العربية مفيهاش زيت ، وزودتها زيت ديزل ؟؟؟؟؟؟

[م/مصطفى محمود]

السلام عليكم ورحمة الله وبركاته

النهردة بشوف مقاس الزيت لقيت العربية مفيهاش زيت (تحت العلامة ال MIN بكتير ) فروحت جبت 2 كيلو زيت من بنزينة مصر للبترول اللى جمبي وحطيت علبة لقيت المقاس علي للنص ، بعدها ببص على العلبة لقيت مكتوب علية زيت ديزل (أنا كنت قايله زيت عربيات بس هو رربنا يسامحة أداني علبة غلط وانا مأخدتش بالي انا كمان )

هي علبة مصر للبترول الأحمر ومكتوب عليها زيت محركات الديزل خ ش / 50 API CD

فهل فى مشكلة لو مشيت علية لحد الميكانيكي (من روكسي لحد آخر جمال عبد الناصر) وكده كده هغير الزيت وهغير جوان وش السيليندر علشان شكلة هو اللى بيجيب زيت

فعايز أعرف مدى الخطورة

العربية فيات سيينا 1400 - وآخر زيت فالفولين

[truss]

دة زيت مخصص لمواتير الديزل و كمان احادى الدرجة ( 50 ) و غلط انك تستخدمه فى موتور عربيتك لان الزيت دة هيكون تقيل و لزوجته عاليه و خصوصاً و احنا فى الشتاء هيكون تقيل ع الموتور عند بداية التدوير الصبح, و رأيى انك تنزله

اما بالنسبة أنه ممكن تروح المشوار دة من غير مشاكل بسبب الزيت الله اعلم.

[I.ABUBAKR]

دة زيت مخصص لمواتير الديزل و كمان احادى الدرجة ( 50 ) و غلط انك تستخدمه فى موتور عربيتك لان الزيت دة هيكون تقيل و لزوجته عاليه و خصوصاً و احنا فى الشتاء هيكون تقيل ع الموتور عند بداية التدوير الصبح, و رأيى انك تنزله

.

+1

بالنسبه لمشوار الميكانيكي ممكن تتحرك بالعربيه مفيش مشكله .

[م/مصطفى محمود]

الف شكر يا جماعه ، وانا كده كده هنزلة ، انا بس عايز يمشيني لحد الميكانيكي

[akmm]

ينفع .............