الزيت بينقص

[samozaen91]

معايا اكسنت 99 1500
بحط زيت شل هيلكس الاصفر
لما بيوصل 5000 بقيسه بيطلع ناقص 3/4 لتر و لونه كويسه و لزوجته كويسه
هل كده مكنه خفيفه ؟
بس السحب كويس و مفيش زيت على البوجيهات يعنى البوجيهات مش معرقه زيت
فهل المعدل ده بخر طبيعى ولا عالى ؟؟ خصوصا انى على طول بروح بيها مشاوير قريبه بتاع 2 كم ف فى الجو ده مش بتلحق تسخن يعنى شغل المكنه بيبقى على البارد
ولا اغير شل ؟؟
واحد بتاع زيوت قالى عشان الشل الاصفر المفروض انه مش 5000 كم زى ما الناس بتقول هو اصلا 4000 كم فهل ده صح ولا فتى ولا ايه
عشان كده اول ما بيعدى مدته بيفضل ينقص
ولو غيرت شل ايه الكويس اللى يقعد 10000 كم ويكون معدنى عشان مش كل شويه اغير زيت

[المنسي]

معايا اكسنت 99 1500

بحط زيت شل هيلكس الاصفر
لما بيوصل 5000 بقيسه بيطلع ناقص 3/4 لتر و لونه كويسه و لزوجته كويسه
هل كده مكنه خفيفه ؟
بس السحب كويس و مفيش زيت على البوجيهات يعنى البوجيهات مش معرقه زيت
فهل المعدل ده بخر طبيعى ولا عالى ؟؟ خصوصا انى على طول بروح بيها مشاوير قريبه بتاع 2 كم ف فى الجو ده مش بتلحق تسخن يعنى شغل المكنه بيبقى على البارد
ولا اغير شل ؟؟
واحد بتاع زيوت قالى عشان الشل الاصفر المفروض انه مش 5000 كم زى ما الناس بتقول هو اصلا 4000 كم فهل ده صح ولا فتى ولا ايه
عشان كده اول ما بيعدى مدته بيفضل ينقص

ولو غيرت شل ايه الكويس اللى يقعد 10000 كم ويكون معدنى عشان مش كل شويه اغير زيت

نفس اللى بيحصل عندى عربيتى فليشيا 97 وبحط شل الاصفر وبعد حوالى 4500 كيلو جيت ارفع المقياس لقيت الزيت فالنص بين العلامتين وسالت وعرفت ان كده فى نص لتر ناقص والعربية سحبها كيس ومفيش تعريق زيت عالبوجيهات ومبقتش عارف هل ده بخر زيت عادى ولا ايه وبعدين عملت مشوار طويل وبطلت العربية وفتحت غطا الزيت لقيت فيه زى بخره خفيفة طالعة منه ومش عارف اعمل ايه واحتمال اغير شل خالص وده الاكيد وهحول لليكوى مولى انا مستنى معاك باقى الاراء

[samozaen91]

متهيالى كده شل بدأت متبقاش زى الاول
انا كنت حاطط قبل كده زيت فتيس شل و معداش عليه 15000 كم و لقيت الفتيس تقيل و صوته عالى اوى نزلته و ببص عليه اكنه ميه !!! بقيت نستغرب حطيت موبيل و لاحظت فرق كبير بينه و بين شل

[المنسي]

الواحد احتار فى موضوع الزيوت بس هل البخرة اللى بتطلع من غطا الزيت نتيجة التبخير بتاع ززيت شل ولا دى مشكلة عندى

[truss]

زيت شل الاصفر ولا 4000 ولا 5000 كم دة كله من اختراعاتنا, اللى بيحدد مدة الزيت كتالوج العربية

دور لو فيه اى تعريق زيت من الموتور سواء من فوق او من تحت عند الكارتيرة و شوف لو فيه دخنة من الشكمان سواء و انت ماشى او و انت بتدور الصيح و العربية باردة

[المنسي]

زيت شل الاصفر ولا 4000 ولا 5000 كم دة كله من اختراعاتنا, اللى بيحدد مدة الزيت كتالوج العربية

دور لو فيه اى تعريق زيت من الموتور سواء من فوق او من تحت عند الكارتيرة و شوف لو فيه دخنة من الشكمان سواء و انت ماشى او و انت بتدور الصيح و العربية باردة

فيعه عندى تسريب بس بسيط جدا من فوق وطلبت من الميكانيكي يشد على الوش مرضيش لانى كنت عامل جوان من فترة كبيرة والحمد لله مفيش دخنة سوا دخنة سودا لان العربية عندى بتاكل بنزين شوية فالحل ايه الفبخرة اللى بتطلع من غطا الزيت

[i_Am_Legend]

اعتقد ان شيل البخر بتاعة عالي ...ممكن نجرب توتال او ليكوي مولي

[هيثم الدسوقى]

طب اسعار ليكوى مولى ايه؟؟؟

[samozaen91]

زيت شل الاصفر ولا 4000 ولا 5000 كم دة كله من اختراعاتنا, اللى بيحدد مدة الزيت كتالوج العربية

دور لو فيه اى تعريق زيت من الموتور سواء من فوق او من تحت عند الكارتيرة و شوف لو فيه دخنة من الشكمان سواء و انت ماشى او و انت بتدور الصيح و العربية باردة

معلش حضرتك انا مش فاهم ازاى كتالوج العربيه يحدد الكيلوات اللى بيمشيها الزيت
طب ازاى ؟؟ يعنى موبيل 1 او شل الترا يعيش نفس مده الشل الاحمر او الاصفر ؟؟؟؟
اللى انا اعرفه ان اللى ان اللى بيحدد مدته على علبه الزيت نفسه لان كل زيت يختلف فى نوعه اذا كان تخليقى او معدنى و فى الاضافات عن التانى و بيكون مكتوب ف مستوى الخدمه اللى هى sl اللى هى لمواتير البنزين فى الشل الاصفر

[AlGazar2]

معدل البخر عندك مش كتير ولا حاجة

عندى مع الشد بينقص لتر الى لتر و نص فى اخر مدته مع الشل برضه

غيرته لفالفولين مكملش الف و نقص حوالى 4 مم على المقياس بتاع الزيت

[dr.hazem]

انا شايف انه معدل بخر طبيعي جدا....
وفعلا الواحد لما بيقرص عالعربية ممكن البخر يوصل لتر بحاله...
تحياتي

Sent from my SE Arc S using Forum Runner

[truss]

فيعه عندى تسريب بس بسيط جدا من فوق وطلبت من الميكانيكي يشد على الوش مرضيش لانى كنت عامل جوان من فترة كبيرة والحمد لله مفيش دخنة سوا دخنة سودا لان العربية عندى بتاكل بنزين شوية فالحل ايه الفبخرة اللى بتطلع من غطا الزيت

طبيعى لو فتحت غطا الزيت هتلاقى شوية ابخرة لأن الزيت بيتعرض لحرارة عالية

ولا قصدك ان البخرة و الغطا مقفول, جايز الغطا عايز يتغير و اتأكد ان جوان غطا التاكيهات مفيش حواليه تسريب

[truss]

معلش حضرتك انا مش فاهم ازاى كتالوج العربيه يحدد الكيلوات اللى بيمشيها الزيت
طب ازاى ؟؟ يعنى موبيل 1 او شل الترا يعيش نفس مده الشل الاحمر او الاصفر ؟؟؟؟
اللى انا اعرفه ان اللى ان اللى بيحدد مدته على علبه الزيت نفسه لان كل زيت يختلف فى نوعه اذا كان تخليقى او معدنى و فى الاضافات عن التانى و بيكون مكتوب ف مستوى الخدمه اللى هى sl اللى هى لمواتير البنزين فى الشل الاصفر

هاتلى جركن زيت مكتوب عليه عدد الكيلومترات اللى ممكن تقطعها

[dr.hazem]

هاتلى جركن زيت مكتوب عليه عدد الكيلومترات اللى ممكن تقطعها

لا يوجد جركن ولا اي نوع زيت يقدر يحدد الزيت يمشي قد ايه...
لكن الاكيد ان الخواص والنوعية وطريقة الاستهلاك تستطيع تحديد عدد الكيلوات التقريبي...
تحياتي

Sent from my SE Arc S using Forum Runner

[ahmed_h_g]

معدل البخر عندك مش كتير ولا حاجة

عندى مع الشد بينقص لتر الى لتر و نص فى اخر مدته مع الشل برضه

غيرته لفالفولين مكملش الف و نقص حوالى 4 مم على المقياس بتاع الزيت

حصلت معايا نفس المشكله مع فالفولين