دخان غريب من شكمان البومه

[hossamsmsm]

انا معايا بومه 2006 لسه شاريها من شهر تقريبا
وبقالى 10 ايام كده مش بنزل بالعربيه غير بالليل وكل لما اجى ادورها علشان تسخن بشوف دخان طالع من الشكمان ليه لون ابيض خفيف اوى

ياترى كده فى مشكله فى الماتور او الشكان او فى العربيه عامه ؟؟؟

[truss]

لو الدخانة بتطلع لثوانى معدودة و قت ما تدور والعربية باردة غالباً بيكون كاوتش الصباب نشف

[walaaeldeen]

السلام عليكم
لو دخان ابيض بدون رائحه ممكن يكون بخار ماء طبيعي
لو له ريحة زيت محروق ممكن يكون جلد صباب بس الدخان هيكون لونه ابيض مزرق خفيف
والله المستعان

[hossamsmsm]

السلام عليكم
لو دخان ابيض بدون رائحه ممكن يكون بخار ماء طبيعي
لو له ريحة زيت محروق ممكن يكون جلد صباب بس الدخان هيكون لونه ابيض مزرق خفيف
والله المستعان

هو فعلا ساعات بيبقى ليه ريحه زيت محروق
طيب ايه جلد الصباب ده ؟؟؟ وحل المشكله ايه ؟؟ والتكلفه كام بالظبط ؟؟؟

[Land_Cruiser]

متابع ...

[truss]

دخنة الزيت فى بداية الدوارة صباحاً بتعرفها من حاجتين: ريحة الزيت المحروق + لون الدخنة ابيض مائل للازرق خلى بالك من حتة مائل للازرق دى لازم تشوفها فى النهار عشان تتأكد منها لأنه بيكون خفيف

كاوتش الصباب دة عبارة عن كاوتش حول ساق الصباب عشان بيمنع الزيت من انه يروح من غرفة التاكيهات الى داخل غرفة الحريق فى الاسطوانات
الكاوتش دة بيتشقق غالباً من ركنة العربية فترة طويلة بدون تشغيل

التكلفة على حسب الميكانيكى عشان هيفك وش السلندر و هتودى الوش لخراط و دة ليه تكلفة تانية زائد قطع الغيار هيكون طقم جوان موتور

بس الكلام دة كله لو فعلاً كاوتش الصباب مش مجرد شوية دخان بسبب بخار المياه و احنا فى الشتا

[sasa79]

لو الدخنة البيضة دى استمرت بعد ما العربية مابتسخن اكشف على العربية بالكومبيوتر وحاول تشم فى ريحة بنزين فى الشكمان ولا لآ

[hossamsmsm]

دخنة الزيت فى بداية الدوارة صباحاً بتعرفها من حاجتين: ريحة الزيت المحروق + لون الدخنة ابيض مائل للازرق خلى بالك من حتة مائل للازرق دى لازم تشوفها فى النهار عشان تتأكد منها لأنه بيكون خفيف

كاوتش الصباب دة عبارة عن كاوتش حول ساق الصباب عشان بيمنع الزيت من انه يروح من غرفة التاكيهات الى داخل غرفة الحريق فى الاسطوانات
الكاوتش دة بيتشقق غالباً من ركنة العربية فترة طويلة بدون تشغيل

التكلفة على حسب الميكانيكى عشان هيفك وش السلندر و هتودى الوش لخراط و دة ليه تكلفة تانية زائد قطع الغيار هيكون طقم جوان موتور

بس الكلام دة كله لو فعلاً كاوتش الصباب مش مجرد شوية دخان بسبب بخار المياه و احنا فى الشتا

طيب خلاص انا هجربها بكرة الصبح فى النور واشوف اللون الازرق ده بيبقى موجود ولا لا
بس ياريت تحطلى اسعار ولو حتى تقريبيه علشان انا داخل على نقل ملكيه وترخيص وعاوز ابقى عامل حسابى

لو الدخنة البيضة دى استمرت بعد ما العربية مابتسخن اكشف على العربية بالكومبيوتر وحاول تشم فى ريحة بنزين فى الشكمان ولا لآ

طيب هو كشف الكمبيوتر هيبينلى ايه بالظبط ؟؟؟

[sasa79]

كشف الكمبيوتر هيبينلك اذا كان فى حساس مش شغال لان اعتقد ان الدخنة البيضا مع ريحة بنزين فى الشكمان مع استهلاك ذايد للبنزين = حساس اكسجين

[ahmed_h_g]

أقرأ هذا الموضوع

http://www.nilemotors.net/Nile/290-a.html

[Ahmed_Ramadan]

قولنا يا باشا وصلت لإيه علشان أنا عندى نفس الأعراض ..... و هل يا جماعة فى خطورة على فك وش السلندر و تركيبه تانى ...يعنى ممكن التقفيل يحصل فيه مشكلة و الجوان مثلا ميقفلش كويس و يعمل مشاكل تانية ؟؟

[AHMED_HAMDY]

في حاله وجود جلد صباب بيتفك وش السلندر وتروح مخرطه يتغير جلد الصباب وسعره حسب نوع العربيه

ولازم في الحاله دي تغير جوان الوش لازم

مينفعشي جوان الوش يتفك ويركب ثاني

يعني مفيش حاجه اسمها اشيله اشوفه سليم ولا لاء واركبه ثاني مش ينففع

بص حضرتك لو الدخنه الي الصبح مع بعض قطرات الماء على نهايه الشكمان وبتروح اول مالعربيه تسخن ده بخار
بص حضرتك اما تسخن زود بنزين وشوف في دخنه ولا لاء وقولينا برضضه