مصنعية تسقيط موتور 206 (700) جنيييييييييه؟؟؟؟؟؟

[tareksniper200]

يا جماعة الخير.. أنا معايا بيجو 206 والموتور عملها معايا وطلعت الشمايز مبوشة .. والميكانيكي قالي نغير الموتور أحسن بواحد استيراد

المهم كلم حد ولقى عنده موتور فاضي بلوكه بالوش

المشكلة مش في أي حاجة غير انه عاوز مصنعية 700 جنيه!!!!!!!!!!!

هل دة طبيعي؟؟؟؟؟؟

ارجو الرد بسسسسسسسسسسسسسسسسرعة

[omar-saad]

هى دى مشكلة البيجو وبالاخص ال206
ان دايما مصنعيتها غالية
علشان مش منتشرة وغير كمان ان الحوض بتاعها ضيق قوى
دة يمكن اللى بيخلى الصنايعية مابيحبوش يشتغلوا فيها

[S O P H O S]

يعني هيكون اضيق من السيريون يا باشا
انا راي ان المبلغ مبالغ فيه بصراحة
والله اعلم ..

[aldesha989]

انا ما اعرفش بصراحه الموضوع ده يتكلف كام بس مش الموضوع ده بيبقى زى العمره والعمره بتبقى غاليه كده كده؟

[AlGazar2]

كتير جدا 700 جنية مصنعيه عشان يشيل ماتور و يحط ماتور امال هيديك الماتور نفسه على كام

[S O P H O S]

فعلا ياريت حضرتك
تقولنا سعر الماتور بدون مصناعية كام ؟

[tareksniper200]

هو قالي انه هيشتري الموتور من واحد تاجر وحسبه بـ 1700 جنيه بلوك ووش سلندر بس والموتور كان جاي فيه المانافل والرشاشات وترس الفلام ووصلة الشكمان وحاجات تانية كتير لكن الميكانيكي المفتري حل كل حاجة وضرب عليها وركب القديم اللي كان عندي في العربية .. بقوله انا عاوز الحاجات دي قالي انه واخدها جدعنة من التاجر فوق البيعة وانها تخصه وخدها للأسف .. انا حاسس ان انا اتليفت من الواد دة ربنا يسامحه

حد يقدر يقولي دة طبيعيييييييييييييييييييييييييييييييييييييييييييي؟؟ ؟؟؟

[i_Am_Legend]

لا مش طبييييعي طبعا .اديلة علي دماغة...وقولة خلاص انا هارجع اﻻموتور...وعايز الفلوس.

[ahmed2y]

ممكن تقولى اسم الميكانيكى دة ومكانة فين وكمان انت خلصت ولا لسة وعربيتك موديل كام

[momo44]

مش طبيعى طبعااااااا
وروح معاه للتاجر واسئله

[tareksniper200]

ممكن تقولى اسم الميكانيكى دة ومكانة فين وكمان انت خلصت ولا لسة وعربيتك موديل كام

اسمه محمد كمال في الوايلي هو مركز بيجو بس.. عربيتي موديل 2000 وخلصت واستملت العربية لكني حاسس انه عمل الغلط بالحاجات اللي اخدها من الموتور اللي اشتراه الاستيراد

[ahmed2y]

اسمه محمد كمال في الوايلي هو مركز بيجو بس.. عربيتي موديل 2000 وخلصت واستملت العربية لكني حاسس انه عمل الغلط بالحاجات اللي اخدها من الموتور اللي اشتراه الاستيراد

بص با باشا انت شكلك خلصت ولبست وانتهى الموضوع مش عارف بقى لكن لو عاوز ميكانيكى بيجو كويس وامين روح لمحمد زكى وهو فى الزاوية ودة رقم تلفونة 01002739292 راجل محترم وامين وفهمان كان فى التوكيل وكل المعاة كمان وتعرف مستوة شغلة لما تروح وتشوف العربيات الى عندة ولو رحتلة قولة جايلك من طرف احمد الدغيدى وكمان جنبة فى كهربائى اسمة زكريا ممتاز وبالوقت معاهم هتلاقى العربية كويسة ان شاء الله واىحاجة تحت امرك

[tareksniper200]

بص با باشا انت شكلك خلصت ولبست وانتهى الموضوع مش عارف بقى لكن لو عاوز ميكانيكى بيجو كويس وامين روح لمحمد زكى وهو فى الزاوية ودة رقم تلفونة 01002739292 راجل محترم وامين وفهمان كان فى التوكيل وكل المعاة كمان وتعرف مستوة شغلة لما تروح وتشوف العربيات الى عندة ولو رحتلة قولة جايلك من طرف احمد الدغيدى وكمان جنبة فى كهربائى اسمة زكريا ممتاز وبالوقت معاهم هتلاقى العربية كويسة ان شاء الله واىحاجة تحت امرك

ربنا يخليك يا باشا وشكرا لاهتمامك .. انا زمان فعلا رحت لمحمد زكي دة في الأميرية مش في الزاوية وبتدخله من بوابة شركة كبيرة كدة .. بس لاقيت عنده شغل كتير وقتها واستنيت كتير .. فاضطريت امشي وبصراحة ما رحتلوش تاني..

عموما الحمد لله على كل حال .. وخلي اللي يقبل على نفسه يقبل

[ahmed2y]

ربنا يخليك يا باشا وشكرا لاهتمامك .. انا زمان فعلا رحت لمحمد زكي دة في الأميرية مش في الزاوية وبتدخله من بوابة شركة كبيرة كدة .. بس لاقيت عنده شغل كتير وقتها واستنيت كتير .. فاضطريت امشي وبصراحة ما رحتلوش تاني..

عموما الحمد لله على كل حال .. وخلي اللي يقبل على نفسه يقبل :u_thin1[1]:

هو دالوقتى رجع ورشة الاصلية فى الزاوية هو كان فى الاميرية شركة مع الناس الى هناك وسبهم ورجع ورشة تانى وكمان ما تروح للمكانيكى دة وقولة تعالى حسبنى وفهمنى انت اشتريت بكام والحجات دى بكام والمتور القديم فين وخدة منة حتى لو بلوك بس غلس عالية وادوشة

[mohamedabdelmo]

طارق
انا لسهمسقط شورت بلوك للبولو بمصنعية 600 جم واخذ الموتور 1000سىسى وهو ضارب وش سلندر