدا يا جماعة على الاهتمام

العربية دايو لانوس 99
معايا من رمضان اللي فات وكانت كويسة لحد ما الموضوع ده بدأ يظهر خصوصا على الطرق اللي فيها سرعة

العربية لانوس ما نيوال انجكشن موتور 1500 سي سي ،، بس اول ما جبت العربية كان في ميكانيكي معايا قالي العربية صوتها بيعلى شوية علشان الديسك والاسطوانة عايزين يتغيروا ودي كان التعليق الوحيد عليها يعني ،، بس انا شخصيا ما كنتش حاسس بالموضوع ده لحد قبل ما اكتب الموضوع بيومين بدأ الموضوع يبقى ظاهر قوي السحب بطيء العربية وانا طالع الكوبري بفضل اسقط غيار علشان تطلع الكلام ده حاليا بعد ما كتبت الموضوع بدأت الاحظ الموضوع ده

بالنسبة للزيت كويس ،، بس حاسس ان استهلاك البنزين زيادة فمش قادر احدد هل المشكلة دي فعلا طقم دبرياج ولا فيه مشكلة في الموتور

[romieh]

صوت الموتور عالى - التجميع ضعييف - سحب العربية ضعيف فى المطالع - استهلاك زيادة للبنزين

كل دى أعراض لحاجة واحدة وهى طقم دبرياج لازم يتغير