حالة غريبة !!!

[Yones]

أزيكوا ياجماعة؟؟
عندى حالة غريبة شوية ان العربية لو خرجت بيها يوم وركنتها ودورتها تانى يوم متدورش من أول مرةبس تدور من تانى مرة واذا سبتها يوم كامل مخرجش بيها وادورها تانى يوم تدور من اول تكة....ياترى ممكن يبقى ايه السبب؟؟؟ مع العلم ان حالة البطارية جيدة والبوجيهات لسه جديدة واستهلاك البنزين عالى شوية.

[engineer_abdo]

اعتقد انه مش مشكله جامده

بس هي بتتاخر لحد ما بتحضر بنزين بس

لو ده من زمان معاك يبقي عادي

لو لسه جديده تبقي ممكن كفاءه الطلمبه او الرشاشات قلت ممكن تكشف عليهم

[Yones]

اعتقد انه مش مشكله جامده

بس هي بتتاخر لحد ما بتحضر بنزين بس

لو ده من زمان معاك يبقي عادي

لو لسه جديده تبقي ممكن كفاءه الطلمبه او الرشاشات قلت ممكن تكشف عليهم

بس المحرك كربيراتير مش انجيكشن

[amrelsaqqa]

عادى جدا جدا !
خصوصا لو كربراتير
وخصوصا اوى اوى لو مفيهاش طرمبة بنزين كهربا ، لان الخراطيم بتنشف وحوض الكربراتير بينشف ، ولازم تدوس بنزين قبل ما تدور العربية ( عشان الطرمبة الصغيرة بتاعت المفاجئ اللى جوة الكربراتير بتبقى محوشة شوية بنزين صغيرين وبيساعدوا الموتور يدور )

وطبعا لو العربية قعدت فترة طويلة اوى لازم يتحضرلها بنزين في الكربراتير عشان تلقط و الرداخ يكمل ويجيب البنزين من التنك ، لان الرداخ ( بديل طرمبة البنزين في السيارات القديمة ) مش بيشتغل الا بضغط من الموتور ، والموتور عشان يدور لازم له بنزين

هى العربية ايه وموديل كام ؟

[Yones]

عادى جدا جدا !
خصوصا لو كربراتير
وخصوصا اوى اوى لو مفيهاش طرمبة بنزين كهربا ، لان الخراطيم بتنشف وحوض الكربراتير بينشف ، ولازم تدوس بنزين قبل ما تدور العربية ( عشان الطرمبة الصغيرة بتاعت المفاجئ اللى جوة الكربراتير بتبقى محوشة شوية بنزين صغيرين وبيساعدوا الموتور يدور )

وطبعا لو العربية قعدت فترة طويلة اوى لازم يتحضرلها بنزين في الكربراتير عشان تلقط و الرداخ يكمل ويجيب البنزين من التنك ، لان الرداخ ( بديل طرمبة البنزين في السيارات القديمة ) مش بيشتغل الا بضغط من الموتور ، والموتور عشان يدور لازم له بنزين

هى العربية ايه وموديل كام ؟

بس العربية هوندا أكورد 1983 وفيها طلمبة بنزين كهربا (Stock) موجودة تحت التانك

[akmm]

؟؟؟؟؟؟؟؟؟؟؟؟؟؟؟؟

[walaaeldeen]

السلام عليكم
مادام لما بتوصل بيها مشاور وترجع تبطل وماتدورش من اول مره ولو باتت بتدور علي طول فمن المحتمل يكون العيب في البوبينه
والله المستعان

[Yones]

السلام عليكم
مادام لما بتوصل بيها مشاور وترجع تبطل وماتدورش من اول مره ولو باتت بتدور علي طول فمن المحتمل يكون العيب في البوبينه
والله المستعان

المشكلة انها مش بتدور من أول مرة اليوم التانى للمشوار....لكن لو سيبتها يوم كامل بعد اليوم التانى من غير ماخرج بيها وادورها اليوم اللى بعده تدور من أول تكة.........

[akmm]

متابع .................................................. ..........

[Yones]

مفيش حد عنده رأى او اقتراح؟؟؟

[amr elsisi]

ماهيا اخر صيانة للعربية
وياريت تفك البوجيهات وتنظر اليها هل عليها زيت او مكربنة
متابع

[mood_8210]

حاجة طبيعية جدا بالنسبة لعربية قديمة و كربراتير
لما بتسيبها يوم او اتنين البنزين اللى فى حوض الكربراتير بيطير
لما تيجى تدورها ابقى سيب الكونتاك مفتوح لمدة 10 او 15 ثانية قبل ما تدور عشان طرمبة البنزين تكون حضرت البنزين كويس يا اما تدوس بنزين مرتين او تلاتة للأخر قبل ما تدور
و انصحك بالحل الاولانى لأنة دة الصح

[Yones]

حاجة طبيعية جدا بالنسبة لعربية قديمة و كربراتير
لما بتسيبها يوم او اتنين البنزين اللى فى حوض الكربراتير بيطير
لما تيجى تدورها ابقى سيب الكونتاك مفتوح لمدة 10 او 15 ثانية قبل ما تدور عشان طرمبة البنزين تكون حضرت البنزين كويس يا اما تدوس بنزين مرتين او تلاتة للأخر قبل ما تدور
و انصحك بالحل الاولانى لأنة دة الصح

شكرا لرد حضرتك بس الكلام ده يبقى دقيق لو فى حالة ان الموضوع ده بصفة مستمرة....ولكن الموضوع ده بيحصل لما بكون خرجت بيها اليوم السابق ...لكن لو دروتها وممشيتش بيها طول اليوم وادورها تانى يوم تدور من اول مرة....يبقى اكيد الوضع مختلف......كمان طلمبة البنزين كهربا مش رداخ عادى.....

[Yones]

ماهيا اخر صيانة للعربية
وياريت تفك البوجيهات وتنظر اليها هل عليها زيت او مكربنة
متابع

البوجيهات تم تغييرها حديثا والمشكلة من قبل تغيير البوجيهات ومازالت موجودة

[Yones]

مفيش أى اقتراحات ياجماعة؟؟؟